మెగా హీరో సాయితేజ్ గురించి ప్రత్యేకంగా చెప్పాల్సిన పనిలేదు. బైక్ ఆక్సిడెంట్ తర్వాత సాయితేజ్ హీరోగా తెరకెక్కుతోన్న చిత్రం విరూపాక్ష. తేజ్ ప్రమాదం నుంచి కోలుకున్న తర్వాత నటిస్తున్న తొలిచిత్రం ఇదే. టైటిల్ తోనే అందరి దృష్టిని ఆకర్షించిన ఈ మూవీ అంచనాలు పెరిగాయి. కార్తీక్ దండు దర్శకత్వం వహిస్తున్న ఈ సినిమాలో తేజ్ కు జోడిగా సంయుక్త మీనన్ నటిస్తోంది.
READ ALSO : IPL 2023 : అయ్యో కేన్ మామ…క్రికెట్ మొత్తానికి దూరం కాబోతున్నాడా ?
Advertisement
బ్లాక్ మ్యాజిక్ వంటి ఇంట్రెస్టింగ్ కథాంశంతో ఈ సినిమాను సస్పెన్స్ థ్రిల్లర్ గా తెరకెక్కిస్తున్నారు. సినిమా కథ ఏంటన్న దానిపై అందరిలో క్యూరియాసిటీ పెంచేసింది మూవీ. ఇదిలా ఉంటే, పాన్ ఇండియా స్థాయిలో తెరకేక్కిస్తున్న ఈ చిత్రాన్ని ఏప్రిల్ 21న తెలుగుతో పాటు తమిళ, మలయాళ, కన్నడ, హిందీలో కూడా విడుదల చేయనున్నారు. ఈ నేపథ్యంలోనే ప్రమోషన్స్ షురూ చేసిన చిత్ర యూనిట్ తాజాగా సినిమా ట్రైలర్ ను విడుదల చేసింది.
Advertisement
READ ALSO : Twitter Logo : ట్విట్టర్ లోగో మారింది.. పిట్ట స్థానంలో కుక్క వచ్చిందోచ్
2. 05 నిమిషం నిడివి ఉన్న ఈ ట్రైలర్ ఆధ్యాంతం ఆసక్తిని రేకెత్తిస్తోంది. ట్రైలర్ చూస్తున్నంత సేపు ఊపిరి బిగపట్టుకొని చూసేలా ట్రైలర్ ఉంది. హారర్ టచ్ తో నడిచే సస్పెన్స్ థ్రిల్లర్ గా ఈ కథ కనిపిస్తోంది. అజనీష్ లోక్ నాథ్ అందించిన బ్యాక్గ్రౌండ్ స్కోర్ హైలైట్ గా నిలుస్తుందని అనిపిస్తుంది. చాలాగ్యాప్ తర్వాత సాయితేజ్ చేసిన ఈ సినిమా ఆయనకి తప్పకుండా హిట్ తెచ్చి పెట్టాలని అభిమానులు భావిస్తున్నారు.
