tollywood news

లక్ కలిసొచ్చేనా!

Updated By ManamThu, 09/20/2018 - 01:48

imageతెలుగులో రైట్ రైట్, ద్వారకా, ఎల్7.. తమిళంలో తోడరి.. కన్నడలో శివమ్, యుగపురుష సినిమాల్లో నటించిన పూజా జవేరి టచ్‌చేసి చూడు చిత్రంలో స్పెషల్ అప్పియరెన్స్‌లో తళుక్కుమంది. తర్వాత మరో తెలుగు చిత్రంలో నటించలేదు. కాస్త గ్యాప్ తర్వాత తెలుగులో నవీన్ చంద్ర చిత్రంలో నటించనుంది. అడ్డా ఫేమ్ కార్తీక్ రెడ్డి. జి దర్శకత్వంలో సినిమాల పైరసీ నేపథ్యంలో సాగే రొమాంటిక్ థ్రిల్లర్‌లో నవీన చంద్ర హీరోగా నటిస్తున్నారు.

ఇందులో మలయాళ బ్యూటీ గాయత్రీ సురేశ్ ఓ హీరోయిన్‌గా నటిస్తుంటే.. మరో హీరోయిన్ పాత్ర కోసం పూజా జవేరిని ఎంపిక చేశారని విశ్వసనీయ వర్గాల సమాచారం. మరి ఈ పాత్రలో అయినా పూజా జవేరికి లక్ కలిసొస్తుందేమో చూద్దాం.

 

image



 



మంచి సందేశంతో 

Updated By ManamMon, 09/17/2018 - 04:05

imageఖయూమ్, తనిష్క్, రాజన్, షానీ, పృథ్విరాజ్, సమీర్, లోహిత్ కీలక పాత్రల్లో నటించిన సినిమా ‘దేశంలో దొంగలు పడ్డారు’. ఈ చిత్రాన్ని అలీ సమర్పిస్తున్నారు. ఈ సినిమా ట్రైలర్‌ను మెగాస్టార్ చిరంజీవి విడుదల చేశారు. ఈ సందర్భంగా చిరంజీవి మాట్లాడుతూ ‘‘నా చిరకాల మిత్రుడు అలీ సోదరుడు ఖయ్యూం ఇందులో ప్రధాన పాత్ర పోషించడం చూసి నాకు ఓ గుడ్ ఇంప్రెషన్ వచ్చింది. డైరెక్టర్ గౌతమ్ ఫస్ట్‌టైమ్ డైరెక్ట్ చేస్తున్నప్పటికీ ట్రైలర్ చూసిన తర్వాత మాత్రం ఓ సీనియర్ మోస్ట్ డైరెక్టర్ హ్యాండిల్ చేస్తున్నట్లుగా అనిపించింది.

ట్రైలర్ ఇంప్రెస్సీవ్ గా ఉంది. ఈరోజుల్లో నిరుపేదలైనటువంటి వారి పిల్లలను మోసం చేసి అన్యాయంగా, అక్రమంగా రవాణా చేయడమనేది రోజూ మనం పేపర్లలో కూడా చూస్తూ ఉన్నాం. అలాంటి కంటెంట్‌ను సబ్జెక్టుగా తీసుకొని ఈ సినిమా చేసిన గౌతమ్ కచ్చితంగా ఒక మంచి సందేశం అందించాడని భావిస్తున్నాను. ఖయ్యూమ్‌కి ట్రర్నింగ్ పాయింట్ అవుతుందని భావిస్తున్నాను. ఎంటైర్ యూనిట్‌కి అభినందనలు’’ అన్నారు.



ఆ క్యారెక్టర్సే నన్ను నటిగా నిలబెట్టాయి

Updated By ManamFri, 09/14/2018 - 22:57

imageహీరోయిన్‌గా ఎన్నో సూపర్‌హిట్ సినిమాల్లో నటించిన రమ్యకృష్ణ ఇప్పుడు క్యారెక్టర్ ఆర్టిస్ట్‌గా మరిన్ని విజయాలు సొంతం చేసుకుంటున్నారు. ఆమధ్య ‘బాహుబలి’ చిత్రంలో శివగామిగా అందర్నీ ఆకట్టుకున్న రమ్యకృష్ణ తాజాగా ‘శైలజారెడ్డి అల్లుడు’ చిత్రంలో చేసిన అత్త పాత్రతో ప్రేక్షకులకు మరింత దగ్గరయ్యారు. సెప్టెంబర్ 15 రమ్యకృష్ణ బర్త్‌డే.

ఈ సందర్భంగా ఆమె మాట్లాడుతూ ‘‘ఈ పుట్టినరోజుకి ఒక మంచి చిత్రం సూపర్‌హిట్ అవ్వటం చాలా ఆనందంగా వుంది. ఈ సినిమా విజయంలో ప్రతి ఒక్కరూ ఎంతో కష్టపడ్డారు. వారందరికీ నా కృతజ్ఞతలు. ఆడవాళ్ళకి అన్యాయం జరిగితే ఏంతవరకైనా పోరాడే ధీరత్వం, తల్లిగా కూతురు మీద ప్రేమ.. ఈ రెండు వేరియేషన్స్ ఉన్న నా పాత్రను మారుతిగారు మలిచిన విధానం చాలా బాగుంది. ఈ చిత్రంలో తల్లికి, కూతురికీ ఇద్దరికీ ఇగో సమస్య ఉంటుంది. మరో పక్క అల్లుడుకి కూడా ఇగో ఉంటుంది. మా ముగ్గురి మధ్యలో నరేష్‌గారు, పృథ్విగారు, వెన్నెల కిషోర్‌గారు కేరక్టర్స్ కామెడీగా ఉంటాయి. షూటింగ్ చేస్తున్నపుడే మేం విపరీతంగా ఎంజాయ్ చేశాం. నాగచైతన్య గురించి చెప్పాలంటే అతను చాలా డౌన్ టు ఎర్త్ ఉంటారు. సినిమాలోని చాలా సీన్స్‌లో ఎంతో ఈజ్‌తో నటించారు.

ఇప్పటివరకు నేను చేసిన వెరైటీ క్యారెక్టర్సే నన్ను నటిగా నిలబెట్టాయి. అలాంట క్యారెక్టర్స్ వస్తే తప్పకుండా చేస్తాను. ఈ పండగకు రిలీజ్ అయిన ‘శైలజారెడ్డి అల్లుడు’ మంచి ఫ్యామిలీ ఎంటర్‌టైనర్. రిలీజ్ అయిన ప్రతిచోటా మంచి టాక్‌తో రన్ అవుతోంది. ఈ చిత్రాన్ని మరింత ఆదరిస్తారని ఆశిస్తున్నాను’’ అన్నారు.
 



నాని సరసన...

Updated By ManamWed, 09/05/2018 - 22:53

imageనాని హీరోగా ‘మళ్లీరావా’ ఫేమ్ గౌతమ్ తిన్ననూరి దర్శకత్వంలో ‘జెర్సి’ సినిమా రూపొందనున్న సంగతి తెలిసిందే. సితార ఎంటర్‌ైటెన్‌మెంట్స్ బ్యానపై నాగవంశీ ఈ చిత్రాన్ని నిర్మిస్తున్నారు. ఈ చిత్రంలో నాని సరసన హీరోయిన్‌గా కశ్మీరా పరదేశి నటించనున్నారని సమాచారం. ఇటీవల విడుదైలెన ‘నర్తనశాల’ చిత్రంలో నాగశౌర్యతో జోడి కట్టింది కశ్మీరా పరదేశి.  ఈ చిత్రంలో మరో హీరోయిన్‌గా రెబ్బా మోనిక జాన్ పేరు కూడా వినపడుతుంది. ఈ చిత్రంలో నాని క్రికెటర్ పాత్రలో కనిపించనున్నారు. డాక్టరైన ఓ యువకుడు తనకు క్రికెట్ పట్ల ఉన్న ప్యాషన్‌ను గుర్తించి  క్రికెటర్‌గా ప్రాక్టీస్ చేసి ఇండియన్ క్రికెట్ టీమ్‌లో అవకాశం దక్కించుకోవడమే ఈ సినిమా కథ. ఇందులో నాని మూడు షేడ్స్‌లో కనిపిస్తారు.



‘నువ్వక్కడ నేనిక్కడ’ ప్రారంభం

Updated By ManamWed, 09/05/2018 - 22:10

imageకీర్తన మూవీ మేకర్స్, శ్రీ శ్రీనివాస విజువల్స్ పతాకాలపై పార్వతీశం (కేరింత ఫేమ్), సిమ్రాన్ హీరో హీరోయిన్లుగా కొత్త చిత్రం ‘నువ్వక్కడ నేనిక్కడ’ బుధవారం ఉదయం హైదరాబాద్ రామానాయుడు స్టూడియోలో ప్రారంభమైంది. పి.లక్ష్మీనారాయణ దర్శకత్వంలో తాడి గనిరెడ్డి, కీర్తన వెంకటేశ్ ఈ చిత్రాన్ని నిర్మిస్తున్నారు. ఈ సినిమా ముహుర్తపు సన్నివేశానికి పారస్ జైన్ క్లాప్ కొట్టగా, కె.కె.రాధామోహన్ కెమెరా స్విచాేన్ చేశారు. ఆర్.బి.చౌదరి పూజా కార్యక్రమాలను నిర్వహించారు.

ఈ సందరేంగా ఏర్పాటు చేసిన పాత్రికేయుల సమావేశంలో చిత్ర దర్శకుడు పి.లక్ష్మీనారాయణ మాట్లాడుతూ ‘‘అందాల రాముడు, మంచివాడు సినిమాల తర్వాత నా దర్శకత్వంలో వస్తోన్న చిత్రమిది. చాలా లాంగ్ గ్యాప్ తర్వాత నేను మళ్లీ డైరెక్ట్ చేస్తున్నాను. ఎంటర్‌టైనింగ్ మూవీ. పార్వతీశం హీరోగా నటిస్తున్నారు. కిర్రాక్ పార్టీ హీరోయిన్ సిమ్రాన్ ఇందులో నటిస్తుంది. యూత్‌ఫుల్ సబ్జెక్ట్. నిర్మాత గని రెడ్డిగారు కూడా గతంలో కోదండ రామిరెడ్డి దర్శకత్వంలో నాలుగు సినిమా లను నిర్మించారు. సింగిల్ షెడ్యూల్‌లో చిత్రీకరణను ప్లాన్ చేశాం.

నేటి నుండి షూటింగ్ స్టార్ట్ అవుతుంది. డిసెంబర్, జనవరిలో సినిమాను విడుదల చేయడా నికి ప్లాన్ చేస్తున్నాం’’ అన్నారు. నిర్మాత తాడి గనిరెడ్డి మాట్లాడుతూ ‘‘డైరెక్టర్‌ని, కథను నమ్మి చాలా గ్యాప్ తర్వాత నిర్మిస్తున్న చిత్రమిది’’ అన్నారు. పార్వతీశం మాట్లాడుతూ ‘‘నేను నటిస్తున్న ఆరో చిత్రమిది. హీరోగా నటిస్తున్న తొలి చిత్రమిది. కామెడీ హీరోగా మంచి పేరు వస్తుందనే నమ్మకం ఉంది’’ అన్నారు.



ప్రాణం పెట్టి చేశాను

Updated By ManamWed, 09/05/2018 - 00:53

imageరాజా గౌతమ్, చాందిని చౌదరి జంటగా ఫణింద్ర నారిశెట్టి తెరకెక్కించిన చిత్రం ‘మను’. సెప్టెంబర 7న ఈ సినిమా విడుదల కాబోతోంది. ఈ సందర్భంగా సందర్బంగా చాందిని చౌదరి చిత్ర విశేషాలను తెలియజేస్తూ ‘‘ఈ సినిమా మిస్టరీ థ్రిల్లర్. స్టోరీ నేను రివీల్ చేయలేను. ఎందుకంటే మీరు ఆ థ్రిల్ మిస్ అవుతారు. ఒక్కటి మాత్రం చెప్పగలను మీరు థియేటర్లో సినిమా చూసేటప్పుడు గొప్ప అనుభూతికి లోనవుతారు. ఇందులో నా పాత్ర పేరు నిలా. సినిమాలో కీలకంగా ఉండే ఈ పాత్ర చాలా నేచురల్‌గా ఉంటుంది. ఇందులో ఎమోషనల్ సీన్స్ చాలా ఉన్నాయి. వాటికి గ్లిజరిన్ వాడలేదు.

నా ప్రాణం పెట్టి చేశాను. డైరెక్టర్ ఫణీంద్ర సినిమాను చాలా అద్భుతంగా తీశారు. తక్కువ బడ్జెట్‌లో చాలా మంచి క్వాలిటీతో తెరకెక్కించారు. 7న మా సినిమాతోపాటు కేరాఫ్ కంచరపాలెం కూడా రిలీజ్ అవుతోంది. నిజానికి ఈ సినిమా డైరెక్టర్ వెంకటేష్ మహా ఆయన సినిమాకన్నా మా సినిమాపై ఎక్కువ ఆసక్తిని చూపిస్తున్నారు. రెండు సినిమాలూ బాగా ఆడాలి. ఈ రెండు సినిమాలు వేర్వేరు జోనర్స్‌లో రూపొందించడం జరిగింది. తప్పకుండా ప్రేక్షకుల ఆదరణ లభిస్తుందని ఆశిస్తున్నాను’’ అన్నారు.



అంతర్జాతీయ స్థాయిలో..

Updated By ManamWed, 09/05/2018 - 00:31

imageప్రముఖ నిర్మాణ సంస్థ నార్త్‌స్టార్ ఎంటర్‌టైన్‌మెంట్ సమర్పణలో స్టోన్ మీడియా ఫిలిమ్స్ పతాకంపై తెరకెక్కుతున్న చిత్రం ‘ప్రేమకు రెయిన్ చెక్’. ఆకెళ్ళ పేరి శ్రీనివాస్ స్వీయ దర్శకత్వంలో నిర్మిస్తున్న ఈ ట్రెండీ లవ్‌స్టోరీని ప్రముఖ నిర్మాత శరత్ మరార్ సమర్పిస్తుండడం విశేషం. అభిలాష్ వాడడ, ప్రియా వడ్లమాని, మౌనికా తవనం హీరోహీరోయిన్లుగా నటిస్తున్నారు.  సెప్టెంబరు 7న ఈ సినిమా ప్రేక్షకుల ముందుకు రానుంది. ఈ సందర్బంగా హీరో అభిలాష్ మాట్లాడుతూ ‘‘మా వర్క్ ఎంటనేది ఇప్పటికే ట్రైలర్‌లో చూశారు. బెస్ట్ ఔట్‌పుట్ వచ్చేలా టీమ్‌లోని ప్రతి ఒక్కరూ వర్క్ చేశారు’’ అన్నారు.

ఆకెళ్ల పేరి శ్రీనివాస్ మాట్లాడుతూ  ‘‘లవ్, అడ్వెంచర్, పెయిన్, ఫన్ ఇలా అన్నీ అంశాలు ఈ సబ్జెక్ట్‌లో ఉంటాయి. ఈ చిత్రంలో కథా కథనంతో పాటు ముఖ్యంగా ఆకట్టుకునే అంశాలు విజువల్స్, బ్యాక్‌గ్రౌండ్ స్కోర్. స్టోన్ మీడియా ఫిలింస్ ఆండీ కోహెన్ మరియు అతని సంస్థ కోసం ఒక ప్రత్యేక ప్రదర్శనను ఏర్పాటు చేశాం. మా సినిమా నచ్చి అంతర్జాతీయ భాషల్లో చిత్రీకరించి ప్రపంచవ్యాప్తంగా విడుదల చేయటానికి ఆయన ముందుకు వచ్చారు. శరత్ మరార్‌గారు మా వర్క్ నచ్చి ఈ సినిమాను తెలుగులో సమర్పిస్తున్నారు’’ అన్నారు. ఆండీ కొహెన్ మాట్లాడుతూ   ‘‘ప్రేమకు రెయిన్ చెక్ యూనివర్సల్ సబ్జెక్ట్. ఇది భారతదేశంలో ఉన్న ప్రేక్షకులకే పరిమితం కాకుండా, ప్రపంచ వ్యాప్తంగా అందచేయ్యాలన్నదే మా ఉద్దేశం’’ అన్నారు.



అందరూ అప్రిషియేట్ చేస్తున్నారు 

Updated By ManamWed, 09/05/2018 - 00:25

imageసంతోశ్ శోభన హీరోగా రూపొందిన సినిమా ‘పేపర్ బాయ్’. ఇటీవల విడుదలైన ఈ సినిమా విజయవంతంగా ప్రదర్శితమవుతున్న నేపథ్యంలో సక్సెస్ మీట్‌ను ఏర్పాటు చేసింది చిత్ర యూనిట్. ఈ సందర్భంగా దర్శకుడు జయశంకర్ మాట్లాడుతూ ‘‘సంపత్‌గారు నన్ను, సంతోశ్, రియా, మహేశ్ విట్టా సహా కొత్తవాళ్లను ఆయన బాగా ఎంకరేజ్ చేశారు. ఆయన స్ట్రాంగ్ పిల్లర్‌లా మా సినిమాను ముందుకు నడిపించారు’’ అన్నారు. సంతోశ్ శోభన్ మాట్లాడుతూ ‘‘సినిమాను ఆదరించిన ప్రేక్షకులకు థాంక్స్. కొత్తవాళ్లకు అవకాశం ఇచ్చిన సంపత్‌గారికి థాంక్స్. నిర్మాతగానే కాదు.. రచయితగా కూడా ముందుండి నడిపించారు. జయశంకర్‌గారు చక్కగా తెరకెక్కించినందుకు ఆయనకు థాంక్స్’’ అన్నారు.

సంపత్ నంది మాట్లాడుతూ ‘‘ఈరోజు ప్రపంచ వ్యాప్తంగా పేపర్‌బాయ్ దినోత్సవం. కాబట్టి పేపర్‌బాయ్స్ అందరికీ థాంక్స్. చాలా మంది ఫోన్ చేసి మంచి ప్రయత్నం చేశానని అప్రిషియేట్ చేశారు. శుక్రవారం నుండి ఆదివారం వరకు కలెక్షన్స్‌తోపాటు థియేటర్స్ కూడా పెరిగాయి. ఈ సందర్భంగా గీతాఆర్ట్స్ అల్లు అరవింద్‌గారికి థాంక్స్ చెబుతున్నాను. సౌందర్‌రాజన్‌గారి వల్లనే సినిమా ఇంత గ్రాండ్‌గా కనపడుతుంది. కానీ చాలా చిన్న ప్రయత్నమిది. ఆదరిస్తున్న ప్రేక్షకులకు థాంక్స్’’ అన్నారు.



అడుగడుగునా వినోదమే

Updated By ManamMon, 09/03/2018 - 00:17

imageసుడిగాడు’ తర్వాత నేను, నరేష్ కలిసి చేసిన చిత్రమిది. కాబట్టి ముందుగా ‘సుడిగాడు 2’ అనే టైటిల్‌ను అనుకున్నాను. అయితే కథ విభిన్నంగా ఉండటంతో ‘సిల్లీఫెలోస్’ అనే టైటిల్‌ను నిర్ణయించాం’’ అన్నారు దర్శకుడు భీమినేని శ్రీనివాసరావు. ఆయన దర్శకత్వంలో నరేశ్, సునీల్, చిత్రా శుక్లా, పూర్ణ, నందినిరాయ్ ముఖ్య పాత్రల్లో నటించారు. ఈ సినిమా సెప్టెంబర్ 7న విడుదలవుతుంది. ఈ సందర్భంగా సినిమా గురించి భీమినేని శ్రీనివాసరావు మాట్లాడుతూ ‘‘లేడీస్ టైలర్‌గా పనిచేసి రాజకీయాల్లోకి ఎంట్రీ ఇచ్చి మంత్రి అయిన పాత్రలో జయప్రకాశ్ రెడ్డి కనిపిస్తారు.

ఆయన్ని ఇన్‌స్పిరేషన్‌గా ఆయనలా మంత్రి కావాలనుకునే పాత్రలో నరేశ్ కనపడతారు. నరేశ్ స్నేహితుడి పాత్రలో సునీల్ నటించారు. ఈ చిత్రంతో మళ్లీ సునీల్ కవెుడియన్‌గా యు టర్న్ తీసుకున్నారు. హీరో కారణంగా సునీల్ సమస్యల్లో చిక్కుకుంటాడు. దాన్నుండి కథ ఎలా రన్ అవుతుందనేది ఆసక్తి కరంగా, కావెుడీగా ఉంటుంది. ఈ సినిమాలో 20 పాత్రలుంటాయి. ప్రతి పాత్ర నవ్విస్తుంది. అడుగడుగునా ఎంటర్‌ైటెన్‌మెంట్ ఉంటుంది. ‘సుడిగాడు’ తర్వాత నాకైనా, నరేశ్‌ైకెనా మంచి సక్సెస్ లేదు. ఈ చిత్రం ఇద్దరికీ మంచి టర్న్ అవుతుందనుకుంటున్నాను. స్పూఫ్‌ల జోలికి వెళ్లలేదు. సినిమా బాగా లేకపోతే ప్రేక్షకులు ఆదరించడం లేదు. ‘సుడిగాడు’ చిత్రానికి సీక్వెల్ చేయాలనుకున్నాం. కానీ.. సీక్వెల్ చిత్రాలు సరిగ్గా ఆడలేదు కాబట్టి సీక్వెల్ ఆలోచనను విరమించుకున్నాం’’ అన్నారు. 



ఓ మంచి పని కోసం...

Updated By ManamSun, 09/02/2018 - 01:36

imageదక్షిణాదిలో హీరోయిన్‌గా చాలా మంచి పేరు తెచ్చుకున్న సమంత నటిగానే కాదు సమాజ సేవ చేయడంలోనూ మంచి పేరు తెచ్చు కుంటున్నారు. ప్రత్యూష చారిటబుల్ ట్రస్ట్ పేరుతో పలు సేవా కార్యక్రమాలు నిర్వహిస్తున్నారు. ముఖ్యంగా గుండె జబ్బుతో బాధపడుతున్న చిన్నారులకు శస్త్రచికిత్స చేయించేందుకు నిధులను సేకరిస్తున్నారు. అందులో భాగంగా చెన్నయ్ వెళ్ళిన సమంత ట్రిప్లికేన్‌లోని జామబజార్ వెళ్ళారు.

అక్కడ రోడ్డు పక్కనే ఉన్న ఓ కూరగాయల దుకాణం యజimageమానికి విషయం చెప్పారు. అకస్మాత్తుగా కూరగాయల దుకాణంలో సమంత ప్రత్యక్షం కావడంతో జనం ఆ షాపు చుట్టూ గుమిగూడారు. అక్కడికి వచ్చినవారికి ఏమేం కావాలో కనుక్కొని కూరగాయలు అమ్మడం మొదలుపెట్టారు. పెద్ద మొత్తంలో డబ్బు చెల్లించి అందరూ కూరగాయలు కొనుకోలు చేశారు. నిమిషాల వ్యవధిలో షాపులోని కూరగాయలన్నీ అయిపోయాయి.





Related News