pakistan

పాక్ ప్రారబ్ధం

Updated By ManamFri, 07/20/2018 - 00:59

imageపాకిస్థాన్ మానవ హక్కుల కమిషన్ ఆ దేశంలో జూలై 25న జరగబోతున్న సార్వత్రిక ఎన్నికల ధర్మబద్ధతను నిలదీస్తోంది. నిషేధిత ఉగ్రవాద సంస్థకు చెందిన సభ్యులు అభ్యర్థులుగా బరిలోకి దిగడం, కొన్ని రాజకీయ పక్షాలపై ఉగ్రవాదుల దాడులు జరుగుతున్న నేపథ్యంలో పాక్ ఎన్నికల ప్రజాస్వామిక ప్రక్రియపై సందేహాలు రాకమానవు. భద్రతాబలగాల పాత్రపై కూడా ఆ కమి షన్ అనేక సందేహాలు వ్యక్తమవుతున్నాయి. ఒకవైపు ఉగ్రవాద దాడులు, మ రోవైపు రాజకీయ స్వేచ్ఛకు అడ్డంకులు కలసి పాకిస్థాన్‌లో తీవ్రస్థాయి ఉద్రి క్తతలు నెలకొన్నాయి. పాక్ రాజ్యాంగంలో పొందుపరచిన పౌరహక్కులు అక్క డి సైనిక పదఘట్టనల కింద నలిగిపోతున్నాయి. నాలుగు రోజుల క్రితం లండ న్ నుంచి స్వదేశానికి వచ్చిన మాజీ ప్రధాని నవాజ్ షరీఫ్, ఆయన కుమార్తె మరియంల అరెస్టు ఉదంతం పౌరహక్కుల హననం ఏ స్థాయిలో ఉందో తెలియచేస్తుంది. నిర్భయంగా ఓటు వేసే పౌరుల ప్రాథమిక హక్కులకు, అదే సమయంలో పలు రాజకీయ పక్షాలు ఎన్నికల్లో స్వేచ్ఛగా ప్రచారం చేసుకునే హక్కు, సమావేశ హక్కు, నిరసన తెలిపే హక్కు ఆ దేశ రాజ్యాంగంలో పొందు పరచి ఉంది. అదీకాక ఎన్నికల్లో రాజకీయ పక్షాల ప్రచారం సాఫీగా సాగేందుకు అవసరమైన  సదుపాయాలను కల్పించడం కూడా ప్రభుత్వ విధి. సైన్యం చెప్పుచేతల్లో ఉన్న పాక్ తాత్కాలిక ప్రభుత్వం ఎన్నికల ప్రక్రియను ఒక ప్రహసనంగా మార్చి వేసింది. 

పాక్ పార్లమెంటు ఎన్నికల్లో మితిమీరిన సైనిక జోక్యం అక్కడ ప్రజాస్వా మ్యాన్ని ప్రమాదంలో పడవేస్తోంది. జిహాదిస్టు గ్రూపులను కట్టడి చేయవల సిన ప్రభుత్వం, వాటికి పూర్తిగా స్వేచ్ఛనిచ్చింది. దాంతో ఉగ్రవాదులు పెచ్చు రేగిపోతున్నారు. ఇటీవల ముస్తాంగ్‌లో జరిగిన ఉగ్రవాద దాడిలో 125 మంది కి పైగా పౌరులు మృతిచెందారు. నెలరోజుల్లో ఇలాంటి ఉగ్రవాద దాడులు మూడు జరిగాయంటే పరిస్థితి ఎంత అదుపు తప్పిందో అర్థం చేసుకోవచ్చు. పార్లమెంటరీ వ్యవహారాల్లో, ఎన్నికల ప్రక్రియలో సైనిక జోక్యం తగదన్న పార్టీ ల అభ్యర్థులే లక్ష్యంగా ఈ దాడులు జరుగుతుండడంపై అనేక సందేహాలు వ్యక్తమవుతున్నాయి. హంతక దాడులకు తోడు, మీడియాలో అలాంటి రాజ కీయ పక్షాల అభిప్రాయాల ప్రచారాన్ని ప్రభుత్వం అడ్డుకుంటోంది. అప్రకటిత సైనిక రాజ్యం దేశంలోని సకల రాజ్యాంగ వ్యవస్థలను శాసిస్తోంది. సైనిక జో క్యాన్ని వ్యతిరేకించే పీఎంఎల్-ఎన్ వంటి పార్టీలకు మీడియా ప్రచారం లేకుం డా సర్కారు అడ్డుకుంటోంది. ఈ సార్వత్రిక ఎన్నికల్లో ఇమ్రాన్‌ఖాన్ సారథ్యం లోని పాకిస్థాన్ తెహ్రీక్-ఎ-ఇన్సాఫ్ (పీటీఐ) పార్టీ గెలుపు కోసం పాక్ గూఢ చారి సంస్థ ఐఎస్‌ఐ (దేవదూతలు), సైన్యం (గ్రహాంతరవాసులు) తీవ్రంగా ప్రయత్నిస్తున్నట్లు ఊహాగానాలు వస్తున్నాయి. దీనికితోడు లష్కరె తొయిబ ఉగ్రవాద సంస్థకు చెందిన, ఇప్పటికీ అధికారికంగా నమోదు కాని ‘మిల్లీ ము స్లిం లీగ్’ అనే పార్టీ 160 మందికి పైగా అభ్యర్థులను బరిలోకి దించింది. ఆ సంస్థ ఉగ్రవాద దాడులకు సూత్రధారి అయిన హఫీజ్ సయీద్ కుమారుడు, అల్లుడు కూడా పోటీ చేస్తున్నారు. 2013 ఎన్నిక ల్లో మాదిరిగానే ఈసారి కూడా జిహాదీ గ్రూపులు ఎంపిక చేసిన కొన్ని పార్టీల నాయలకులు, కొందరు అభ్య ర్థులను లక్ష్యంగా చేసుకుని సైన్యం మద్దతుతో దాడులు జరుగుతున్నాయి. 

నవాజ్ షరీఫ్, ఆయన పార్టీ పాకిస్థాన్ మిలిటరీ ఆధిపత్యాన్ని సవాల్ చేయడం, గణనీయమైన ప్రజాదరణ కలిగి ఉండడంతో, పనామా పత్రాల కేసులో అసాధారణ  రీతిలో ఆయనకు 10 ఏళ్ళ జైలుశిక్ష పాక్ అత్యున్నత న్యాయస్థానం విధించింది. అదేవిధంగా లండన్‌లో ఆస్తులు కలిగి ఉన్నారన్న కేసులో నవాజ్ షరీఫ్ కుమార్తెకు నేషనల్ అకౌంటబులిటీ బ్యూరో (ఎన్‌ఏబీ) సంస్థ ఏడేళ్ల జైలు శిక్ష విధించింది. పాలక పాకిస్థాన్ పీపుల్స్ పార్టీ (పిపిపి)నేత అసిఫ్ అలీ జర్దారీపై అనేక కేసులున్నా ఒక్కదాని విషయంలోనూ శిక్షపడక పోవడం పాకిస్థాన్ న్యాయవ్యవస్థ ద్వంద్వ ప్రమాణాలు తార్కాణం. పాక్ రాజ కీయ పక్షాలు కూడా సైన్యం ఆసరాతో ప్రత్యర్థులను దెబ్బతీసి అధికారంలోకి రావడానికి ప్రయత్నిస్తుండడం వల్ల అక్కడ ప్రజాస్వామ్యం ప్రమాదంలో ప డింది. పాక్ మిలటరీ-గూఢచారి వ్యవస్థ పాకిస్థాన్ ప్రజాస్వామిక సంస్థలను పదేపదే ధ్వంసం చేస్తున్నాయి.

గతంలో మిలటరీ తిరుగుబాటు కుట్రల ద్వా రా అధికారం హస్తగతం చేసుకుంటుండడంపై అంతర్జాతీయంగా అనను కూలతలు, ఆంక్షలు ఏర్పడుతుండడంతో ఎన్నికల ఫలితాలను తమ అభ్య ర్థులకు అనుకూలంగా వచ్చేందుకు మిలటరీ అనేక విన్యాసాలు చేస్తోంది. తమకు అనుకూలమైన వివిధ రాజకీయ పక్షాలకు చెందిన అభ్యర్థులను గెలి పించి, ఎన్నికల అనంతరం పొత్తులతో ప్రభుత్వ ఏర్పాటు చేసేందుకు పాక్ సైన్యం వెనుక నుంచి సూత్రధారి పాత్ర పోషించడం ఒక కొత్త పరిణామం. అందుకోసం ఏ ఒక్కపార్టీ పరిపూర్ణమైన మెజారిటీ సాధించి అధికారం చేపట్ట కుండా, తన చెప్పుచేతుల్లో ఉండేట్లు ప్రభుత్వం చూస్తోంది. కశ్మీర్ సమస్యతో పాటు ఉపఖండంలో సుస్థిర శాంతి నెలకొనాలంటే పాక్ ఎన్నికలపై ఆ దేశ సైన్యం పడగనీడ పడకూడదు. ఐక్యరాజ్య సమితి పరిశీలకుల ఆధ్వర్యంలో పాక్ ఎన్నికలు సజావుగా సాగి సుస్థిర ప్రభుత్వం ఏర్పడినపుడే అనేక ప్రాంతీ య సమస్యల పరిష్కారం కోసం దేశాల మధ్య అర్థవంతమైన చర్చలు సాగు తాయి. తద్వారా ఉపఖండంలో సుస్థిర శాంతికి దోహదమవుతాయి.



జైలులో షరీఫ్‌కున్న సదుపాయాలివే!

Updated By ManamSat, 07/14/2018 - 16:36
nawaz shariff

స్లామాబాద్: ఓ చిన్న గది, అందులో ఓ మంచం, ఒక కుర్చీ, ఓ చెంబు ఇంకా కరెంట్ సదుపాయం లేకుంటే ఓ లాంతరు.. ఇదీ పాక్ మాజీ అధ్యక్షుడు నవాజ్ షరీఫ్‌కు ప్రస్తుతం జైలులో కల్పించిన సౌకర్యాలు. శుక్రవారం షరీఫ్ తన కూతురుతో కలిసి లాహోర్ విమానాశ్రయంలో అడుగు పెట్టీపెట్టక ముందే పోలీసులు వారిని అరెస్టు చేశారు. 

విమానంలోకి వెళ్లిన పోలీసు బలగాలు ఆయనను అదుపులోకి తీసుకుని ప్రత్యేక ఎస్కార్టుతో రావల్పిండిలోని అడియాలా జైలుకు తరలించాయి. జైలులో షరీఫ్‌కు బి క్లాస్ ఖైదీ సదుపాయాలు కల్పించినట్లు పాక్ మీడియా వెల్లడించింది. పాకిస్థాన్‌లో ఖైదీలను వారు చేసిన నేరాన్ని బట్టి కాకుండా సమాజంలో వారి హోదాను బట్టి ఏ, బీ, సీ కేటగిరీలుగా వర్గీకరిస్తారు. ఏ క్లాస్ ఖైదీకి మెరుగైన సౌకర్యాలు కల్పించనుండగా.. బి క్లాస్ ఖైదీకి కేవలం ఓ మంచం, కుర్చీ, ఓ చెంబు మాత్రమే అందుబాటులో ఉంటాయి. న్యాయస్థానం అనుమతితో ఏసీ, టీవీ, ఫ్రిడ్జ్, వార్తా పత్రికలు.. సదుపాయాలను(వాటి నిర్వహణ వ్యయాన్ని భరించే ఒప్పందం మీద) ఖైదీలకు సమకూర్చే అవకాశం ఉంది. 

ఈ బీ క్లాస్ ఖైదీలు సాధారణంగా చదువుకున్న వారే అయ్యుంటారు కాబట్టి వారితో సీ క్లాస్ ఖైదీలకు చదువు చెప్పిస్తారు. అడియాలా జైలులో పటిష్ఠమైన భద్రత మధ్య ఉంటుందట. పనామా పేపర్స్ కేసుతో పదవీచ్చుతుడైన షరీఫ్.. లండన్‌లో అక్రమాస్తుల కేసులో కూతురుతో సహా ప్రస్తుతం జైలుపాలయ్యారు. ఈ కేసులో షరీఫ్, ఆయన కూతురు మరియంకు కోర్టు వరుసగా పదేళ్లు, ఏడేళ్ల జైలు శిక్ష విధించింది. కాగా, తొలుత నవాజ్ షరీఫ్‌ను దేశ రాజధానిలోని ఓ రెస్ట్‌హౌస్‌కు తరలిస్తారని, దానినే సబ్ జైలుగా ప్రకటించి అందులోనే ఉంచుతారనే పుకార్లు వినిపించాయి. అదేమీ లేకుండా రావల్పిండిలోని అడియాల జైలుకు తరలించడం.. పైపెచ్చు షరీఫ్‌ను బి క్లాస్ ఖైదీగా ప్రకటించడంపై పాక్‌లో నిరసన వ్యక్తమవుతోంది.



నవాజ్ షరీఫ్, ఆయన కుమార్తె అరెస్ట్

Updated By ManamFri, 07/13/2018 - 22:36

Nawaz Sharif Arrest

పాకిస్తాన్: పాకిస్తాన్ మాజీ ప్రధాని నవాజ్ షరీఫ్, ఆయన కుమార్తె మరియం‌ను పాక్ పోలీసులు అరెస్ట్ చేశారు. ఈ నేపథ్యంలో ఇద్దరి పాస్‌పోర్టులను పోలీసులు సీజ్ చేశారు. భారీ భద్రత మధ్య షరీప్, మరియంను అరెస్ట్ చేసి రావల్పిండి జైలుకు తరలించారు. కాగా.. ఉదయం నుంచి వారి కోసం ఎదురుచూస్తున్న పోలీసులు శుక్రవారం రాత్రి విమానం నుంచి కిందకు దిగగానే పోలీసులు అరెస్ట్ చేశారు. షరీఫ్‌ అరెస్ట్ నేపథ్యంలో భారీ ఎత్తున ప్రత్యేక భద్రతా బలగాలు విమానాశ్రయం మోహరించాయి.

ఇదిలా ఉంటే.. స్వాగతం పలికేందుకు లాహోర్ ఎయిర్ పోర్టుకు భారీగా వచ్చిన అభిమానులు నిరాశతో వెనుదిరిగారు. పనామా పత్రాల కుంభకోణానికి సంబంధించిన కేసులో షరీఫ్ కు పదేళ్ల కఠిన కారాగార శిక్షతో పాటు 80లక్షల పౌండ్ల జరిమానా విధిస్తూ ఇస్లామాబాద్‌లోని అవినీతి నిరోధక కోర్టు తీర్పు ఇచ్చిన సంగతి తెలిసిందే. జూలై 25న పాక్‌లో సాధారణ ఎన్నికలు జరుగనున్నాయి.



ఐఏఎస్ అధికారిపై కేంద్రం కన్నెర్ర

Updated By ManamWed, 07/11/2018 - 14:59
  • ప్రభుత్వంపై అనుచిత వ్యాఖ్యలు

  • ఐఏఎస్ అధికారికి షోకాజ్ నోటీసులు

shah faesal

న్యూఢిల్లీ: సివిల్స్‌లో టాపర్‌గా నిలిచి యువతకు ఆదర్శప్రాయంగా మారిన వ్యక్తి.. సామాజిక మాధ్యమాల్లో దేశాన్ని కించపరిచే వ్యాఖ్యలు చేయడంపై కేంద్రం కన్నెర్ర చేసింది. సదరు బ్యూరోక్రాట్‌పై చర్యలు తీసుకోవాలంటూ మానవ వనరుల శాఖను ఆదేశించింది. ప్రభుత్వ ఆదేశాల మేరకు మానవ వనరుల శాఖ ఆ అధికారికి షోకాజ్ నోటీసులు జారీచేసింది. ఆ యువ అధికారి దానిని ప్రజల్లోకి తీసుకెళ్లి చర్చకు పెట్టడంతో వివాదం మరింతగా పెరిగింది. 

అసలేం జరిగిందంటే.. జమ్ము కశ్మీర్‌కు చెందిన షా ఫజల్ అనే యువకుడు 2009లో జరిగిన సివిల్స్ పరీక్షలలో టాపర్‌గా నిలిచాడు. జమ్ము కశ్మీర్ రాష్ట్రం నుంచి సివిల్స్ టాపర్‌గా నిలిచిన మొదటి వ్యక్తిగా చరిత్ర సృష్టించాడు. దీంతో మీడియా అతడిని ఆకాశానికెత్తేసింది. స్థానిక యువతకు ఆదర్శప్రాయుడంటూ కొనియాడింది. జమ్ము యువత కూడా అతడినే ఆదర్శంగా తీసుకున్నారు. 

అయితే, శిక్షణ అనంతరం బాధ్యతలు స్వీకరించిన ఫజల్.. కొంతకాలానికి ఉన్నత చదువుల కోసం సెలవు  పెట్టి విదేశాలకు వెళ్లాడు. ఈ క్రమంలో దేశవ్యాప్తంగా సంచలనం సృష్టించిన కథువా దారుణంపై ఫజల్ సోషల్ మీడియాలో ఓ వివాదాస్పద పోస్ట్ చేశాడు. అవినీతి, అశ్లీలం, అరాచకత్వం, జనాభా, మద్యం, నిరక్షరాస్యత, సాంకేతికత కలగలిసి రేపిస్థాన్ అంటూ పోస్ట్ చేయడంపై సర్వత్రా విమర్శలు వెల్లువెత్తాయి.

విషయం కేంద్ర ప్రభుత్వం దాకా వెళ్లడంతో శాఖాపరమైన విచారణ జరిపి తగిన చర్యలు తీసుకోవాలని ఆదేశించింది. వాస్తవానికి ప్రభుత్వ ఉద్యోగాలలో ఉంటూ ప్రభుత్వాన్ని విమర్శించడం నేరమంటూ 2016లో గవర్నమెంట్ ఓ చట్టాన్ని తీసుకొచ్చింది. ఈ చట్టాన్ని ఉల్లంఘించిన నేరానికి  చర్యలు ఎందుకు తీసుకోవద్దో చెప్పాలంటూ మానవ వనరుల శాఖ ఫజల్‌కు షోకాజ్ నోటీసులు జారీచేసింది.

ఈ నోటీసులను ఫజల్ తిరిగి ట్విట్టర్‌లో పెట్టడంతో నెటిజన్ల నుంచి విమర్శలు వెల్లువెత్తాయి. ప్రభుత్వానికి వ్యతిరేకంగా వ్యాఖ్యలు చేస్తున్న నీకు ప్రభుత్వ ఉద్యోగం ఎందుకంటూ నెటిజన్లు మండిపడుతున్నారు. ముందు ప్రభుత్వ ఉద్యోగానికి రాజీనామా చేసి ఆ తర్వాత మాట్లాడమంటూ మరికొందరు మండిపడ్డారు.



పాక్ ఎన్నికల ర్యాలీలో ఆత్మాహుతి దాడి

Updated By ManamWed, 07/11/2018 - 11:52
  • పెషావర్ ఆత్మాహుతి దాడిలో 20మంది మృతి

Peshawar suicide attack

ఇస్లామాబాద్ : పాకిస్తాన్ ఎన్నికల ప్రచారంలో దాడులు జరగవచ్చన్న నేషనల్‌ కౌంటర్‌ టెర్రరిజం అథారిటీ (నాక్టా) హెచ్చరికలు నిజమయ్యాయి. పాకిస్థాన్‌లోని పెషావర్‌లో నిన్న జరిగిన ఆత్మాహుతి దాడి 20 మంది మృతి చెందగా, సుమారు 30మందికిపైగా గాయపడ్డడారు. కాగా పెషావర్‌లో అవామీ నేషనల్‌ పార్టీ (ఏఎన్‌పీ) ఎన్నికల ర్యాలీ నిర్వహిస్తుండగా ఈ దుర్ఘటన చోటుచేసుకుంది. ర్యాలీలో పాల్గొన్న ఓ గుర్తు తెలియని వ్యక్తి ఆత్మాహుతి దాడికి పాల్పడ్డాడు.

కాగా మృతుల్లో ఏఎన్‌పీ అభ్యర్థి హరూన్‌ బిలౌర్‌ ఉన్నారు. పాకిస్తాన్‌లో ఈ నెల 25న సార్వత్రిక ఎన్నికల జరగనున్న విషయం తెలిసిందే. ఎన్నికల బరిలో హరూన్‌ కూడా ఉన్నారు. ఆయన ప్రసంగం ప్రారంభించిన కొద్ది నిమిషాల్లోనే ఆత్మాహుతి దాడి జరిగింది. కాగా ఈ దాడికి తామే బాధ్యులమని  పాక్ తాలిబాన్లు ప్రకటించారు. 

మరోవైపు ఈ దాడి ఘటనను పాకిస్తాన్‌ తెహ్రీక్‌ ఈ ఇన్సాఫ్‌​ చీఫ్‌, మాజీ క్రికెటర్‌ ఇమ్రాన్‌ ఖాన్‌ తీవ్రంగా ఖండించారు. అన్ని రాజకీయ పార్టీల నేతలకు భద్రత కల్పించాలని ఆయన డిమాండ్ చేశారు. ఈ మేరకు ఇమ్రాన్ ట్వీట్ చేశారు. అలాగే ఉగ్రవాదుల నుంచి ముప్పు పొంచి ఉన్న జాబితాలో ఇమ్రాన్‌‌తో పాటు అవామీ నేషనల్‌ పార్టీ అధ్యక్షుడు అఫ్సన్‌దర్‌ వలి, లష్కరే తోయిబా చీఫ్ హఫీజ్‌ సయీద్‌ కుమారుడు కూడా ఉన్నారు.



ఉగ్రవాదుల హిట్ లిస్టులో ఇమ్రాన్ ఖాన్

Updated By ManamTue, 07/10/2018 - 12:40
Imran khan

ఇస్లామాబాద్ : పాకిస్తాన్‌ తెహ్రీక్‌–ఇ–ఇన్సాఫ్‌ ఛైర్మన్‌, మాజీ క్రికెటర్‌ ఇమ్రాన్‌ ఖాన్‌ ఉగ్రవాదులు హిట్ లిస్టులో ఉన్నట్లు సమాచారం. ఈ మేరకు పాక్  నేషనల్ కౌంటర్ టెర్రరిజం అధారిటీ (ఎన్ఏసీటీఏ) వెల్లడించింది. ఇమ్రాన్ ఖాన్‌తో పాటు దేశంలోని పలువురు రాజకీయ నాయకులపై ఉగ్రవాదులు దాడి చేసే అవకాశం ఉన్నట్లు హెచ్చరించింది. జూలై 25న పాకిస్తాన్‌లో సార్వత్రిక ఎన్నికలు జరగబోతున్న నేపథ్యంలో ఎన్నికల ప్రచార సమయంలో ఈ దాడులు జరగవచ్చని తెలిపింది.

ఉగ్రవాదుల హిట్ లిస్టులో ఇమ్రాన్ ఖాన్, అవామీ నేషనల్ పార్టీ అధ్యక్షుడు అఫ్ఫ్సిండార్ వాలి అఫ్సన్‌దయార్ వాలి, ఖౌమి వాతన్ పార్టీ నేత, అత్తాబ్ అహ్మద్ ఖాన్ షెర్పావో, జామైత్ ఉలేమా ఇ ఇస్లాం-ఫజల్ నేత అక్రమ్ దుర్రానీ, ఏఎన్పీ నేత అమీర్ హైదర్ హొతీ తదితరులు ఉన్నట్లు పాకిస్తాన్ మీడియా తెలిపింది. కాగా వచ్చే నెల జరుగబోయే ఎన్నికలలో ఇమ్రాన్ ఖాన్ నాలుగు స్థానాల నుంచి పోటీ చేస్తున్నారు.

అలాగే లష్కర్-ఇ-తోయిబా వ్యవస్థాపకుడు హఫీజ్ సయీద్ కుమారుడు  తల్హా సయీద్ 'అల్లాహో అక్బర్‌ తెహ్రీక్‌' పేరుతో పాక్ ఎన్నికల బరిలో దిగిన విషయం తెలిసిందే.  తల్హా సయీద్‌తో పాటు పాకిస్తాన్ పీపుల్స్ పార్టీ (పీపీపీ), పాకిస్థాన్ ముస్లిం లీగ్-నవాజ్ (పీఎంఎల్‌ఎన్‌) సీనియర్ నాయకులు కూడా ఈ హిట్ లిస్టులో ఉన్నారు.

ఎన్ఏసీటీఏ హెచ్చరికల నేపథ్యంలో రాజకీయ పార్టీల నేతలకు పాక్ ప్రభుత్వం పూర్తిస్థాయిలో భద్రత కల్పించాలని ప్యానెల్ చీఫ్ రెహ్మాన్ మాలిక్ డిమాండ్ చేశారు. కాగా కొద్దిరోజుల క్రితం సోషల్ మీడియాలో కరాచీలో ఇమ్రాన్ ఖాన్‌పై గుర్తుతెలియని వ్యక్తులు జరిపిన కాల్పుల్లో మరణించినట్లు పుకార్లు వెలువడిన విషయం తెలిసిందే.



పాక్ మాజీ ప్రధాని షరీఫ్‌కు పదేళ్ల జైలు

Updated By ManamFri, 07/06/2018 - 17:04
nawaz shariff

ఇస్లామాబాద్  : పాకిస్తాన్ మాజీ ప్రధానమంత్రి నవాజ్ షరీఫ్‌కు న్యాయస్థానంలో గట్టి ఎదురుదెబ్బ తగిలింది. పనామా పత్రాల అవినీతి కేసులో షరీఫ్‌తో పాటు ఆయన కుమార్తెకు న్యాయస్థానం శిక్ష విధించింది. షరీఫ్‌కు పదేళ్లు, ఆయన కుమార్తె  మర్యమ్ నవాజ్‌కు ఏడేళ్ల జైలు శిక్షను కోర్టు ఖరారు అయింది.

ఆ మేరకు పాక్ లోకల్ మీడియా వెల్లడించింది. కాగా ప్రస్తుతం షరీఫ్ కుటుంబం లండన్‌లో ఉంటోంది. పనామా పత్రాల లీకేజీ కేసులో నవాజ్‌ షరీఫ్‌ను సుప్రీంకోర్టు అనర్హుడిగా ప్రకటించటంతో ఆయన పదవి నుంచి తప్పుకోవాల్సి వచ్చిన విషయం తెలిసిందే.



ఇప్పటికైనా పాక్ తీరు మార్చుకోవాలి

Updated By ManamSat, 06/30/2018 - 16:49
  • ఎఫ్‌ఏటీఎఫ్ నిర్ణయంపై భారత్
pakistan

న్యూఢిల్లీ: ఉగ్రవాద సంస్థలకు ఆర్థికంగా మద్దతిస్తూ ప్రోత్సహిస్తోందని ఆరోపిస్తూ ఆర్థిక కార్యాచరణ ప్రత్యేక దళం(ఎఫ్‌ఏటీఎఫ్) పాకిస్థాన్‌ను గ్రే లిస్ట్‌లో పెట్టడానిని భారత్ స్వాగతించింది. ప్రపంచానికి పెనుముప్పుగా మారిన ఉగ్రవాద కార్యకలాపాలపై ఇప్పటికైనా పాక్ ప్రభుత్వం సీరియస్‌గా దృష్టి పెడుతుందని ఆశిస్తున్నట్లు పేర్కొంది. తన భూభాగం నుంచి ఉగ్రవాదాన్ని తరిమికొట్టేందుకు తగిన చర్యలు తీసుకుంటుందని అభిప్రాయపడింది. 

ఈమేరకు ఎఫ్‌ఏటీఎఫ్ జాబితాపై భారత విదేశాంగ వ్యవహారాల శాఖ అధికార ప్రతినిధి రావీష్ కుమార్ మాట్లాడుతూ.. ‘పాకిస్థాన్‌పై వేటు వేయా లన్న ఎఫ్‌ఏటీఎఫ్ నిర్ణయాన్ని స్వాగతిస్తున్నాం.. ఉగ్రవాద సంస్థలను ఆదరిస్తూ, ఆర్థికంగా సహాయం అందిస్తూ వచ్చిన పాక్ ఇప్పటికైనా తన తీరు మార్చుకోవాలి. అభివృద్ధికి ప్రతిబంధకంగా మారే ఉగ్రవాదాన్ని దూరం పెట్టాలి. నిషేధిత సంస్థలపై కఠినంగా వ్యవహరించాలి’ అని పేర్కొన్నారు. 

దాయాది దేశం ఉగ్రవాదులకు పుట్టిల్లులా మారడంపై భారత్ కొంతకాలంగా ఆందోళన వ్యక్తం చేస్తోంది. పాక్ భూభాగంపై ఉగ్రవాదాన్ని రూపుమాపాల్సిన అవసరాన్ని అంతర్జాతీయ వేదికలపై నొక్కి చెప్పింది. పాకిస్థాన్‌పై చర్యలు తీసుకోవాల్సిన అవసరం ఎంతైనా ఉందని పేర్కొంది. ఈ విజ్ఞప్తికి అమెరికా సహా పలు దేశాలు మద్దతిచ్చాయి. ఇటీవల పారిస్‌లో జరిగిన ఎఫ్‌ఏటీఎఫ్ ఆధ్వర్యంలో జరిగిన సమావేశంలో పాక్‌పై వేటు వేస్తూ 37 దేశాలు నిర్ణయం తీసుకున్నాయి. పాక్‌ను గ్రే లిస్ట్‌లో చేర్చుతూ తీర్మానం చేశాయి. 

ఇప్పటికైనా స్పందించి ఉగ్రవాద నిర్మూలనకు పోరు చేపట్టకపోతే బ్లాక్ లిస్ట్‌లో చేర్చాల్సి ఉంటుందని హెచ్చరించాయి. కాగా, ఎఫ్‌ఏటీఎఫ్ నిర్ణయంతో పాక్ ప్రభుత్వం మేలుకొంది. బ్లాక్ లిస్ట్‌లో చేర్చితే ఆర్థిక, వ్యాపార రంగంపై పెను ప్రభావం పడే ప్రమాదం ఉండడంతో నష్ట నివారణ చర్యలు తీసుకుంటోంది. ఉగ్రవాద నిర్మూలనకు 26 అంశాలతో యాక్షన్ ప్లాన్ రూపొందించింది. వచ్చే 15 నెలల్లో ఈ యాక్షన్ ప్లాన్‌ను అమలు చేయనున్నట్లు పాక్ ప్రభుత్వం వెల్లడించిందంటూ డాన్ పత్రిక ఓ కథనం ప్రచురించింది.



సరిహద్దుల్లో మళ్లీ రెచ్చిపోయిన పాక్

Updated By ManamTue, 05/22/2018 - 09:29

Indian Army  జమ్ముకశ్మీర్: సరిహద్దులో పాకిస్థాన్ సైన్యం మరోసారి కాల్పుల విరమణ ఒప్పందాన్ని ఉల్లంఘించింది. తాజాగా మంగళవారం తెల్లవారు జామున జమ్ము కశ్మీర్‌లోని ఆర్నియా సెక్టార్ వద్ద పాక్ బలగాలు కాల్పులకు తెగబడ్డారు. సరిహద్దు గ్రామాలు, సైనిక శిబిరాలను లక్ష్యంగా చేసుకొని బీఎస్‌ఎఫ్ జవాన్లపై ఈ కాల్పులను జరుపుతున్నారు. అయితే వాటిని భారత సైన్యం సమర్థంగా తిప్పికొడుతోంది. కాగా సోమవారం సరిహద్దు వెంబడి పాక్ రేంజర్లు జరిపిన కాల్పుల్లో ఎనిమిది నెలల చిన్నారి మృతి చెందగా, ఆరుగురికి తీవ్ర గాయాలైన విషయం తెలిసిందే.



బీఎస్‌ఎఫ్ ధాటికి కాళ్ల బేరానికి పాక్

Updated By ManamMon, 05/21/2018 - 00:20
  • ‘రంజాన్’లో భారత్ కాల్పుల విరమణ.. ఆగని దాయాది దేశం ఉల్లంఘనలు

  • దీటుగా తిప్పికొట్టిన బీఎస్‌ఎఫ్ బలగాలు.. కకావికలమై వేడుకోలుకు దిగిన పాక్

pakశ్రీనగర్/న్యూఢిల్లీ: సరిహద్దు వెంట పాక్ కవ్వింపు చర్యలకు భారత్ దీటుగా సమాధానమిచ్చింది. భారత్ జరిపిన ప్రతీకార దాడులను నిలిపేయాలంటూ పాకిస్థాన్ దళాలు ఓ దశలో బీఎస్‌ఎఫ్‌ను వేడుకున్నాయి. రంజాన్ మాసం సందర్భంగా జమ్ము కశ్మీర్ సహా సరిహద్దుల వెంట కాల్పుల విరమణ పాటించాలని భారత్ ప్రకటించినప్పటికీ పాక్ ఉల్లంఘనలకు పాల్పడుతున్న క్రమంలో బీఎస్‌ఎఫ్ దీటుగా బుద్ధి చెప్పింది. దీనికి సంబంధించి ఆదివారం 19 సెకన్ల వీడియోను భారత సరిహద్దు దళం అధికారులు విడుదల చేశారు. ‘దాడులను నిలిపివేయాలని మమ్మల్ని పాక్ రేంజర్స్ అభ్యర్థించారు. వారు ఇష్టారీతిగా కాల్పులకు తెగబడడంతో భారత్ దిమ్మతిరిగే పోయే సమాధానం ఇచ్చింది. దాంతో కాల్పులు నిలిపివే యాలని కాళ్ల బేరానికి వచ్చారు’ అని బీఎస్‌ఎఫ్ ప్రతినిధి వెల్లడించారు. అంతకుముందు పాకిస్థాన్ మోర్టార్ షెల్స్‌తో భారత బలగాలపై విరుచుకుపడింది. శుక్రవారం పాక్ జరిపిన కాల్పుల్లో ఓ బీఎస్‌ఎఫ్ జవాను మరణించగా.. మరొకరు తీవ్రంగా గాయపడ్డారు. మంగళవారం పాక్ జరిపిన కాల్పుల్లో ఓ జవాను మృతి చెందాడు. ప్రధాని జమ్ము పర్యటన నేపథ్యంలో పాక్ కాల్పుల ఘటనలు పెరిగాయి. బీఎస్‌ఎఫ్ విడుదల చేసిన వీడియోలో పాక్ బంకర్ల లక్ష్యంగా ఓ రాకెట్ దూసుకెళ్తున్నట్లు ఉంది. అనంతరం అది లక్ష్యాన్ని ఢీకొని భారీ పేలుడు సంభవించింది. ఈ దృశ్యాలను ఇన్‌ఫ్రారెడ్ కెమెరాల ద్వారా చిత్రీకరించారు. మూడు రోజులుగా పాక్ లక్ష్యంగా భారత్ జరిపిన దాడులతో అటువైపు భారీ నష్టం వాటిల్లినట్లు బీఎస్‌ఎఫ్ ప్రతినిధి తెలిపారు. నియంత్రణ రేఖ వద్ద దాయాది దేశం ఇప్పటికే 700 సార్లు కాల్పులు విరమణ ఒప్పందాన్ని ఉల్లంఘించింది. ఆ ఘటనల్లో 38 మంది సాధారణ పౌరులు చనిపోగా, 18 మంది భద్రతా సిబ్బంది మరణించారు.





Related News