andhrapradesh

అదుపు తప్పిన బస్సు.. ఒకరి మృతి

Updated By ManamWed, 09/19/2018 - 09:23

Bus Accidentసూర్యాపేట్: హైదరాబాద్ నుంచి శ్రీకాకుళం వెళ్తున్న ఓ ప్రైవేట్ ట్రావెల్ బస్సు మునగాల వద్ద అదుపు తప్పి రోడ్డుకు అడ్డంగా పడిపోయింది. ఈ ప్రమాదంలో ఒకరు మరణించగా.. మరో 30మందికి తీవ్ర గాయాలయ్యాయి. గాయపడ్డ వారిని దగ్గర్లోని ఆసుపత్రికి తరలించి చికిత్స అందిస్తున్నారు. అందరూ ఘాడ నిద్రలో ఉండగా.. ఒక్కసారిగా బస్సు బోల్తా కొట్టడంతో ప్రయాణికులంతా ఉలిక్కిపడ్డారు. అతివేగం, డ్రైవర్ నిర్లక్ష్యమే ఈ ప్రమాదానికి కారణమని తెలుస్తోంది. దీనికి సంబంధించిన మరిన్ని వివరాలు తెలియాల్సి ఉంది.



చలో అసెంబ్లీకి టీచర్ల పిలుపు.. అసెంబ్లీ చుట్టూ భారీ భద్రత

Updated By ManamTue, 09/18/2018 - 09:58

assemblyఅమరావతి: సీపీఎస్ రద్దుకు డిమాండ్ చేస్తూ, ఉపాధ్యాయ సంఘాలు చలో అసెంబ్లీకి పిలుపునివ్వడంతో అసెంబ్లీ చుట్టూ భారీ భద్రతను ఏర్పాటు చేశారు. అసెంబ్లీ చుట్టూ పోలీసు పికెటింగ్ ఏర్పాటు చేసి, ఆందోళనకారులు చొరబడకుండా గట్టి కాపలా ఏర్పాటు చేశారు. గుంటూరు, విజయవాడ తదితర ప్రాంతాల్లోని పలువురు ఉపాధ్యాయులను ఇల్లు కదలనివ్వని పోలీసులు.. ఉండవల్లి, సీతానగరం చేరుకున్న టీచర్లను అదుపులోకి తీసుకొని పోలీస్ స్టేషన్లకు తరలిస్తున్నారు. ఇప్పటికే సుమారు 400మందిని అరెస్ట్ చేసినట్లు పోలీసులు వెల్లడించారు.

ఇక అసెంబ్లీతో పాటు కృష్ణానది కరకట్ట, మంగళగిరి రహదారి, జాతీయ రహదారి, ప్రకాశం బ్యారేజి, మందడం తదితర ప్రాంతాల్లో భారీగా మోహరించిన పోలీసులు, ఆ మార్గాల్లో ప్రయాణిస్తున్న ప్రతి ఒక్కరినీ తనిఖీలు చేస్తున్నారు.



ఏపీ అసెంబ్లీలో ఒకేరోజు పది బిల్లులు

Updated By ManamTue, 09/18/2018 - 08:56

AP Assemblyఅమరావతి: ఆంధ్రప్రదేశ్ అసెంబ్లీ సమావేశాలు ముగింపు దశకు చేరుకున్నాయి. ఈ నేపథ్యంలో నేడు పది బిల్లులను అసెంబ్లీ ముందుకు తీసుకురానుంది ప్రభుత్వం. దుకాణాల ఏర్పాటు బిల్లు, సివిల్ కోర్టు సవరణ, ఉర్దూ విశ్వ విద్యాలయం సవరణ బిల్లు, మోటారు వాహనాల పన్ను, హౌసింగ్ బోర్డు సవరణ బిల్లు, వివాహాల నమోదు బిల్లుతో పాటు రెపియల్‌కు సంబంధించి 2 బిల్లులు వీటిలో ఉన్నాయి. 

మరోవైపు సమావేశాల్లో భాగంగా ఈ రోజు చేనేత కార్మికులకు సబ్సిడీ మొత్తాల మంజూరీపై అసెంబ్లీ ప్రశ్నోత్తరాల్లో చర్చ జరగనుంది. అలాగే విశాఖ జిల్లా కంచరపాలెంలో ప్రభుత్వ భూముల క్రమబద్ధీకరణపై, ప్రైవేటు ఇంజనీరింగ్ కళాశాల మూసివేతపై, పేద, బలహీన వర్గాలకు వ్యవసాయ భూముల పంపిణీపై, బౌద్ద సర్క్యూట్ ప్రాజెక్టుల అభివృద్ధి, మద్దతు ధరలపై రైతులకు బోనస్, జగ్గయ్యపేట నియోజకవర్గంలో పారిశ్రామిక కారిడార్, జూనియర్ కళాశాలల్లో అధ్యాపకుల పోస్టుల భర్తీ, అనంతపురం జిల్లా బుక్కపట్నం చెరువులో అన్యాక్రాంత భూముల పరిహారం తదితర అంశాలపై చర్చలు జరగనున్నాయి.

మరోవైపు మండలిలో అమరావతి బాండ్లు, దుబాయ్‌కి విమాన సర్వీసులు, అమృత్ పథకం కింద నీటి కనెక్షన్లు, అమరావతికి కేంద్ర నిధులు, చంద్రన్న బీమా అమలు, వనం-మనం, అనావృష్టి పీడిత ప్రకాశం జిల్లాలో చెరువుల పునరుద్ధరణ, మద్యం విధానం అమలు తదితర అంశాలపై ప్రశ్నోత్తరాల సమయంలో చర్చ సాగనుంది. రాయలసీమలో కరవు పరిస్థితులపై అత్యవసర ప్రజా ప్రయోజన నోటీసు కింద చర్చ జరగనుంది.



కేరళకు ఏపీ ఆపన్నహస్తం

Updated By ManamThu, 09/13/2018 - 10:10

  ప్రభుత్వం తరుఫున రూ. 51 కోట్ల సాయం
  కేరళ మంత్రులకు అందజేసిన చినరాజప్ప 
  ప్రభుత్వం 10 కోట్లు.. ఉద్యోగులు 23 కోట్లు
  సహాయ నిధికి సేకరించిన చెక్‌లు అందజేత

Keralaతిరువనంతపురం, సెప్టెంబరు 12: భారీ వర్షాలు, వరదలతో కకావికలైమెన కేరళను ఆదుకునేందుకు ఆంధ్రప్రదేశ్ ప్రభుత్వం తన వంతు సాయం అందజేసింది. కేరళ వరద బాధితులకు మొత్తం 51 కోట్ల రూపాయులను విరాళంగా అందజేసింది. బుధవారం తిరువనంతపురం సచివాలయం లో కేరళ మంత్రులు ఇ.పి.జయరాజన్, చంద్రశేఖరన్, మాధ్యూస్ థామస్, ఎ.కె.శశేంద్రన్, రామచంద్రన్, ప్రభుత్వ ప్రధానకార్యదర్శి థామ్ జోస్, రెవెన్యూ కార్యదర్శి పి.సి.కురియన్‌లతో ఏపీ ఉప ముఖ్యమంత్రి చినరాజప్ప సమావేశైమె.. రాష్ట్ర ప్రభుత్వం తరఫున వరద సహాయ నిధికి సేకరించిన చెక్కులను అందజేశారు. ఈ సందర్భంగా చినరాజప్ప మీడియాతో మాట్లాడుతూ.. విపత్తులు సంభవించినప్పుడు బాధితులను ఆదుకోవాల్సిన బాధ్యత ప్రతి ఒక్కరిపై ఉందన్నారు. కేరళ వరదల పరిస్ధితిపై చలించిన ఆంధ్రప్రదేశ్ ముఖ్యమంత్రి చంద్రబాబునాయుడు ప్రభుత్వం తరుపున రూ.10 కోట్ల ఆర్ధిక సహాయాన్ని ప్రకటించారన్నారు. ముఖ్యమంత్రి ఇచ్చిన పిలుపునకు స్పందించి  ప్రభుత్వోద్యోగులు తమ ఒకరోజు వేతనాన్ని విరాళంగా అందించి తమ ఉదారతను చాటుకున్నారని తెలిపారు. ప్రభుత్వ ఉద్యోగులు రూ.20 కోట్లు, ఏపీఎస్ ఆర్టీసీ ఉద్యోగులు రూ.3 కోట్ల విరాళాలను ప్రభుత్వానికి అందజేశారని ఆయన వివరించారు. అలాగే చంద్రబాబు పిలుపునకు స్పందించి ప్రజలు తమ వంతు సాయం చేశారని తెలిపారు. కేరళ వరద బాధితులకు యుద్దప్రాతి పదికన నిత్యావసర వస్తువులు అందించేందుకు ముఖ్యమంత్రి చంద్రబాబు చొరవ తీసుకుని పౌర సరఫరాల శాఖ ద్వారా 2014 మెట్రిక్ టన్నుల బియ్యాన్ని పంపించారన్నా రు. విపత్తులు దేశంలో ఎక్కడ సంభవించినా బాధితులను ఆదుకోవడంలో ఆంధ్రప్రదేశ్ ప్రభుత్వం ముందుంటుందని చినరాజప్ప అన్నారు. వరద బాధితులకు సేవలందించేందుకు గాను తమ ప్రభుత్వం అగ్ని మాపక, విపత్తు నిర్వహణ సహాయక బృందాలను కేరళకు పంపించామని తెలిపారు. వరద బాధితులకు సహాయక చర్యల విషయంలో ఆంధ్రప్రదేశ్ పారిశ్రామిక మౌలిక సదుపాయలకల్పన వైస్ ఛైర్మన్ ఎ.బాబు చేసిన కృషిని చినరాజప్ప కొనియాడారు. కేరళ పరిస్థితిపై ఆంధ్ర ప్రదేశ్ ప్రభుత్వం స్పందించి సహాయాన్ని అందించినందుకు కేరళ ముఖ్యమంత్రిగా బాధ్యలు నిర్వహిస్తున్న పరిశ్రమల శాఖ మంత్రి జయరాజన్ కృతజ్ఞతలు తెలియజేశారు. ఆంధ్రప్రదేశ్ ప్రభుత్వం అందించిన సేవలను కేరళ ప్రజలు ఎప్పటికీ మరచిపోరన్నారు. ఆంధ్రప్రదేశ్ ముఖ్యమంత్రి చంద్రబాబునాయుడును త్వరలోనే కలుసుకుని కృతజ్ఞతలు తెలియజేస్తామన్నారు. 



కాంగ్రెస్‌తో పొత్తు ప్రసక్తే లేదు: డిప్యూటీ సీఎం

Updated By ManamMon, 09/10/2018 - 11:08

KE Krishnamurthyహైదరాబాద్: ఏపీలో కాంగ్రెస్‌తో పొత్తు పెట్టుకునే ప్రసక్తే లేదని డిప్యూటీ సీఎం కేఈ కృష్ణమూర్తి స్పష్టం చేశారు. రాష్ట్రాన్ని విభజించిన పాపంలో కాంగ్రెస్ మొదటి ముద్దాయి అని, అలాంటి పార్టీతో పొత్తు పెట్టుకోమని తెలిపారు. ఏపీకి మొండి చేయి చూపిన మోదీ నమ్మక ద్రోహి అని, ఏపీ విషయంలో యూటర్న్ తీసుకున్న ప్రధాని ముఖ్యమంత్రి అపవాదు వేస్తున్నారని మండిపడ్డారు. రెండు రాష్ట్రాల సీఎంల మధ్య గొడవ పెట్టేందుకు మోదీ సిద్ధమయ్యారని తూర్పారబట్టారు. అయితే ఎన్నికల నేపథ్యంలో తెలంగాణలో ఇప్పటికే సీపీఐతో పొత్తు పెట్టుకున్న టీడీపీ.. కాంగ్రెస్‌తో కూడా పొత్తు పెట్టుకోనుందని వార్తలు వచ్చిన విషయం తెలిసిందే.



రంపచోడవరంలో రేవ్ పార్టీ.. 28మంది అరెస్ట్

Updated By ManamSat, 09/08/2018 - 11:58

Rave Partyరంపచోడవరం: మొన్నటివరకు కేవలం నగరాలకు పరిమితమైన రేవ్ పార్టీల సంస్కృతి పల్లెలకు విస్తరిస్తోంది. మద్యం మత్తులో విశృంఖల కార్యకలాపాలకు పాల్పడుతున్నారు కొందరు. అర్ధరాత్రి వరకు తాగితందనాలాడుతూ అనైతిక చర్యలకు దిగుతున్నారు. తాజాగా తూర్పుగోదావరి జిల్లా రంపచోడవరం మండలం దేవరాతిగూడెం వద్ద ఏవన్‌ రిసార్ట్‌లో రేవ్ పార్టీ నిర్వహించారు. అయితే దీనిపై ముందస్తు సమాచారం అందుకున్న పోలీసులు ఆకస్మిక దాడులు నిర్వహించారు.

ఈ క్రమంలో ఏడుగురు మహిళలు, 20 మంది పురుషులు సహా నిర్వాహకుడు రమణ మహర్షిని పోలీసులు అదుపులోకి తీసుకున్నారు. సంఘటనాస్థలం నుంచి ఐదు కార్లతో పాటు నగదును స్వాధీనం చేసుకున్నారు. అనంతరం కేసు నమోదు చేసుకున్న పోలీసులు దర్యాప్తు చేస్తున్నారు. 



ఒడిశా ప్రాంతంలో వాయుగుండం

Updated By ManamFri, 09/07/2018 - 08:55

Rainవిశాఖపట్నం: పశ్చిమ బెంగాల్‌, ఉ‍త్తర ఒడిశా పరిసరాల్లో తీవ్ర వాయుగుండం ఏర్పడింది. జంషెడ్‌పూర్‌కు ఆగ్నేయంగా 140 కి.మీల దూరంలో, కియోనఝఘర్‌కు 130 కి.మీల దూరంలో తూర్పు ఈశాన్య దిశగా వాయుగుండం కేంద్రీకృతమై ఉందని విశాఖ వాతావరణ కేంద్రం వెల్లడించింది. 24 గంటల్లో ఈ వాయు గుండం పశ్చిమ దిశగా పయనిస్తూ క్రమేణా బలహీనపడే అవకాశం ఉందని పేర్కొంది.

దీంతో ఉత్తర కోస్తా, తెలంగాణలలో అక్కడక్కడా భారీ వర్షాలు కురిసే అవకాశం ఉన్నట్లు తెలిపింది. ఉత్తర కోస్తా తీరం వెంబడి గంటకు 45 నుంచి 50 కి.మీల వేగంతో బలమైన ఈదురుగాలులు వీస్తాయని పేర్కొంది. మత్స్యకారులు వేటకు వెల్లొద్దని సూచించింది.



ప్రారంభమైన ఏపీ వర్షాకాల సమావేశాలు

Updated By ManamThu, 09/06/2018 - 09:15

assemblyఅమరావతి: ఏపీ వర్షాకాల సమావేశాలు ప్రారంభమయ్యాయి.  మొత్తం ఏడు పనిదినాలుగా బీఏసీ సమావేశంలో నిర్ణయించగా..  6,7, 10, 11, 17, 18, 19 తేదీల్లో అసెంబ్లీ సమావేశాలు జరగనున్నాయి. ఈ సమావేశాల్లో మొత్తం 22 అంశాలను చర్చకు తీసుకురావాలని నిర్ణయం తీసుకోనున్నట్లు సమాచారం. ఇక మొదటి రోజు మాజీ ప్రధాని వాజ్‌పేయి, రెండవరోజు మాజీ రాజ్యసభ సభ్యుడు హరికృష్ణకి సభ్యులు నివాళులు అర్పించనున్నారు. ఇదిలా ఉంటే ప్రభుత్వ తీరుకు వ్యతిరేకంగా ప్రధాన ప్రతిపక్షం వైసీపీ అసెంబ్లీ సమావేశాలకు దూరంగా ఉండగా.. రెయిను కోట్లు, గొడుగులతో వచ్చి బీజేపీ ఎమ్మెల్యేలు తమ నిరసనను తెలుపుతున్నారు.



బీఎస్‌ఈలో అమరావతి బాండ్ల లిస్టింగ్‌

Updated By ManamMon, 08/27/2018 - 09:51

Chandrababuముంబై: రాజధాని నిర్మాణం కోసం సీఆర్‌డీఏ జారీ చేసిన అమరావతి బాండ్లను బాంబే స్టాక్‌ ఎక్స్ఛేంజ్‌ (బీఎస్‌ఈ)లో సోమవారం లిస్టింగ్ చేశారు. ఈ ఉదయం 9.15 గంటలకు గంట కొట్టి బాండ్ల లిస్టింగ్‌ను లాంఛనంగా ప్రారంభించారు సీఎం చంద్రబాబు. కాగా రాజధాని నిర్మాణానికి అవసరమైన నిధుల సమీకరణకు సీఆర్‌డీఏ ఇటీవల ఎలక్ట్రానిక్‌ ప్లాట్‌ఫామ్‌పై బాండ్లను జారీ చేయగా కేవలం గంట వ్యవధిలోనే మదుపరుల నుంచి రూ.2 వేల కోట్లు సమకూరిన సంగతి తెలిసిందే. అవే బీఎస్‌ఈలో సోమవారం లిస్టింగ్‌ అయ్యాయి. ఈ కార్యక్రమంలో బీఎస్‌ఈ సీఈవో, ఎండీ ఆశిష్‌కుమార్‌, ఏపీ మంత్రి నారాయణ, సీఆర్‌డీఏ కమిషనర్‌ చెరుకూరి శ్రీధర్‌ తదితరులు పాల్గొన్నారు. అనంతరం ప్రముఖ పారిశ్రామికవేత్తలతో చంద్రబాబు భేటీ కానున్నారు. వారిలో రిలయన్స్‌ అధినేత ముఖేష్‌ అంబానీ, టీసీఎస్‌ సీఈవో చంద్రశేఖరన్‌, మంగళం బిర్లా సహా తదితరులు ఉన్నారు. 



జనవరి నుంచి వేర్వేరు హైకోర్టులు..?

Updated By ManamFri, 08/24/2018 - 09:59

High Courtహైదరాబాద్: హైకోర్టు విభజన కోసం రెండు తెలుగు రాష్ట్రాలు చేస్తున్న ప్రయత్నాలు మొత్తానికి ఓ కొలిక్కి వచ్చాయి. జనవరి ఒకటో తేది నుంచే రెండు రాష్ట్రాల హైకోర్టులు వేరు అవ్వనుండగా.. సంక్రాంతి నుంచి పూర్తిస్థాయిలో వేర్వేరుగా పనిచేయనున్నట్లు తెలుస్తోంది. హైకోర్టు విభజనకు సంబంధించి రాష్ట్రపతి నోటిఫికేషన్ మరో రెండు రోజుల్లో విడుదలయ్యే అవకాశం ఉన్నట్లు సమచారం.

అయితే ముందుస్తు ఎన్నికలకు తెలంగాణ ప్రభుత్వం సిద్దమవుతున్న వేళ అంతకంటే ముందే హైకోర్టు విభజన, జోనల్ వ్యవస్థలకు ఆమోదం పొందాలని కేసీఆర్ ప్రభుత్వం కృ‌త నిశ్చయంతో ఉంది. అందులో భాగంగానే మంత్రి కేటీఆర్ ఢిల్లీకి వెళ్లినట్లు తెలుస్తోంది. దీనికి సంబంధించి అటార్నీ జనవర్‌ కేకే వేణుగోపాల్‌తో తెలంగాణ ప్రభుత్వ సలహాదారు రాజీవ్‌శర్మ మాట్లాడారు. ఈ సందర్భంగా నవ్యాంధ్రలో ఏర్పాట్లు పూర్తైన తరువాత హైకోర్టును విభజించాలని ఉమ్మడి కోర్టు గతంలో ఇచ్చిన తీర్పును వేణుగోపాల్ గుర్తు చేశారు.

మరోవైపు ఏపీ రాజధాని అమరావతిలోని నేలపాడు, తుళ్లూరు గ్రామాల పరిధిలో జుడీషియల్ కాంప్లెక్స్ పనులు శరవేగంగా జరుగుతున్నాయి. గత శనివారం నిర్మాణ పనులను పరిశీలించిన హైకోర్టు న్యాయమూర్తులు  జస్టిస్‌ సురేశ్‌ కైత్‌, జస్టిస్‌ సీతారామమూర్తి భవనంపై సంతృప్తి వ్యక్తం చేశారు. తాత్కాలికంగా హైకోర్టు ఏర్పాటుకు ఈ భవన సముదాయం సరిపోతుందని సుప్రీంకోర్టు కూడా అభిప్రాయపడింది. ఇక ఈ నిర్మాణ పనులు డిసెంబరు నాటికి పూర్తవుతాయి కాబట్టి జనవరి 1 నాటికి హైకోర్టును విభజించి, సంక్రాంతి తర్వాత పూర్తిస్థాయిలో కార్యకలాపాలు ప్రారంభించేలా ప్రణాళిక సిద్ధం చేస్తున్నట్లు తెలుస్తోంది.





Related News