రజినీకాంత్ నుంచి విజయ్ తమిళ్ సినిమా ఇండస్ట్రీ లో అత్యంత ధనవంతుడైన నటుడు ఎవరో తెలుసా?

తమిళ చిత్ర పరిశ్రమలో అత్యంత ధనవంతుడు ఎవరు..? అనే సమాచారం ఇప్పుడు సోషల్ మీడియాలో ఆకర్షిస్తోంది. బాహుబలి విజయం తరువాత టాప్ నటనటులతో సినిమాలు తీస్తున్నారు. ప్రస్తుతం సూర్య నటించిన కంగువా సినిమాకి 30కి పైగా భాషలలో రూపుదిద్దుకుంటోంది. పాన్ ఇండియా మూవీ విడుదల కారణంగా తమిళ సినిమాలు గతంలో కంటే మెరుగ్గా వసూళ్లు సాధిస్తున్నాయి. కమల్ విక్రమ్ సినిమా రూ.400 కోట్లు, రజినీ జైలర్, విజయ్ లియో రూ.600 కోట్లు కూడా వసూలు చేసింది.

కలెక్షన్లకు అనుగుణంగా అగ్ర నటుల జీతాలు కూడా పెరిగాయి. రజనీ, కమల్, అజిత్, విజయ్ ఒక్కో సినిమాకు రూ. 100 కోట్లకు పైగా పారితోషికం తీసుకుంటున్నట్లు సమాచారం. ఈ సందర్భంలో తమిళ చిత్రసీమలో అత్యంత ధనవంతుడు కమల్ హాసన్ అని ఓ ఆంగ్ల మీడియా పేర్కొంది. ప్రస్తుత పరిస్థితుల్లో కమల్ హాసన్ దగ్గర రూ. 450 కోట్ల ఆస్తి ఉంటుందని అంచనా. అయితే రాజ్ కమల్ ఫిల్మ్ ఇంటర్నేషనల్ అనే నిర్మాణ సంస్థను కూడా నడుపుతుండడంతో ఇతర నటీనటుల కంటే కూడా ఎక్కువ సంపాదిస్తున్నాడని అంటున్నారు. ఈ నిర్మాణ సంస్థతో కలిసి కమల్ రూ. 570 కోట్ల ఆస్తులు ఉన్నాయని చెప్పారు.

ఇప్పుడు ఉన్న వాతావరణంలో కమల్ హాసన్ తమిళ సినిమా టాప్ యాక్టర్ కాదని చెప్పవచ్చు. ఇప్పుడు రజనీ, విజయ్ మధ్య పోటీ నడుస్తోంది. రజనీ ఆస్తి రూ. 450 కోట్లు, విజయ్ ఆస్తి రూ. 410 కోట్లు కూడా ఉంటుందని అంచనా.  ఇతర నటీనటులలో అజిత్ రూ. 350 కోట్లు, సూర్య రూ. 300 కోట్లు, కార్తీ రూ. 110 కోట్లు, ధనుష్ రూ. 160 కోట్ల విలువైన ఆస్తులున్నట్లు సంబంధిత వర్గాలు తెలిపాయి. రూ. 400 కోట్లకు పైగా వసూలు చేసిన విక్రమ్ చిత్రాన్ని కూడా కమల్ నిర్మించడం గమనార్హం.

Also Read : OTTలోకి డైరెక్ట్‌గా మరో హారర్ మూవీ.. చూసేంత ధైర్యం చేయగలరా..?