టాలీవుడ్ సూపర్ స్టార్ మహేష్ బాబు నటిస్తున్న తాజా మూవీ గుంటూరు కారం. మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఈ చిత్రం తెరకెక్కుతోంది. ఈ సినిమాలో లేటెస్ట్ సెన్సేషన్ హీరోయిన్ శ్రీలీల నటిస్తోంది. తొలుత ఈ సినిమాలో హీరోయిన్ గా పూజా హెగ్డేను సెలెక్ట్ చేశారు. కానీ ఊహించని విధంగా ఈ సినిమా నుంచి పూజ తప్పుకోవాల్సి వచ్చింది. దీంతో పూజా హెగ్డే స్థానంలో శ్రీలీల ను మెయిన్ హీరోయిన్ గా ఎంపిక చేశారు. అదేవిధంగా మరొక హీరోయిన్ గా మీనాక్షి చౌదరిని ఎంపిక చేశారు. ఈ సినిమా షూటింగ్ జట్టు స్పీడుతో జరుగుతోంది. గుంటూరు కారం సినిమాను వచ్చే ఏడాది సంక్రాంతి కానుకగా విడుదల చేయనున్నట్టు ఇప్పటికే ప్రకటన కూడా చేశారు. ఈ సినిమాను మాస్ మసాలా ఎంటర్టైనర్ గా తెరకెక్కిస్తున్నారు త్రివిక్రమ్ శ్రీనివాస్.
ఈ చిత్రం నుంచి ఇప్పటికే విడుదలైన ఈ సినిమా గ్లింప్స్ ప్రేక్షకులను ఆకట్టుకుంది. మహేష్ బాబు లుక్ అభిమానులకు పూనకాలు తెప్పించింది. ఇప్పటివరకు క్లాస్ సినిమాలు చేస్తూ వస్తున్నా మహేష్.. ఈ మూవీతో మరోసారి తన మాస్ ను చూపించనున్నారు. ఇదిలా ఉండగా ఈ చిత్రం కోసం ఇప్పటికే ఓ ప్రత్యేక సెట్టును ఏర్పాటు చేస్తున్నట్టు తెలుస్తోంది. భారీ యాక్షన్ సీన్స్ కోసం ఈ సెట్ ఏర్పాటు చేస్తున్నట్లు సమాచారం. హీరో మహేష్ బాబు తో పాటు ఇతర తారాగాణం కూడా ఈ సీన్ లో పాల్గొంటున్నారట. టైటిల్ కు తగినట్టుగానే గుంటూరు బ్యాక్ డ్రాప్ లో జరిగే యాక్షన్ ఎంటర్టైనర్ గా ఈ చిత్రాన్ని తెరకెక్కిస్తున్నారు మూవీ మేకర్స్.
గుంటూరు కారం సినిమా తర్వాత మహేష్ బాబు దర్శక ధీరుడు రాజమౌళి తో సినిమా చేయనున్నాడు. ఈ సినిమాను గ్లోబల్ రేంజ్ లో విడుదల చేయాలని భావిస్తున్నాడట రాజమౌళి. ఈ చిత్రానికి సంబంధించి ఇప్పటికే విజయేంద్ర ప్రసాద్ కథను సిద్ధం చేశారు. త్వరలోనే స్క్రిప్ట్ ని దర్శకుడికి అందించనున్నట్టు ఇటీవలే ప్రకటించారు రచయిత విజయేంద్రప్రసాద్. రాజమౌళి మహేష్ బాబు కాంబినేషన్ లో వచ్చే సినిమా గురించి ఇప్పటికే అభిమానులు భారీ అంచనాలు పెట్టుకున్నారు. ఈ సినిమా ఎప్పుడు పట్టాల పైకి వెళ్తుందో.. ఎప్పుడు విడుదల అవుతుందో అని ఎంతో ఆసక్తిగా ఎదురుచూస్తున్నారు. మరి ఈ రాజమౌళి ఈ సినిమాను ఎప్పుడు షూటింగ్ ప్రారంభిస్తాడు వేచి చూడాలి మరి.
మరికొన్ని ముఖ్యమైన వార్తలు :
”బేబీ” సినిమా మీద నెటిజన్ చేసిన నెగిటివ్ కామెంట్ కి.. ఆనంద్ దేవరకొండ రియాక్షన్..!
