బాలయ్యకు డోస్ పెంచారు.. ఇక దబిడి దిబిడే..!

నందమూరి నటసింహం బాలకృష్ణ ప్రస్తుతం వరుస సినిమాల్లో నటిస్తున్న విషయం తెలిసిందే. ఈ ఏడాది ప్రారంభంలో వీరసింహారెడ్డి మూవీతో ప్రేక్షకుల ముందుకు వచ్చి మంచి విజయాన్ని అందుకున్నాడు. తాజాగా దసరా సందర్బంగా అక్టోబర్ 19న భగవంత్ కేసరి మూవీ విడుదలైంది. ప్రస్తుతం ఈ మూవీ బాక్సాఫీస్ వద్ద భారీగా కలెక్షన్ల వర్షం కురిపిస్తోంది. 

మొదటి షో నుంచే పాజిటివ్, హిట్ టాక్ రావడం.. ఇక అదే సమయంలో లియో, టైగర్ నాగేశ్వర్ రావు సినిమాలకు యావరేజ్ టాక్ రావడంతో ఆడియన్స్ బాలయ్య మూవీ వైపునకు వస్తున్నారు. దీంతో కలెక్షన్లు భారీగానే వస్తున్నాయి. అయితే ఈ చిత్రంలో దంచవే మేనత్త కూతురా.. అనే సాంగ్ రీమిక్స్ చేశారనే విషయం తెలిసిందే. నాలుగున్నర నిమిషాల పాటు ఉన్న ఈ సాంగ్ రిమిక్స్ ను యాడ్ చేశారు. అయితే భగవంత్ కేసరి విడుదలైనప్పుడు ఈ సాంగ్ మాత్రమే కనిపించలేదు. నిడివి ఎక్కువ అవుతుందని.. పాటకు స్టోరీకి సంబంధం లేదనే ఉద్దేశంతో దర్శకుడు అనిల్ రావిపూడి ఈ సాంగ్ ను పక్కన పెట్టేశాడు. 

లక్షల రూపాయలు ఖర్చు చేసిన ఈ పాటకు దాదాపు 50 మందికి పైగా డ్యాన్సర్లు పని చేశారట. అంతేకాదు.. ఈ పాట కోసం ప్రత్యేకంగా ఓసెట్ ను కూడా వేశారట. అంత భారీగా షూట్ చేసినా.. ఈ స్టోరీకి లింక్ లేకపోవడంతో సాంగ్ మొత్తాన్ని పక్కన పెట్టేశారట. ప్రస్తుతం మంచి టాక్ రావడంతో ఈ సాంగ్ ను మళ్లీ చేసేశారు. సాంగ్ మొత్తం కాకుండా చివరలో వచ్చే దంచవే మేనత్త కూతురా.. అని సాగే రీమిక్స్ ను  మాత్రమే ఈ మూవీలో యాడ్ చేశారు. ఇక్కడ మరో చిక్కు కూడా ఉందండోయ్.. ఈ రిమిక్స్ సాంగ్ ను సినిమా మధ్యలో కాకుండా.. సినిమా చివరలో రోలింగ్ టైటిల్స్ వచ్చే సమయంలో దర్శకుడు ప్లాన్ చేసినట్టు సమాచారం. 

మరికొన్ని సినిమా వార్తల గురించి ఇప్పుడు మనం తెలుసుకుందాం.