వినోద‌య సీత‌మ్ రీమేక్..ప‌వ‌న్ పక్క‌కు జ‌ర‌గ‌డంతో డూప్ తో షూటింగ్..!

ప‌వ‌ర్ స్టార్ ప‌వ‌న్ క‌ల్యాణ్ రీమేక్ సినిమాల్లో ఎక్కువ‌గా న‌టిస్తున్నారు. రీమేక్ సినిమాలు అయితే చిన్న‌చిన్న‌మార్పులు చేసి త్వ‌ర‌గా షూటింగ్ పూర్తి చేయొచ్చ‌ని భావిస్తున్నారో ఏమో గానీ ఎక్కువ‌గా రీమేక్ సినిమాల‌కే ప‌వన్ జై కొడుతున్నారు. ఈ నేప‌థ్యంలోనే ప‌వ‌న్ కల్యాణ్ సాయిధ‌ర‌మ్ తేజ్ హీరోలుగా ఓ సినిమా తెర‌కెక్కుతున్న సంగ‌తి తెలిసిందే. ఈ సినిమాను వినోద‌య సీత‌మ్ సినిమాకు రీమేక్ గా తెర‌కెక్కిస్తున్నారు.

ALSO READ : అన్నదమ్ముల వివాదంపై మంచు మనోజ్ ఏమన్నారో తెలుసా ?

ఈ చిత్రానికి ప్ర‌ముఖ న‌టుడు స‌ముద్ర‌ఖ‌ని ద‌ర్శ‌క‌త్వం వ‌హిస్తున్నారు. అంతే కాకుండా త్రివిక్ర‌మ్ శ్రీనివాస్ ఈ సినిమాకు మాట‌లు అందిస్తున్నారు. ఈ సినిమాను జులై 28 వ తేదీన ప్ర‌పంచ వ్యాప్తంగా విడుద‌ల చేస్తున్న‌ట్టు ప్ర‌క‌టించిన సంగ‌తి తెలిసిందే. ఇక ఈ చిత్రంలో సాయిధ‌ర‌మ్ తేజ్ కు జోడీగా కేతికాశ‌ర్మ హీరోయిన్ గా న‌టిస్తుంది.

కాగా ప‌వ‌న్ క‌ల్యాణ్ సినిమాలో ఒక‌వేళ స‌మ‌యానికి రూపం ఉంటే ఎలా ఉంటుందో అలాంటి పాత్ర‌లో న‌టిస్తున్నాడు. ఈ సినిమా ఒరిజిన‌ల్ లో ఆ పాత్ర‌ను స‌ముద్ర‌ఖ‌ని చేశారు. అంతే కాకుండా ఈ చిత్రానికి దేవ‌ర అనే టైటిల్ ప‌రిశీల‌న‌లో ఉండ‌గా…సినిమా క్లైమాక్స్ మ‌రియు క‌థ‌లో కొన్ని మార్పులు చేర్పులు చేశారు.

ఇదిలా ఉంటే ఈ సినిమాలో ప‌వ‌న్ క‌ల్యాణ్ పార్ట్ షూటింగ్ పూర్త‌య్యింద‌ని ద‌ర్శ‌కుడు స‌ముద్ర‌ఖ‌ని ఓ ఫోటోను షేర్ చేసి వెల్ల‌డించారు. దాంతో సినిమా కొన్ని డూప్ అవ‌స‌ర‌మైన సీన్ లు మాత్ర‌మే పెండింగ్ లో ఉన్నాయ‌ని ఆ పార్ట్ కూడా త్వ‌ర‌లోనే పూర్తిచేసే ఆలోచ‌న‌లో స‌ముద్ర‌ఖ‌ని ఉన్నార‌ని స‌మాచారం. ఇక మామా అల్లుల్లు న‌టిస్తున్న ఈ సినిమా ప్రేక్ష‌కుల‌ను ఏ మేర‌కు ఆక‌ట్టుకుంటుందో చూడాలి.

ALSO READ : ఇక్కడ ట్రాన్స్ జెండర్ల కోసం ప్రత్యేక శిక్షణ ఇవ్వబడును..!