నిరుద్యోగులకు రైల్వే ఉద్యోగం ఓ కల అనే చెప్పాలి. ప్రభుత్వ ఉద్యోగం సంపాదించాలనుకునేవారు రైల్వే జాబ్ కోసం కూడా ప్రయత్నిస్తుంటారు. రైల్వేలో కూడా కొన్ని ఉద్యోగాలకు డిమాండ్ చాలా ఎక్కువగానే ఉంటుంది. అలాంటి ఉద్యోగాల్లో రైల్వే స్టేషన్ మాస్టర్ ఉద్యోగం ఒకటి. భారతీయ రైల్వే అనేక పోస్టులను భర్తీ చేస్తుంటుంది. స్టేషన్ మాస్టర్ పోస్ట్ కూడా ఉంటుంది. రైల్వే రిక్రూట్ మెంట్ బోర్డు ఎన్టీపీసీ పరీక్ష ద్వారా భర్తీ చేసే గౌరవనీయమైన పోస్టుల్లో స్టేషన్ మాస్టర్ ఉద్యోగం ఒకటి. డిగ్రీ పాస్ అయిన వారు ఆర్ఆర్బీ నిర్వహించే పరీక్ష రాసి స్టేషన్ మాస్టర్ ఉద్యోగం పొందవచ్చు.
Advertisement
భారతీయ రైల్వేకు దేశంలో అతిపెద్ద రిక్రూటింగ్ సంస్థగా పేరు ఉంది. ప్రపంచంలో ఎనిమిదో అతిపెద్ద రిక్రూటర్. ప్రతీ ఏటా ఆర్ఆర్బీ భారీ సంఖ్యలో ఖాలీలను భర్తీ చేస్తుంటుంది. ఈ ఉద్యోగాల కోసం కోట్లాది నిరుద్యోగులు దరఖాస్తు చేస్తుంటారు. రైల్వే స్టేషన్ మాస్టర్ ఉద్యోగం పొందితే మంచి జీతం వస్తుంది. అందుకే ఈ ఉద్యోగానికి పోటీ ఎక్కువ. జీతం మాత్రమే కాదు అలెవెన్సులు, సదుపాయాలు కూడా ఉంటాయి. మరి మీరు కూడా రైల్వే స్టేషన్ మాస్టర్ ఉద్యోగం పొందాలనుకుంటే వారి జీతం, జాబ్ ప్రొఫైల్, ప్రమోషన్ లాంటి వివరాలు తెలుసుకోండి.
రైల్వే స్టేషన్ మాస్టర్ వేతనం వివరాలు
బేసిక్ వేతనం : రూ.35,400
డీఏ : రూ.4,248 (12%)
ట్రాన్స్‌పోర్ట్ అలవెన్స్ : రూ.1800
డీఏ ట్రాన్స్‌పోర్ట్ అలవెన్స్ : రూ.Rs 90
హెచ్ఆర్ఏ
X క్లాస్ సిటీ : రూ.8496 (24%)
Y క్లాస్ సిటీ : రూ.5664 (16%)
Z క్లాస్ సిటీ : 2832 (8%)
డిడక్షన్
ఎన్‌పీఎస్ 10% : రూ.3,717
సీజీహెచ్ఎస్ : రూ.30
ప్రొఫెషనల్ ట్యాక్స్ : రూ.250
నెట్ డిడక్షన్ : రూ.3997
గ్రాస్ సాలరీ
X క్లాస్ సిటీ : రూ.50,255
Y క్లాస్ సిటీ : రూ.47,424
Z క్లాస్ సిటీ : 44,592
రైల్వే స్టేషన్ మాస్టర్ కి లభించే అలవెన్స్ లు :
రైల్వే స్టేషన్ మాస్టర్ ఉద్యోగం కీలకమైన హోదా. ఒక స్టేషన్ మాస్టర్‌కు వివిధ అలవెన్సులు కూడా ఉంటాయి. భారతీయ రైల్వే స్టేషన్ మాస్టర్లు వారి నెలవారీ జీతంతో పాటు పొందే అలవెన్సుల పూర్తి వివరాలు.
Advertisement
- నైట్ డ్యూటీ అలవెన్స్ నెలకు రూ. 2700.
- ఓవర్ టైం అలవెన్స్, ప్రయాణ భత్యం, ఇతర అలవెన్సులు.
రైల్వే స్టేషన్ మాస్టర్ విధులు :
అసిస్టెంట్ స్టేషన్ మాస్టర్ పోస్ట్ ఇప్పుడు స్టేషన్ మాస్టర్‌గా మారింది. సాధారణంగా ఒక్కో స్టేషన్‌లో నలుగురు స్టేషన్ మాస్టర్లు ఉంటారు. వీరు షిఫ్ట్ ల వారీగా పని చేస్తారు. వీరి ప్రధాన పని ఏమిటంటే స్టేషన్‌లో రైళ్లు సమయానికి బయల్దేరడం, ఎలాంటి అడ్డంకులు లేకుండా చూసుకోవడం. స్టేషన్ మాస్టర్ ఉద్యోగం చాలా మందికి చాలా తేలికగా, రొటీన్‌గా, పనికిరానిదిగా అనిపిస్తుంది. కానీ ఈ ఉద్యోగం అనుకున్నంత సులువు కాదు. రైలు ప్రయాణాన్ని సౌకర్యవంతంగా, సురక్షితంగా, వేగంగా మార్చడానికి నిరంతరం వీరి కృషి అవసరం. వారి మెదడుకు పని ఎక్కువ.
రైళ్లు సజావుగా నడపడానికి, ప్రయాణికులు, సిబ్బంది భద్రతకు స్టేషన్ మాస్టర్ బాధ్యత వహిస్తారు. ఏదైనా మెడికల్ ఎమర్జెన్సీ ఏర్పడితే, వీలైనంత త్వరగా వైద్యాధికారులతో కలిసి తగిన వైద్యం అందించడం స్టేషన్ మాస్టర్ బాధ్యత. ఇవే కాకుండా, ఒక స్టేషన్ మాస్టర్ స్టేషన్ మేనేజర్‌తో సమన్వయం చేసుకోవాలి. స్టేషన్‌లో ఆగే ప్రతి రైలుకు హెచ్చరికలు, ఆదేశాలు జారీ చేయాలి. కొన్నిసార్లు, చిన్న స్టేషన్లలో, స్టేషన్ మాస్టర్లకు టిక్కెట్, పార్సిల్ బుకింగ్, రిజర్వేషన్ మొదలైన విధులను కూడా అప్పగిస్తారు. స్టేషన్ మాస్టర్ కూడా తన స్టేషన్‌లో మేనేజర్ పాత్రను పోషిస్తారు. ఏదైనా అత్యవసర పరిస్థితిలో రెస్క్యూ ఆపరేషన్‌లను చూసుకుంటారు.
రైల్వే స్టేషన్ మాస్టర్లకు ప్రమోషన్లు :
భారతీయ రైల్వేలో పదోన్నతి పొందడానికి కఠినమైన, వేగవంతమైన నియమం లేదు. ఒక ఉద్యోగికి 10 సంవత్సరాల కంటే ఎక్కువ పదోన్నతి లభించకపోతే, రైల్వేలు ఆ ఉద్యోగి గ్రేడ్ పేని బకాయిలతో అడ్వాన్స్‌గా అందజేస్తుంది. ప్రమోషన్ ఆలస్యంగా లేదా ముందుగానే వస్తుందని చెప్పలేం. కానీ ప్రమోషన్ మాత్రం కచ్చితంగా ఉంటుంది. పదోన్నతి పొందిన తర్వాత స్టేషన్ మాస్టర్‌కు లభించే మొదటి పోస్ట్ స్టేషన్ సూపరింటెండెంట్. రెండవది అసిస్టెంట్ ఆపరేషన్ మేనేజర్. చివరకు డివిజనల్ ఆపరేషన్స్ మేనేజర్‌గా పదోన్నతి లభిస్తుంది.
మరికొన్ని ముఖ్యమైన వార్తలు :
2018 : ఓటిటిలోకి వచ్చేసిన రీసెంట్ బ్లాక్ బస్టర్ మూవీ ‘2018’
శ్రీ రెడ్డిని దారుణంగా మోసం చేసిన తేజ ?
క్రికెటర్లు లంచ్ బ్రేక్ లో ఏం తింటారో తెలుసా?
