తెలంగాణ‌లో మ‌రో 2083 క‌రోనా కేసులు 

తెలంగాణ‌లో మ‌రో 2083 క‌రోనా కేసులు 

తెలంగాణ రాష్ట్రంలో రోజురోజుకు క‌రోనా కేసులు పెరుగుతూనే ఉన్నాయి. రోజులు గ‌డిచేకొద్ది క‌రోనా కేసులు, మ‌ర‌ణాల సంఖ్య పెరుగుతూనే ఉంది.. కానీ త‌గ్గ‌డం లేదు. తాజాగా.. గడిచిన 24 గంటల్లో కొత్తగా 2083 కరోనా కేసులు నమోదయ్యాయి. మరో 11 మంది కరోనా బారినపడి మృతిచెందారు. జీహెచ్‌ఎంసీ పరిధిలో  578, రంగారెడ్డి జిల్లాలో 228, మేడ్చల్‌ జిల్లాలో 197,  వరంగల్‌ అర్బన్‌లో 134 కొత్తగా కరోనా కేసులు నమోదయ్యాయి. దీంతో ఇప్పటివరకు కరోనాతో చనిపోయిన వారి సంఖ్య 530 కు చేరుకుంది. రాష్ట్రంలో ఇప్పటివరకు 64,786 మందికి కరోనా పాజిటవ్‌ నిర్ధారణ కాగా 46,502 మంది కోలుకున్నారని వైద్య, ఆరోగ్య శాఖ విడుదల చేసిన తాజా బులిటిన్‌లో వెల్లడించారు. మరో 17,754 మంది ఆస్పత్రుల్లో చికిత్సపొందుతున్నారని తెలిపారు. ఒక్కరోజే 1,114 కరోనా నుంచి కోలుకున్నారని వివరించారు.