MS Dhoni

టీ20ల నుంచి ధోనికి ఉద్వాసన..?

Updated By ManamSat, 10/27/2018 - 09:56

Dhoniటీమిండియా మాజీ కెప్టెన్ మహేంద్ర సింగ్ ధోనీపై వేటు పడింది. గత కొన్ని రోజులుగా ఫామ్‌ కోల్పోయిన ధోనీకి టీ20ల నుంచి ఉద్వాసన పలికింది సెలక్షన్ కమిటీ. వెస్టిండీస్, ఆస్ట్రేలియాలతో జరగనున్న టీ20లకు ఎంపిక చేసిన టీంలో ధోనీని సెలక్షన్ల కమిటీ పక్కనపెట్టింది. దీంతో వన్డే ప్రపంచకప్‌లో ఆడాలనుకుంటున్న ధోనీపై ఈ నిర్ణయం ఎలాంటి ప్రభావం చూపిస్తుందన్నది ఆసక్తికరంగా ఉంది. ఇక అతడి స్థానంలో వికెట్ కీపర్‌గా రిషబ్ పంత్‌ను ఎంపిక చేసింది. అలాగే వెస్టిండీస్‌తో జరగబోయే టీ20 సిరీస్‌కు కెప్టెన్ విరాట్ కోహ్లీకి విశ్రాంతిని ఇస్తూ రోహిత్ శర్మకు నాయకత్వ బాధ్యతలను అప్పగించింది. 

వెస్టిండీస్‌ టీ20 సిరీస్‌కు ఎన్నికైన భారత దీమ్: రోహిత్‌శర్మ(కెప్టెన్), ధావన్, రాహుల్, కార్తీక్, మనీశ్‌పాండే, అయ్యర్, రిషబ్ పంత్, కృనాల్ పాండ్యా, సుందర్, చాహల్, కుల్దీప్, భువనేశ్వర్, బుమ్రా, ఖలీల్ అహ్మద్, ఉమేశ్, షాబాజ్ నదీమ్. 

ఆస్ట్రేలియాతో టెస్ట్ సిరీస్ ఆడనున్న భారత టీమ్: కోహ్లీ(కెప్టెన్), విజయ్, రాహుల్, పృథ్వీషా, పుజార, రహానే, విహారి, రోహిత్‌శర్మ, రిషబ్, పార్థివ్ పటేల్, అశ్విన్, జడేజా, కుల్దీప్, షమీ, ఇషాంత్, ఉమేశ్, బుమ్రా, భువనేశ్వర్. 

ఆస్ట్రేలియాతో టీ20 సిరీస్ ఆడనున్న భారత టీమ్: కోహ్లీ(కెప్టెన్), రోహిత్‌శర్మ, ధావన్, రాహుల్, అయ్యర్, మనీశ్ పాండే, కార్తీక్, రిషబ్, కుల్దీప్, చాహల్, సుందర్, కృనాల్, భువనేశ్వర్, బుమ్రా, ఉమేశ్, ఖలీల్ అహ్మద్.



పాలిటిక్స్‌లోకి స్టార్ క్రికెటర్లు?

Updated By ManamTue, 10/23/2018 - 14:33
MS Dhoni, Gautam Gambhir Likely To Join BJP

న్యూఢిల్లీ : వచ్చే లోక్‌సభ ఎన్నికల్లో మళ్లీ అధికారం చేజిక్కించుకునేందుకు బీజేపీ ఇప్పటి నుంచే రంగం సిద్ధం చేస్తోంది. దీపం ఉండగానే ఇల్లు చక్కబెట్టుకోవాలన్నట్లు సామెత చందంగా... పాపులరిటీ ఉన్నవారిని తమ పార్టీలోకి చేర్చుకుని లబ్ధి పొందేందుకు ఆ పార్టీ యత్నిస్తోంది. ఇందులో భాగంగా సినీ నటులు, మాజీ, తాజా క్రికెటర్లను పార్టీలోకి తీసుకురావడానికి ప్రయత్నాలు ముమ్మరం చేస్తోంది.

ఇందుకు ఊతం ఇచ్చేలా...ఇద్దరు స్టార్ క్రికెటర్లు త్వరలో రాజకీయాల్లోకి ఎంట్రీ ఇవ్వబోతున్నట్లు ఓ వార్త హల్‌చల్ చేస్తోంది. క్రికెటర్లు ఎంఎస్ ధోనీ, గౌతం గంభీర్ 2019 లోక్‌సభ ఎన్నికల్లో భారతీయ జనతా పార్టీ తరఫున పోటీ చేయనున్నట్లు ‘టైమ్స్ నౌ’ ఆంగ్ల పత్రిక ఓ కథనం ప్రచురించింది. కాగా ఇప్పటికే పలువురు క్రికెటర్లు రాజకీయాల్లో రాణిస్తున్న విషయం తెలిసిందే. ఆ జాబితాలోకి గంభీర్‌తో పాటు ధోనీ పేరు కూడా చేరనున్నదట.

ఢిల్లీకి చెందిన గౌతమ్ గంభీర్‌కు ఫ్యాన్ ఫాలోయింగ్ కూడా బాగానే ఉంది. దీంతో దాన్ని క్యాష్ చేసుకునేందుకు బీజేపీ యత్నిస్తున్నట్లు సమాచారం.  ఢిల్లీలో బీజేపీ ఎంపీ మీనాక్షి లేఖి స్థానంలో గంభీర్‌ను నిలబెట్టాలని బీజేపీ యోచిస్తోందని, దీనిపై ఇప్పటికే కసరత్తు ప్రారంభించినట్లు తెలుస్తోంది.

ఇక జార్ఖండ్ డైనమెట్ ఎంఎస్ ధోనీకి ఉన్న మైలేజీని ...వాడుకునేందుకు కమలదళం ప్రయత్నాలు చేపట్టినట్లు భోగట్టా. ఇప్పటికే బీజేపీ జాతీయ అధ్యక్షుడు అమిత్ షా... ధోనీకి ఆఫర్ ఇచ్చినట్లు తెలుస్తుంది. 2019 019 ఎన్నికల్లోపు ఈ ఇద్దరు క్రికెటర్లను తమ పార్టీలో చేర్చుకుని ప్రచారం చేయించుకోవాలని బీజేపీ యోచిస్తున్నట్లు సమాచారం. 

గంభీర్‌కు ఢిల్లీ పార్లమెంట్ సీటు, ఎంఎస్ ధోనీకి జార్ఖండ్‌లో పార్లమెంట్ సీటు  ఇచ్చేందుకు బీజేపీ సుముఖంగా ఉంది. అయితే ఆ ప్రతిపాదనను ధోనీ సున్నితంగా తిరస్కరించినట్లు సమాచారం. ప్రస్తుతం దేశవాళీ క్రికెట్‌తో బిజీగా ఉన్న గంభీర్ ఈ ఆఫర్‌కు ఎలా స్పందిస్తాడో చూడాలి మరి.



ధోని.. మరో రికార్డు

Updated By ManamSat, 09/29/2018 - 15:16

Dhoniటీమిండియా మాజీ కెప్టెన్ మహేంద్రసింగ్ ధోనీ మరో అరుదైన ఘనతను సొంతం చేసుకున్నాడు. అంతర్జాతీయ క్రికెట్‌లో అత్యధిక మందిని పెవిలియన్‌కు పంపిన తొలి ఆసియా వికెట్ కీపర్‌గా రికార్డు సాధించాడు. శుక్రవారం భారత్, బంగ్లాదేశ్ మధ్య జరిగిన ఆసియాకప్‌ ఫైనల్లో ధోని ఈ రికార్డును సొంతం చేసుకున్నాడు. 

మ్యాచ్‌లో భాగంగా తొలి ఇన్నింగ్స్‌లో కులదీప్ వేసిన బంతిని మొర్తజా ఎదుర్కొనేందుకు ప్రయత్నించగా అది కాస్తా ధోని చేతికి చిక్కింది. వెంటనే ధోనీ బంతిని వికెట్లకు కొట్టడంతో మొర్తజా స్టంప్ ఔట్ అయ్యాడు. దీంతో 800మంది ఔట్లలో ధోని భాగం అయ్యాడు. ఇక ఈ లిస్ట్‌లో మార్క్ బౌచర్(998-దక్షిణాఫ్రికా), గిల్‌క్రిస్ట్(905-ఆస్ట్రేలియా)లు మొదటి, రెండు స్థానాల్లో ఉండగా.. ధోని మూడో స్థానంలో ఉన్నాడు. కాగా ఆసియా కప్ ఫైనల్లో భాగంగా బంగ్లాదేశ్‌తో తలపడిన భారత్ మూడు వికెట్ల తేడాతో గెలుపొందిన విషయం తెలిసిందే. దీంతో ఏడోసారి ఆసియా కప్‌ను సొంతం చేసుకుంది టీమిండియా.



బౌలింగ్ చేస్తావా? బౌలర్‌ను మార్చాలా?

Updated By ManamThu, 09/27/2018 - 03:14

imageదుబాయ్: బయట మహేంద్ర సింగ్ ధోనీ ఎంత సరదాగా ఉం టాడో ఫీల్డింగ్‌లో అంత కఠినంగా ఉంటాడు. అఫ్ఘానిస్థాన్‌తో మ్యాచ్‌కు రోహిత్ శర్మ విశ్రాంతి తీసుకోవంతో ధోనీ కెప్టెన్‌గా వ్యవహరించాడు. ధోనీకి మిస్టర్ కూల్ అని పేరుంది. అయితే ఈ మ్యాచ్‌లో కుల్‌దీప్‌పై ధోనీ ఆగ్రహం వ్యక్తం చేశాడు. మ్యాచ్ మధ్యలో ఈ చినమన్ బౌలర్ తన బౌలింగ్‌కు ఫీల్డింగ్ మార్చాలని ధోనీని కోరాడు. పదే పదే ఫీల్డింగ్ మార్చాలని కోరడంతో ధోనీ తిరస్కరించాడు. బౌలింగ్ చేయమని కోరాడు. అయినప్పటికీ యాదవ్ వాదనకు దిగడంతో బౌలింగ్ చేస్తావా? బౌలర్‌ను మార్చాలా? (బౌలింగ్ కరేగా యా బౌలర్ చేంజ్ కరే) అని ధోనీ కోపపడ్డాడు. ధోనీ మాటలు విన్న కుల్‌దీప్ మారుమాట్లాకుండా బౌలింగ్‌ను కొనసాగించాడు. కుల్‌దీప్ తన కోటా 10 ఓవర్లలో 38 పరుగులిచ్చి 2 వికెట్లు తీసుకున్నాడు. 



జరిమానా వేయించుకోవడం ఇష్టం లేదు

Updated By ManamThu, 09/27/2018 - 03:08
  • అంపైర్ల పొరపాట్లపై టీమిండియా వికెట్ కీపర్ ధోనీ  

imageదుబాయ్: ఇండియా, అఫ్ఘానిస్థాన్‌లతో జరిగిన మ్యాచ్‌లో ఫీల్డ్ అంపైర్ల తప్పిదాలపై మాజీ కెప్టెన్, వికెట్ కీపర్ మహేంద్ర సింగ్ ధోనీ ఆచి తూచి మాట్లాడాడు. జరిమానా వేయించుకోవడం ఇష్టం లేదన్నాడు. ధోనీ, దినేష్ కార్తీక్‌లకు ఫీల్డ్ అంపైర్లు గ్రెగరీ బ్రాత్‌వైట్ (వెస్టిండీస్), అనిసర్ రహమాన్ (బంగ్లాదేశ్) ఎల్‌బీడబ్ల్యూ అవుటిచ్చారు. ధోనీని పార్ట్ టైమ్ ఆఫ్ స్పిన్నర్ జావెద్ అహ్మదీ అవుట్ చేశాడు. అయితే అతను వేసిన బంతి స్టంప్స్‌కుపైగా వెళుతోంది. కానీ కార్తీక్‌ను అవుట్ చేసిన మహ్మద్ నబీ వేసిన బంతి వికెట్లకు రెండడుగుల దూరంలో వెళుతోంది. ఈ రెండు సందర్భాల్లోనూ బంతి వికెట్లను మిస్సవుతోందని టీవీల్లో చూపిస్తున్నప్పటికీ అంపైర్లు అవుటివ్వడం అందరినీ ఆశ్చర్యానికి గురిచేసింది. దురదృష్టవశాత్తు కేదార్ జాదవ్ కూడా రనౌటయ్యాడు. దీంతో ఆ మ్యాచ్‌లో 253 పరుగులు లక్ష్యంతో బరిలోకి దిగిన టీమిండియా 252 పరుగులకు ఆలౌటైంది. దీంతో మ్యాచ్ టైగా ముగిసింది. ‘రెండు రనౌట్లయ్యాయి. ఇంకొన్ని విషయాలపై మాట్లాడకపోవడమే మంచిది. ఎందుకంటే జరిమానా వేయించుకోవడం ఇష్టం లేదు’ అని మ్యాచ్ అనంతరం ధోనీ చెప్పాడు. 

అంపైర్ల నిర్ణయాలతో బహిరంగంగా మాట్లాడితే ఐసీసీ చర్యలు తీసుకునే అవకాశముంది. దీంతో అతను ఈ విషయంలో ఆచి తూచి మాట్లాడాడు. అయితే ఈ మ్యాచ్‌కు తాత్కాలిక కెప్టెన్‌గా వ్యవహరించిన ధోనీ అఫ్ఘానిస్థాన్‌పై ప్రశంసల జల్లు కురిపించాడు. ‘వాళ్ల (అఫ్ఘానిస్థాన్) క్రికెట్ బాగా అభివృద్ధి చెందింది. ఆసియా కప్ ఆరంభం నుంచి వాళ్లు ఆడిన విధానం అద్భుతం. వాళ్ల క్రికెట్‌ను ఎంజాయ్ చేశాం. ఐసీసీ ర్యాంక్‌ల దిశగా ఆ జట్టు పయనిస్తోంది’ అని ధోనీ అన్నాడు. అఫ్ఘానిస్థాన్ జట్టు అన్ని విభాగాల్లో సత్తా చాటుతోందని ధోనీ చెప్పాడు. ‘బ్యాటింగ్‌లోనూ అసాధారణ ప్రతిభ కనబరిచారు. మ్యాచ్ కొనసాగే కొద్ది పిచ్ స్లో అయినప్పటికీ మ్యాచ్ ఆద్యంతం అద్భుతంగా బౌలింగ్ చేశారు. వాళ్ల ఫీల్డింగ్ కూడా బాగుంది’ అని ధోనీ చెప్పాడు.



టెస్టు క్రికెట్ అంటే...మాట్లు వేసినట్టు ఉండకూడదు

Updated By ManamTue, 09/25/2018 - 23:30

imageన్యూఢిల్లీ: టెస్టు క్రికెట్ అంటే మాట్లు వేసినట్లు ఉండకూడదని..  నాలుగు రోజుల మ్యాచ్‌ల కూదిస్తారని తాను భావించడం లేదని టీమిండియా కెప్టెన్ విరాట్ కోహ్లీ అన్నాడు. ఈ సంప్రదాయ ఫార్మట్‌ను మరింత ముందుకు తీసుకెళ్లేందుకు ఐసీసీ అనేక మార్గాలను అణ్వేషిస్తోంది. ఇటీవలి కాలంలో కోహ్లీ టెస్టుల్లో అత్యధిక పరుగులు చేసిన వారిలో ఒకడిగా నిలిచాడు. ‘టెస్టు క్రికెట్‌లో బాగా రాణించినప్పుడు కలిగే ఆత్మ సంతృప్తిని మాటల్లో చెప్పలేను. ఎందుకంటే దానికున్న డిమాండ్ అలాంటిది. క్రికెట్‌లో అత్యంత సుందరమైన ఫార్మాట్ టెస్టు క్రికెట్. అది కనుమరుగవుతుందని నేననుకోవడం లేదు. అంతేకాదు అది నాలుగు రోజులకు కుదించబడుతుందని కూడా భావించడం లేదు. నాలుగు రోజుల మ్యాచ్‌ల ప్రతిపాదన టెస్టు ఫార్మాట్‌ను వెనక్కిలాగినట్టవుతుందా అన్న ప్రశ్నకు విరాట్ సమాధానమిస్తూ.. ‘అవును! టెస్టు ఫార్మాట్ మాట్లు వేసినట్టు ఉండకూడదు’ అని చెప్పాడు.

రోజు రోజుకు పెరుగుతున్న టీ20 లీగ్స్ టెస్టు ఫార్మాట్‌కు ముప్పుగా పరిణమిస్తున్నాయి. అంతేకాదు వన్డేల అస్థిత్వాన్ని సంక్షోభంలోకి నెట్టేస్తున్నాయి. ‘అవును! క్రికెట్‌ను చూసే కొన్ని దేశాల్లో ప్రజల్లో ఉన్న అవగాహన మీద ఇది ఆధారపడివుంటుంది. సౌతాఫ్రికా లేదా ఆస్ట్రేలియా లేదా ఇంగ్లాండ్ వంటి దేశాలను చూస్తే టెస్టు మ్యాచ్‌లకు అభిమానులు పెద్ద సంఖ్యలో స్టేడియాలకు తరలి వస్తారు. ఎందుకంటే క్రికెట్ గురించి వాళ్లకు తెలుసు. నిజంగా ఐదు రోజులు ఆడటమనేది జీన్మరణ సమస్య. ఎందుకంటే ఈ ఐదు రోజుల పాటు ఎన్నో ఒడుదుడుకులను ఎదుర్కోవాలి. బాగా ఆడినప్పటికీ ఒక్కోసారి మళ్లీ మొదటి నుంచి మొదలు పెట్టాల్సి ఉంటుంది. నిజంగా నీకు క్రికెట్ గురించి అవగాహన ఉంటే, క్రికెట్‌ను ప్రేమిస్తే, టెస్టు క్రికెట్‌ను అర్థం చేసుకుంటే అది ఎంత ఉత్సాహాన్నిస్తుందో అర్థమవుతుంది. టెస్టు క్రికెట్‌లో రాణించినప్పుడు అందులో ఉండే సంతృప్తిని నేను మాటల్లో చెప్పలేను. ఎందుకంటే దానికున్న డిమాండ్ అటువంటిది’ అని కోహ్లీ వివరిం చాడు. వచ్చే ఏడాది ఐసీసీ టెస్టు వరల్డ్ చాంపియన్‌షిప్‌ను ప్రారంభించబోతోంది. ఇందులో తొమ్మిది జట్లు రెండేళ్ల పాటు ఆడతాయి. దీంతో పాటు 13 జట్లు వన్డే లీగ్‌లోనూ పాల్గొంటాయి. అంతేకాదు నాలుగు రోజుల ట్రయల్ మ్యాచ్‌లను కూడా ఐసీసీ నిర్వహిస్తుంది. ఈ టెస్టు చాంపియన్‌షిప్‌ను కోహ్లీ సమర్థించాడు. ఇంగ్లాండ్‌లో జరిగిన టెస్టు సిరీస్‌లో కోహ్లీ 59.30 సగటుతో 593 పరుగులు చేశాడు.

 ‘టెస్టు చాంపియన్‌షిప్ టెస్టు క్రికెట్‌లో బలమైన ప్రోత్సాహాన్ని ఇవ్వబోతోందని అనుకుంటున్నాను. ప్రతి సిరీస్‌లోనూ గట్టి పోటీ ఉంటుంది. చాంపియన్‌షిప్ ఆద్యంతం నువ్వా నేను అన్నట్టు జరుగు తుంది. ఆ చాంపియన్‌షిప్ కోసం ఎప్పుడెప్పుడా అని ఎదురు చూస్తున్నాను. టెస్టు క్రికెట్‌ను ప్రేమించే జట్లన్నీ టెస్టు చాంపియన్‌షిప్ కోసం పిచ్చెక్కి ఉన్నాయి. ఈ నేపథ్యంలో ఫస్ట్ క్లాస్ క్రికెట్‌కు ప్రాధాన్యత ఇవ్వకుంటే ఆటగాళ్లు టెస్టు క్రికెట్ ఆడాలన్న ప్రేరణ కోల్పోతారు. మరోవైపు టీ20 లీగ్స్ పేరుతున్న దరిమిలా ఫస్ట్ క్లాస్ క్రికెట్‌కు ప్రాధాన్యతనివ్వాల్సిన బాధ్యత ప్రతి ఒక్క క్రికెట్ బోర్డుపై ఉంది. ఎందుకంటే సదుపాయాలు, ప్రమాణాలు పెరిగినప్పుడు ప్రేరణ ఎక్కడికీ పోదు’ అని కోహ్లీ చెప్పాడు.

ధోనీ నుంచి నాయకత్వ లక్షణాలు నేర్చుకున్నా
మాజీ కెప్టెన్ మహేంద్ర సింగ్ ధోనీ నుంచి నాయకత్వ లక్షణాలను నేర్చు కున్నానని కోహ్లీ అన్నాడు. ‘నిజంగా ఎంఎస్image కంటే ముందు ఎవ్వరి దగ్గరా నేర్చు కోలేదు. యువకుడిగా ఉన్నప్పటి నుంచి నేను ధోనీతో గేమ్ గురించి మాట్లాడుతూ ఉన్నాను. గేమ్ గురించి ఆలోచించడమంటే నాకు చాలా ఇష్టం. అందుకే కెప్టెన్సీని బాగా ఎంజాయ్ చేస్తున్నాను. చేజింగ్ చాలా ఇష్టపడతాను. మ్యాచ్‌లో ఏం చేసే గెలుస్తామని బుర్ర బద్దలు కొట్టుకోవడమంటే చాలా ఇష్టం. ఎంఎస్ పక్కన స్లిప్స్‌లో ఫీల్డింగ్ చేస్తూ, ఆయనను దగ్గర్నుంచి నిశితంగా పరిశీలిస్తూ నేను చాలా నేర్చు కున్నాను’ అని చెప్పాడు. తన లీడర్‌షిప్ గురించి వివరిస్తూ.. పాజిటివ్‌గా ఉండటం వల్లే తాను సక్సెస్ అవుతున్నానని.. సహచరుల నుంచి కూడా అదే ఆశిస్తున్నానని కోహ్లీ పేర్కొన్నాడు.

‘ప్రతి కెప్టెన్ కూడా జట్టుకు మార ్గదర్శకుడిలా ఉండాలని కోరుకుంటాడు. పాజిటివ్ మైండ్‌సెట్‌తో నేను క్రికెట్ ఆడతాను. నేను బాగా ఆడినా లేదా బాగా ఆడకపోయినా రెండోసారి ఆలోచించడమనేది ఉండదు. ముందుకు సాగుతూనే ఉంటాను. ఫలితాలు మైండ్‌సెట్‌పై కొంత వరకు ఆటగాళ్లపై ప్రభావం చూపిస్తాయి. కానీ సహచరులకు పూర్తి స్వేచ్ఛనిచ్చేందుకే నేను ఇష్టపడతాను. భయపడకుండా తమ సహజసిద్ధమైన ఆటను ఆడాలని కోరుకుంటాను. పాజిటివ్‌గా ఉన్నప్పుడు కొన్ని తప్పులు జరుగుతాయి. అనుకున్నది అనుకున్నట్టు చేయలేకపోయినా ఫరవాలేదు. కానీ సంశయంతో ఆడటమనేది నాకు నచ్చదు. అందుకే వాళ్లు అలా ఆడకూడదని ఎల్లప్పుడూ కోరుకుంటాను’ అని కోహ్లీ వివరించాడు.



మెంటర్‌గా మారిన ధోనీ

Updated By ManamTue, 09/18/2018 - 23:52

imageవన్డే జట్టు కెప్టెన్సీకి రాజీనామా చేసి చాలా కాలం అయినప్పటికీ ఆసియా కప్ మ్యాచ్‌ల సందర్భంగా జట్టు సహచరులకు మహేంద్ర సింగ్ ధోనీ సూచనలు, సలహాలు ఇస్తున్నాడు. విరాట్ కోహ్లీ మాత్రమే కాదు జట్టులోని మిగతా సభ్యులు కూడా ధోనీని మెంటర్‌గా (గురువుగా) భావిస్తున్నారు. ప్రధాన కోచ్ రవిశాస్త్రి లేని కారణంగా హాం కాంగ్‌తో మ్యాచ్‌కు నెట్ ప్రాక్టీస్‌లో ధోనీ మెం టర్‌గా వ్యవహరించాడు. శాస్త్రితో పాటు ఇత ర సపోర్ట్ స్టాఫ్ ఇంకా యూఏఈ చేరుకో కపోవడంతో ధోనీ ఈ బాధ్యతలు చేపట్టాడు. ఆసియా కప్‌లో భారత బ్యాట్స్‌మెన్ ప్రాక్టీస్ కోసం ఇండియా-ఎ బౌలర్లు అవేశ్ ఖాన్, ఎం. ప్రసిద్ధ్ క్రిష్ణ, సిద్ధార్థ్ కౌల్, షాబాజ్ నదీమ్, మయాంక్ మార్కండేలను బీసీసీఐ యూఏఈకి పంపింది.



ధోనీయే జట్టును నడిపించాలి

Updated By ManamSat, 09/15/2018 - 22:04
  • ఆసియా కప్ క్రికెట్  

భారత క్రికెట్ ప్రస్తుతం అసౌకర్యంగా ఉంది. ఇంగ్లాండ్ చేతిలో 4-1తో టెస్టు సి రీస్ ఓటమి మరక టీమిండియాను ఇప్ప ట్లో వదిలేలా లేదు. అయినప్పటికీ ఎడతెరి పిలేని షెడ్యూల్ కారణంగా అధికారులు ఓవర్‌టైమ్ వర్క్ చేయక తప్పడం లేదు. ఆసియా కప్ కోసం యువకులతో కూడిన టీమిండియా యూఏఈ వెళ్లింది. సుదీర్ఘ మూడు నెలల ఇంగ్లాండ్ పర్యటన అనం తరం లభించిన మూడ్రోజుల విశ్రాంతిని భారత క్రికెటర్లు ఎంజాయ్ చేస్తున్నారు. మంగళవారం హాంకాంగ్‌తో తొలి మ్యాచ్ ఉన్నందున కోచింగ్ స్టాఫ్ ఆదివారం దు బాయ్‌కు వెళ్లనుంది. గత రెండేళ్లుగా టీ మిండియా వరుస సిరీస్‌లు ఆడుతోంది. దీంతో జట్టుకు మంచి ఆటగాళ్లను అం దించడంలో టీమ్ మేనేజ్‌మెంట్ నలిగి పోతోంది. తగినంత శిక్షణ ఇచ్చి పెద్ద టోర్నీల కోసం వారిని పరిరక్షిస్తోం ది. ప్రస్తుతం 10 మంది సెలెక్టెడ్ ప్లేయర్స్, ఫస్ట్ క్లాస్ క్రికెట్‌కు చెందిన ఆరుగురు బౌలర్లు, ఫిజియో పాట్రిక్ ఫర్హార్ట్ దుబాయ్‌లో కసరత్తులు చేస్తున్నారు. 

image


కోహ్లీ లేని లోటు పాక్‌కు లాభం
రెగ్యులర్ కెప్టెన్ విరాట్ కోహ్లీ లేని లోటు ను చిరకాల ప్రత్యర్థి పాకిస్థాన్ తమకు అనుకూ లంగా మార్చుకోవాలని భావిస్తోంది. ఆసియా కప్‌కు కోహ్లీకి విశ్రాంతినిచ్చిన సంగతి తెలిసిందే. మరోసారి ఈ వైట్ బాల్ టోర్నీలో తన కెప్టెన్సీ ప్రతిభకు రోహిత్ శర్మ పదును పెట్టే పనిలో ఉన్నప్పటికీ అందరి దృష్టి సీనియర్ ప్లేయర్, మాజీ కెప్టెన్ మహేంద్ర సింగ్ ధోనీపై పడింది. 

ధోనీవైపు టీమ్ మేనేజ్‌మెంట్ చూపు
ఇంగ్లాండ్ పర్యటనలో విఫలమైన, రాణించలేక పోయిన వారి ఆసియా కప్‌లో నడిపించే బాధ్యత ధోనీపై పడింది. జట్టులోని సభ్యులు, టీమ్ మేనేజ్ మెంట్ కూడా ధోనీవైపే చూస్తోంది. ధోనీ అనుభవం జట్టుకు ఉపయోగపడుతుందని.. యావత్ జట్టు బా ధ్యత అతను చేపడతాడని టీమ్ మేనేజ్‌మెంట్‌కు చెందిన ఓ అధికారి చెప్పడం చూస్తుంటే వరల్డ్ కప్ కు ముందు జరుగుతున్న ఈ మెగా ఈవెంట్‌లో మాజీ కెప్టెన్‌పై చాలా పెద్ద బాధ్యతనే పెట్టినట్టు కని పిస్తోంది. వన్డే జట్టు కెప్టెన్సీని ధోనీ రాజీనామా చేసి 18 నెలలు గడిచినా అతని ఎత్తుగడలు, వ్యూహాల కోసం టీమ్ మేనేజ్‌మెంట్, యువ క్రికెటర్లు ఎదురు చూస్తున్నారని చెప్పక తప్పదు.

జట్టును గెలిపించే బాధ్యతను ధోనీ ఒక్కడిపై వేయడం సరైంది కాక పోయినప్పటికీ ఈ టోర్నీలో అతను మ్యాచ్ విన్నింగ్ ఇన్నింగ్స్ ఆడతాడా? అన్న అనుమానాలూ తలెత్తు తున్నాయి. ఈ ప్రశ్నకు అవుననే చెప్పాల్సి ఉంటుం ది. లార్డ్స్‌లో టీమిండియా అహం దెబ్బతినేలా అభి మానుల వెక్కిరింతలు ధోనీ ఇంకా మర్చిపోలేదు. ధోనీ అండతో టీమిండియా స్థిరంగా రాణించే అ వకాశముంది. ఒక్కసారి అతను ఫామ్‌లోకి వచ్చా డంటే టీమిండియా ఎనలేని ఆనందాన్ని సొంతం చేసుకుంటుంది. 

నిజానికి వన్డే వరల్డ్ కప్‌కు ఇంకా చాలానే సమయం ఉంది. అంతలోపు చాలా మ్యాచ్‌లే టీమిండియా ఆడుతుంది. అయినప్పటికీ ఆసియా కప్‌లో వరల్డ్ కప్ విన్నింగ్ కాంబినేషన్‌ను తయారు చేసుకోవాలని టీమిండి యా మేనేజ్‌మెంట్ భావిస్తోంది. అయితే ఈ కాంబి నేషన్ అంశం కూడా ధోనీ చుట్టూనే తిరుగుతోంది. ధోనీ వారసుడు దినేష్ కార్తీక్ అని టీమ్ మేనేజ్ మెంట్ భావిస్తోంది. ఇంగ్లాండ్ పర్యటనలో రిషబ్ పంత్ బ్యాటింగ్‌లో, కీపింగ్‌లో అద్భుత ప్రతిభ కన బరిచినప్పటికీ అతడిని ఆసియా కప్ జట్టుకు ఎంపిక చేయలేదు. వరల్డ్ కప్‌కు ముందు ప్రయోగా లు చేసేంత సమయం లేదని మేనేజ్‌మెంట్ భావి స్తోంది. ఈ నేపథ్యంలో వరల్డ్ కప్‌కు విన్నింగ్ టీమ్ ను తయారు చేసుకోవాలంటే ధోనీకి కావల్సినంత సమయం ఇవ్వాలి. అందుకు అతడు ఎక్కువ సేపు క్రీజులో ఉండాలి. అతను దేశవాళీ క్రికెట్ కూడా ఎక్కువగా ఆడలేదు. కోహ్లీకి విశ్రాంతినివ్వడంతో సీనియర్ పోరాట యోధుడు ఈ యూఏఈ స్లో పిచ్‌లపై మళ్లీ పూర్వపు ఆటను ప్రదర్శించేందు కు, గతంలో మాదిరిగా ప్రత్యర్థులను గడగడలాడించేందుకు ఇదే మంచి సమయం.



కోహ్లీ జట్టును ఇలానే నడిపించు: ధోని

Updated By ManamTue, 08/07/2018 - 22:21

imageముంబై: ఇంగ్లాండ్ గడ్డై పై తొలి టెస్టులో కెప్టెన్  కోహ్లీ జట్టుని ముందుండి నడిపించిన తీరు తనని ఆక ట్టుకుందని మాజీ కెప్టెన్ ధోనీ వెల్లడించాడు.  రెండో టెస్టు మ్యాచ్ లార్డ్స్ వేదికగా గురువారం నుంచి ప్రారంభంకానుం ది. కోహ్లీ కెప్టెన్ ఇన్నింగ్స్ గురించి తాజాగా  ధోనీ మీడి యాతో మాట్లాడుతూ ‘కోహ్లీ బెస్ట్ బ్యాట్స్ మన్. అతను ఇప్పటికే అత్యున్నత స్థాయిని అందుకున్నాడు. దిగ్గజ క్రికెటర్ హోదాకి దగ్గర్లో ఉన్నాడు.గత కొన్నేళ్లుగా విదేశీ గడ్డల పైనా కోహ్లీ అద్భుతంగారాణిస్తున్నందుకు చాలా సం తోషంగా ఉంది.తొలిటెస్టులో జట్టుని ముందు ండి నడిపించాడు. కెప్టెన్ నుంచి జట్టు ఇలాం టి ప్రదర్శననే ఆశిస్తుంది’ అని తెలిపాడు.



బీసీసీఐ నవ్వుల పాలు

Updated By ManamFri, 07/20/2018 - 22:36
  • ప్రొఫైల్ పేజీలో ధోనీని కెప్టెన్‌గా పేర్కొన్న బోర్డు  

న్యూఢిల్లీ: టీమిండియా మాజీ కెప్టెన్ ఎంఎస్ ధోనీ ఈ మధ్య తరచుగా వార్తల్లోకెక్కుతున్నాడు. ఇంగ్లాండ్‌తో జరిగిన imageవన్డే సిరీస్‌లో పేలవంగా ఆడటంతో ధోనీ భవిష్యత్తుపై అభిమానుల్లో చర్చ మొదలైంది. అయితే ధోనీ రిటైర్మెంట్ తీసుకోవడం లేదని కోచ్ రవిశాస్త్రి చెప్పడంతో పుకార్లు సద్దుమణిగాయి.

ఇప్పుడు మరో సంఘటనతో ధోనీపై సోషల్ మీడియాలో అభిమానులు స్పందించారు. ప్లేయర్ ప్రొఫైల్ పేజీలో ధోనీని బీసీసీఐ కెప్టెన్‌గా పేర్కొంది. కెప్టెన్సీని ధోనీ రాజీనామా చేసి రెండేళ్లు గడిచినా అతడిని బోర్డు ఇంకా కెప్టెన్‌గానే పేర్కొనడంతో నవ్వులపాలైంది. ఈ తప్పిదం సోషల్ మీడియాలో దావానలంలా వ్యాపించింది. చాలా మంది బీసీసీఐపై జోకులు వేశారు. 

‘ధోనీ రిటైర్మెంట్‌పై పుకార్లు వచ్చాయి.  కానీ అతనే తమ కెప్టెన్ అని బీసీసీఐ ఇప్పటికీ విశ్వసిస్తోంది’                        - పుష్కర్
‘డియర్ బీసీసీఐ! దయచేసి ప్రస్తుత టీమిండియా కెప్టెన్ విరాట్ కోహ్లీ అని గుర్తు పెట్టుకోండి. మీ తప్పును సరిచేసుకోండి’    - ప్రవీణ్
‘పాత కెప్టెన్ (ఎంఎస్ ధోనీ) మళ్లీ పగ్గాలు చేపట్టాలని బీసీసీఐ భావిస్తోందా? లేక వెబ్ సైట్‌ను అప్‌డేట్ చేయడం మర్చిపోయారా? ఏది ఏమైనా ధోనీని బీసీసీఐ ఇంకా కెప్టెన్‌గానే భావిస్తున్నందుకు అతనిని అభినందిస్తున్నాను’
 - చంద్రమౌళి
ఇంగ్లాండ్‌తో జరిగిన రెండో వన్డేలో ధోనీ 58 బంతుల్లో 37 పరుగులు మాత్రమే చేయడంతో అతనిపై అభిమానులు ఆగ్రహం వ్యక్తం చేసిన సంగతి తెలిసిందే. ప్రపంచంలోనే అత్యుత్తమ ఫినిషర్‌గా పేరొందిన ధోనీ గత రెండేళ్లుగా తీవ్ర ఒత్తిడి ఉన్న మ్యాచ్‌ల్లో ఇబ్బందులు పడుతున్నాడు. అయితే ప్రస్తుత కెప్టెన్ విరాట్ కోహ్లీ మాజీ కెప్టెన్‌కు అండగా నిలిచాడు.

image

 





Related News