బలగం మూవీ గురించి మెగాస్టార్ ఏమన్నారంటే?

చిన్న మూవీగా ప్రేక్షకుల ముందుకు వచ్చి భారీ విజయం సాధించిన బలగం మూవీపై  ప్రస్తుతం ప్రతీ ఒక్కరూ ప్రశంసలు కురిపిస్తున్నారు. జబర్దస్త్ ఫేమ్ వేణు దర్శకత్వంలో తెరకెక్కిన ఈ చిత్రానికి ప్రేక్షకులు బ్రహ్మరథం పడుతున్నారు. మార్చి 03న థియేటర్లలో విడుదలైన ఈ చిత్రం అంచనాలను మించి విజయం సాధించింది. దీంతో ఈ సినిమాపై పలువురు సినీ ప్రముఖులు ప్రశంసల వర్షం కురిపిస్తున్నారు. తాజాగా మెగాస్టార్ చిరంజీవి బలగం చిత్రం గురించి కొనియాడారు. స్వయంగా ఈ సినిమా టీమ్ ని కలిసిన చిరంజీవి దర్శకుడు వేణును అభినందించారు.

Also Read : Sr:NTRకు ‘బ్రదర్’ అనే మాట నేర్పింది ఎవరో తెలుసా..?

ఈ సందర్భంగా వేణును శాలువతో సత్కరించారు. ఇది నిజమైన చిత్రం అని.. ఇది నిజాయితితో తీశావని పేర్కొన్నారు. తెలంగాణ యొక్క సంస్కృతి చిత్రంలో ఉట్టిపడుతుందన్నారు. రియాలిటీకి ఈ సినిమా చాలా దగ్గర ఉందంటూ ప్రశంసించారు. అనంతరం చిరంజీవికి బలగం టీమ్ ట్వీట్ చేసింది. మెగా ప్రశంస అంటూ.. చిరంజీవి బలగం టీమ్ ని కలిసిన వీడియోను షేర్ చేశారు మేకర్స్. దిల్ రాజు నిర్మించిన ఈ చిత్రంలో ప్రియదర్శి-కావ్య కళ్యాణ్ జంటగా నటించారు. భీమ్స్ సిసిరోలియో సంగీతాన్ని సమకూర్చారు.  

Also Read  : అఖిల ప్రియకు షాక్… వైసీపీలోకి భూమా మౌనిక? 

ఈ చిత్రం విడుదలైనప్పటి నుంచి పలు విమర్శలను అందుకుంటూనే సూపర్ హిట్ అందుకుంది. బలగం స్టోరీ కాపీ కొట్టారని ఓ జర్నలిస్ట్ ఆరోపించిన విషయం విధితమే. ఏది ఏమైనప్పటికీ దర్శకుడు వేణు తెరకెక్కించిన బలగం ఫస్ట్ సినిమాతోనే మంచి మార్కులను సాధించాడు. పాజిటివ్ టాక్ తో ఈ సినిమా మంచి కలెక్షన్లను వసూలు చేస్తుంది.

Also Read :  నోరు అదుపులో పెట్టుకో..లేదంటే…? తమ్మారెడ్డిపై నాగబాబు మరో వార్నింగ్ !