ముక్కు అవినాష్ ఇంట్లో విషాదం.. పురిటిలోనే బిడ్డ మృతి.. అసలేం జరిగిందంటే?

తెలుగు బుల్లితెర ద్వారా పరిచయం అయిన ఆర్టిస్టులతో ముక్కు అవినాష్ ఒకరు. జబర్దస్త్ షో ద్వారా పాపులారిటీని సంపాదించుకున్న ముక్కు అవినాష్ సినిమాల్లోనూ కనిపిస్తూ టాలెంట్ ని ప్రూవ్ చేసుకుంటూ వచ్చారు. జబర్దస్త్ మాజీ కమెడియన్ మరియు బిగ్ బాస్ కంటెస్టెంట్ అవినాష్ ఇటీవల తన అభిమానులతో తన పర్సనల్ లైఫ్ కి సంబంధించి ఒక బాధాకరమైన అప్ డేట్ ను పంచుకున్నారు. యూట్యూబ్ ఛానెల్‌తో పేరుగాంచిన అవినాష్ మరియు అతని భార్య రెండేళ్ల క్రితం వివాహం చేసుకున్నారు. వారి లైఫ్ గురించిన విషయాలను ప్రేక్షకులతో పంచుకునేవారు. అయితే.. రీసెంట్ గా అవినాష్ పంచుకున్న ఓ న్యూస్ సోషల్ మీడియాలో వైరల్ అవుతోంది.

“నేను నా జీవితంలో సంతోషకరమైన మరియు విచారకరమైన అన్ని విషయాలను మీతో పంచుకుంటాను…నా కుటుంబంతో కూడా. ఇప్పటి వరకు నా సంతోషం అంతా మీతో పంచుకున్నాను. అయితే తొలిసారిగా నా జీవితంలో జరిగిన ఓ విషాదాన్ని మీతో పంచుకోవాలనుకుంటున్నాను. మేము అమ్మా నాన్నలయ్యే రోజు కోసం ఎదురుచూశాం. కానీ కొన్ని కారణాల వల్ల మేము మా బిడ్డను కూడా కోల్పోయాము. ఇది మేము ఎప్పటికీ జీర్ణించుకోలేనిది. అంత త్వరగా మరచిపోలేము. ఎప్పుడూ చెప్పే బాధ్యతతో దీన్ని మీతో పంచుకుంటున్నాను.

ఇప్పటివరకు మీరు మాపై చూపిన ప్రేమకు ధన్యవాదాలు. నీ ప్రేమ ఎప్పటికీ ఇలాగే ఉండాలని కోరుకుంటున్నాను. అలాగే దయచేసి ఈ విషయంపై ఏవైనా ప్రశ్నలు అడగడం ద్వారా మమ్మల్ని ఇబ్బంది పెట్టకండి. ఇట్లు..మీ అనూజ అవినాష్”. మీరంతా అర్ధం చేసుకోవాలని కోరుకుంటున్నానని అవినాష్ పేర్కొన్నాడు. అవినాష్ ఈ విషయాన్నీ యు ట్యూబ్ లో పంచుకోవడంతో ఈ విషయం వైరల్ అయ్యింది. గత సంవత్సరం ఏప్రిల్‌లో తమ మొదటి బిడ్డను స్వాగతించబోతున్నామని అవినాష్ వెల్లడించిన సంగతి తెలిసిందే. త్వరలోనే తల్లి తండ్రులు అవుతారన్న ఆనందం ఆవిరయిపోయింది. అంతలోనే ఈ విషాదం చోటు చేసుకుంది.

మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!