Shah Rukh Khan

నేను పాడటం మానేశాక షారూక్ స్థాయి పడిపోయింది

Updated By ManamThu, 10/04/2018 - 10:33

Abhijeet Bhattacharya, Shah Rukh Khanబాలీవుడ్‌లో పేరు మోసిన సింగర్లలో అభిజిత్ భట్టాచార్య ఒకరు. ఎంతోమంది స్టార్ హీరోల సినిమాలలో ఈయన పాటలు పాడారు. ముఖ్యంగా 90లలో షారూక్ ఖాన్ నటించిన చాలా సినిమాలలో ఆయన ఎన్నో సూపర్‌ హిట్ పాటలను ఆలపించారు. అయితే 2009లో వచ్చిన ‘బిల్లు బార్బర్’ తరువాత షారూక్ సినిమాలకు పాడటం ఆపేశాడు ఈ సింగర్. దీనికి సంబంధించిన కారణాన్ని తాజాగా ఓ కార్యక్రమంలో వివరించాడు.

‘‘నా గాత్రంతో ఎంతోమందిని సూపర్‌స్టార్స్‌ను చేశా. నేను పాటలు పాడినంతకాలం షారూక్ ఖాన్ రాక్‌స్టార్‌లా ఉండేవాడు, నేను అతడికి పాడటం ఆపేశాక అతడి స్థాయి పడిపోయింది’’ అంటూ చెప్పుకొచ్చాడు అభిజిత్. ఇక తాను షారూక్ ఖాన్ చిత్రాలకు ఎందుకు పాడటం లేదో కూడా కారణాన్ని చెప్పుకొచ్చాడు. ‘‘‘మై హూ నా’ చిత్రం కోసం పనిచేసిన స్పాట్ బాయ్ పేర్లను కూడా వేశారు. కానీ సింగర్ల పేర్లు వేయలేదు. అలాగే ఓం శాంతి ఓం చిత్రంలోనూ నా పేరును వేయలేదు. దీంతో నా ఆత్మాభిమానం దెబ్బతింది. అందుకే ఆయన సినిమాలకు పాడటం మానేశా’’ అంటూ తెలిపాడు అభిజిత్.



శత్రువులు, మాజీలు అందరూ ఒకే ఫొటోలో

Updated By ManamThu, 09/27/2018 - 10:45
Bollywood Stars

మామూలుగా శత్రువులు, మాజీ లవర్లు ఒకరికొకరు ఎదురుపడితే పలకరించుకోవడమే కష్టమే. కానీ ఇక్కడ మాత్రం అందరూ కలిసిపోయారు. అంతేకాదు హుషారుగా ఎంజాయ్ చేస్తూ ఫొటోలకు పోజ్‌లు ఇచ్చారు. బాలీవుడ్ హీరోలు షారూక్ ఖాన్, ఆమిర్ ఖాన్, రణ్‌బీర్ కపూర్, రణ్‌వీర్ సింగ్, హీరోయిన్లు అలియా భట్, దీపికా దర్శకనిర్మాత కరణ్ జోహార్ వీరందరూ ఒకే చోట కలిశారు. ఇంకేముంది అల్లరి అల్లరి చేస్తూ ఫొటోలు తీసుకున్నారు. ఇలా వీరందరూ కలిసి ఉన్న ఫొటో ఇప్పుడు సోషల్ మీడియాలో హల్‌చల్ చేస్తుండగా.. అందరినీ ఆకట్టుకుంటోంది.

కాగా షారూక్ ఖాన్, ఆమిర్ ఖాన్‌ల మధ్య ఒకప్పుడు విబేధాలు ఉండేవి. ఈ ఇద్దరు ఒకరి గురించి మరొకరు మాట్లడటానికి కూడా ఇష్టపడేవారు కాదు. అలాంటిది రెండు సంవత్సరాల క్రితం దుబాయ్‌లో జరిగిన ఓ కార్యక్రమంలో కలిసిపోయి, తమ ఫ్రెండ్‌షిప్‌ను చాటుకున్నారు. అంతేకాదు ఆ తరువాత కూడా ఒకరికి మరొకరు మద్దతును తెలుపుకుంటూ కలిసిపోయారు. ఇక రణ్‌వీర్ సింగ్‌తో ప్రేమలో పడకముందు దీపికా పదుకునే రణ్‌బీర్ కపూర్‌తో ప్రేమాయణం కొనసాగించిన విషయం తెలిసిందే. అయితే విబేధాల కారణంగా రణ్‌బీర్‌తో విడిపోయినప్పటికీ.. ఇటీవల ఈ ఇద్దరు ఓ చారిటీ కోసం కలిసి ర్యాంప్ వాక్ చేశారు. అంతేకాదు ఫొటోగ్రఫీ డే రోజు రణ్‌బీర్‌తో ఉన్న ఫొటోను షేర్ చేసిన దీపికా.. తాము మంచి స్నేహితులమని చెప్పకనే చెప్పింది.



అందుకే నాకు హాలీవుడ్ ఆఫర్లు రావట్లేదేమో

Updated By ManamFri, 09/07/2018 - 15:39

SHAH RUKH KHANబాలీవుడ్‌ కింగ్‌ఖాన్ షారూక్ ఖాన్‌కు ఇండియాలోనే కాదు ప్రపంచవ్యాప్తంగా ఎంతోమంది అభిమానులు ఉన్నారు. అయితే ఆయన ఇంతవరకు ఏ హాలీవుడ్ చిత్రంలోనూ నటించలేదు. ఈ విషయంపై తాజాగా ఇటీవల ఓ మీడియా ప్రతినిధి షారూక్‌ను ప్రశ్నించాడు. అయితే దీనిపై షారూక్ సమాధానం చెబుతూ అక్కడున్న అందరినీ నవ్వించాడు.

నేను రోజు చంద్రుడిని చూస్తా. అలాగని దాని దగ్గరకు వెళ్లలేను కదా. ఓంపురి నుంచి ప్రియాంక వరకు అందరూ హాలీవుడ్‌లో రాణిస్తున్నారు. వాళ్ల స్థాయికి నేను ఎందుకు చేరుకోలేకపోతున్నానో అర్థం కావడం లేదు. బహుషా నేను ఇంగ్లీష్‌లో వీక్ అవ్వడం వలన అవకాశాలు రాలేదేమో అంటూ అన్నాడు. ఈ వ్యాఖ్యలకు అక్కడున్న అందరూ నవ్వారు.



మరో ప్రముఖ హీరో కూతురు ఎంట్రీ!

Updated By ManamSat, 08/11/2018 - 17:45
Suhana Khan

మరో ప్రముఖ హీరో కుమార్తె సిల్వర్ స్క్రీన్‌కు త్వరలో పరిచయం కాబోతున్నట్లు భోగట్టా. ఇప్పటికే అందాల తార శ్రీదేవి కూతురు జాన్వీకపూర్ వెండితెరకు పరిచయం అయిన విషయం తెలిసిందే. తాజాగా కింగ్‌ఖాన్ అని అభిమానులు ముద్దుగా పిలుచుకునే బాలీవుడ్ కథానాయుకుడు షారూక్ ఖాన్. ఆయన ఫ్యామిలీ నుండి తర్వాత తరం నుండి సినీ వారసులు ఎంట్రీకి సిద్ధమవుతున్నారు. ముందుగా షారూక్ తనయ సుహానా ఖాన్ హీరోయిన్‌గా ఎంట్రీ ఇవ్వనుంది. 

రీసెంట్‌గా ఓ ప్రైవేట్ మాగజైన్‌కు సుహానా ఇచ్చిన ఫోటో షూట్ టాక్ ఆఫ్ ది ఇండస్ట్రీ అయ్యింది. దీంతో బాలీవుడ్‌కు చెందిన సంజయ్ లీలా బన్సాలీ, సుజోయ్ ఘోష్ వంటి వారు సుహానాను బాలీవుడ్‌కు పరిచయం చేస్తామని ముందుకు వచ్చారు.

మరో వైపు షారూక్ స్నేహితుడు కరణ్ జోహార్ కూడా సుహానాని ఇండస్ట్రీకి పరిచయం చేయుడానికి సిద్ధంగా ఉన్నారు. అయితే సుహానా చదువు పూర్తి చేయాలని షారూక్ దంపతులు కోరుకుంటున్నారు. అంతా సవ్యంగా జరిగితే సుహానా బాలీవుడ్ ఎంట్రీ త్వరలోనే ఉంటుందని సమాచారం. 



చీర్‌గర్ల్స్‌తో షారూక్ డ్యాన్స్.. వీడియో వైరల్

Updated By ManamSat, 08/11/2018 - 12:53

Shah Rukh Khanకరేబియన్ ప్రీమియర్ లీగ్‌లో బాలీవుడ్ కింగ్‌ఖాన్ షారూక్‌ ఖాన్ సందడి చేశారు. ఆ లీగ్‌లో ట్రిన్‌బాగో నైట్ రైటర్స్‌ టీంకు సహ యజమాని అయిన షారూక్ ఖాన్, తన టీంను ఉత్సాహపరిచేందుకు చీర్ గర్ల్స్‌తో కలిసి మైదానంలో స్టెప్పులు వేసుకుంటూ హల్‌చల్ చేశారు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.

అయితే ఈ మ్యాచ్‌లో జమైకా తల్లవాస్‌తో తలపడిన ట్రిన్‌బాగో ఘోరంగా ఓడిపోయింది. మొదట బ్యాటింగ్‌ను ఎంచుకున్న ట్రిన్‌బాగో టీం 223 పరుగులు చేయగా.. ఆ లక్ష్యాన్ని జమైకా తల్లవాస్‌ సులభంగా చేధించింది. కాగా ఐపీఎల్‌లో షారూక్‌ కోల్‌కతా నైట్ రైడర్స్‌ టీంకు సహయజమానిగా వ్యవహరిస్తున్న విషయం తెలిసిందే.

 



త్వరలో పెళ్లి చేసుకోబోతున్నా.. మీరంతా రండి 

Updated By ManamThu, 08/02/2018 - 12:41

Shah Rukh త్వరలో పెళ్లి చేసుకోబోతున్నా అంటూ మీడియా ప్రతినిథులకు షాక్ ఇచ్చాడు బాలీవుడ్ కింగ్‌ఖాన్ షారూక్ ఖాన్. ఇటీవల ముంబైలో జరిగిన వోగ్ అవార్డ్ ఫంక్షన్‌లో పాల్గొన్న షారూక్ ఖాన్‌ను ప్రియాంక చోప్రా పెళ్లి విషయంపై వారు ప్రశ్నలు అడిగారు.

ఈ నేపథ్యంలో షారూక్ స్పందిస్తూ.. ‘‘ప్రియాంకనే కాదు నేను కూడా పెళ్లి చేసుకోబోతున్నాను. మీకు తప్పకుండా ఆహ్వాన పత్రికను పంపిస్తా. మెహందీ వేడుకతో పాటు రెసెప్షన్‌కు మిమ్మల్ని ఆహ్వానిస్తాను. మీరు తప్పకుండా రావాలి’’ అంటూ సమాధానం ఇచ్చారు. దీంతో అక్కడున్న సెలబ్రిటీలతో పాటు మీడియా ప్రతినిథులందరూ పగలబడి నవ్వుకున్నారు. అయితే ప్రియాంక చోప్రా, తన ప్రియుడు నిక్ జోనస్‌తో వివాహానికి సిద్ధమైనట్లు ఇటీవల బాలీవుడ్‌లో వార్తలు హల్‌చల్ చేస్తున్న విషయం తెలిసిందే. దీనిపై వారు అధికారిక ప్రకటన ఇవ్వలేదు. కాగా ప్రస్తుతం షారూక్ ఖాన్ జీరో అనే చిత్రంలో నటిస్తున్నాడు. ఆనంద్ ఎల్ రాయ్ దర్శకత్వం వహిస్తున్న ఈ చిత్రంలో షారూక్ సరసన కత్రినా, అనుష్క నటించగా.. దీపికా పదుకునే, శ్రీదేవి తదితరులు అతిథి పాత్రలలో కనిపించనున్నారు. డిసెంబర్‌లో ఈ చిత్రం ప్రేక్షకుల ముందుకు రానుంది.



ఫొటోషూట్‌తో మతి పోగొట్టిన షారూక్ తనయ

Updated By ManamWed, 08/01/2018 - 16:17
Suhana Khan

బాలీవుడ్ కింగ్‌ఖాన్ షారూక్ ఖాన్ తనయ సుహానా ఖాన్ గురించి కొత్తగా చెప్పాల్సిన అవసరం లేదు. గతంలో ఎన్నోసార్లు ఆమె ఫొటోలు సోషల్ మీడియాలో హల్‌చల్ అయ్యాయి. అయితే వాటన్నింటికి మించి మొదటిసారి వోగ్ మ్యాగజైన్ కోసం ఆమె ఇచ్చిన ఫొటోషూట్ అందరి మతిని పోగొడుతోంది. దీనికి సంబంధించిన మేగజైన్‌ను షారూక్ ఖాన్‌ విడుదల చేయడం మరో విశేషం.

ఈ సందర్భంగా షారూక్ మాట్లాడూతు.. ‘‘సుహానా ఎప్పుడైతే తన స్థాయిని తాను చూసుకొని గర్వపడుతుందో, అప్పుడే నేను తన పట్ల గర్వపడతా. ఇకపై ఆమెను షారూక్ కుమార్తే అని పిలిచే తీరు మారుతుందని ఆశిస్తున్నా. ఈ మ్యాగజైన్‌లో ఆమెను ఇంత అందంగా కనిపించేలా చేసిన అందరికీ ధన్యవాదాలు’’ అంటూ పేర్కొన్నారు. ఇక ఆమె ఫొటోషూట్‌కు సంబంధించిన వీడియోను షారూక్ భార్య గౌరీ సోషల్ మీడియాలో షేర్ చేశారు. మొత్తానికి ఈ ఫొటోషూట్ చూస్తుంటే త్వరలోనే ఆమె బాలీవుడ్‌లో ఎంట్రీ ఇచ్చేందుకు సిద్ధమైనట్లు తెలుస్తోంది. మరి సుహానే బాలీవుడ్ ఎంట్రీపై షారూక్ ఎలా స్పందిస్తారో చూడాలి.

 



ఇన్ని సంవత్సరాలకు నా భార్య ఒప్పుకుంది

Updated By ManamMon, 07/09/2018 - 10:56

shah rukh ఇన్ని సంవత్సరాలను నా భార్య ఒప్పుకుంది అంటూ ఓ ట్వీట్ చేశాడు బాలీవుడ్ కింగ్‌ఖాన్ షారూక్ ఖాన్. వివరాల్లోకి వెళ్తే.. షారూక్ భార్య గౌరీ ఖాన్ సోషల్ మీడియాలో యాక్టివ్‌గానే ఉంటారు. అయితే అందులో తన గురించి కంటే తన పిల్లల గురించే ఎక్కువగా షేర్ చేసుకుంటారు. ఇక మరోవైపు షారూక్ ఖాన్ కూడా సినిమాల గురించి, పిల్లల గురించే ఎక్కువగా షేర్ చేస్తుంటారు. 

దీంతో ఈ ఇద్దరు తీసుకున్న ఫొటోలు చాలా తక్కువగా వారి వారి ఖాతాలో ఉంటాయి. అయితే తాజాగా వారిద్దరు తీసుకున్న ఓ ఫొటోను సోషల్ మీడియాలో షేర్ చేసిన షారూక్.. ‘‘నేను తీసిన ఫొటోను షేర్ చేసేందుకు చాలా సంవత్సరాల తరువాత నా భార్య ఒప్పుకుంది’’ అంటూ కామెంట్ పెట్టారు. ఇక ఈ ఫొటోపై నెటిజన్లు లవ్‌లీ కపుల్ అంటూ కామెంట్ పెట్టారు.



షారూక్, అనిల్, మాధురీ, టబులకు ఆస్కార్ ఆహ్వానం

Updated By ManamTue, 06/26/2018 - 15:19
Bollywood

59 దేశాలకు చెందిన 928మంది కొత్త సభ్యులకు ఆస్కార్ అవార్డులను ప్రదానం చేసే ‘ద అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్’ తాజాగా ఆహ్వానం పలికింది. అందులో ఈ సంవత్సరం 20మంది భారతీయ సినీ ప్రముఖులు ఉండటం విశేషం. వారిలో బాలీవుడ్ కింగ్ ఖాన్ షారూక్, మాధురీ దీక్షిత్, అనిల్ కపూర్, టబులు ఉన్నారు. వీరితో పాటు మాజీ స్టార్స్ నషరుద్దీన్ షా, సౌమిత్రా ఛటర్జీ, మధబీ ముఖర్జీలు, నిర్మాతలు ఆదిత్య చోప్రా, గునీత్ మోంగా, కాస్ట్యూమ్ డిజైనర్లు మనీష్ మల్హోత్రా, డాలీ అహ్లూవాలియా, సినిమాటోగ్రాఫర్లు అనిల్ మెహతా, దేబజిత్ చాంగ్‌మాయ్, బిశ్వదీప్ ఛటర్జీ, మ్యూజిక్ కంపోజర్లు స్నేహ కన్‌వాల్కర్, ఉషా కన్నాలు ఉన్నారు.



ఇర్ఫాన్ కోసం షారూక్ సాయం

Updated By ManamSun, 06/24/2018 - 11:02

shah rukh, irrfan అరుదైన క్యాన్సర్‌ వ్యాధితో బాధపడుతున్న ప్రముఖ బాలీవుడ్ నటుడు ఇర్ఫాన్ ఖాన్ ప్రస్తుతం లండన్‌లో చికిత్సను తీసుకుంటున్నారు. ఈ క్రమంలో తన పరిస్థితిపై ఇటీవల ఆయన రాసిన ఓ భావోద్వేగపు లేఖ అందరి చేత కన్నీళ్లు పెట్టించింది. ఇదిలా ఉంటే లండన్‌లో ఇర్ఫాన్ కోసం కింగ్‌ఖాన్ షారూక్ ఖాన్ చేసిన సాయం ఇటీవల వెలుగులోకి రాగా.. దానిపై ఆయన అభిమానులు ప్రశంసలు కురిపిస్తున్నారు.

లండన్‌కు వెళ్లేముందు షారూక్‌ని తన ఇంటికి ఆహ్వానించారట ఆయన భార్య సుతపా. ఆ సమయంలో ఇర్ఫాన్ వైద్యంపై సుతపా, షారూక్‌కు చెప్పగా.. లండన్‌లో అతడికి ఎలాంటి ఇబ్బంది ఎదురుకాకూడదని భావించిన షారూక్.. అక్కడ ఉన్న తన ఇంటి తాళాలను ఇర్ఫాన్‌కు అందించాడట. అయితే దానిని తీసుకునేందుకు ఇర్ఫాన్ నిరాకరించగా.. బలవంతంగా షారూక్ వాటిని ఇర్ఫాన్ చేతిలో పెట్టారట. ఇక ఈ విషయం తెలుసుకున్న షారూక్ అభిమానులు తమ హీరో గొప్ప మనసును పొగుడుతున్నారు.





Related News