తెలంగాణ నిరుద్యోగులకు కేసీఆర్ ప్రభుత్వం మరో అదిరిపోయే శుభవార్త చెప్పింది. ఎన్నికలు సమీపిస్తున్న నేపథ్యంలో వరుసగా ఉద్యోగ నోటిఫికేషన్ లను విడుదల చేస్తోంది కేసీఆర్ సర్కార్. తెలంగాణలో టీఎస్పీఎస్సీ ద్వారా డిసెంబర్ కంటే ముందు విడుదలైన నోటిఫికేషన్లకు పరీక్ష తేదీలను ప్రకటించిన విషయం తెలిసిందే. ఇక తాజాగా మరో శుభవార్త చెప్పింది తెలంగాణ రాష్ట్ర పబ్లిక్ సర్వీస్ కమిషన్ గ్రూప్-4 సర్వీసుల రిక్రూట్మెంట్ కు మహాత్మ జ్యోతిబాపూలే తెలంగాణ వెనుకబడిన తరగతుల సంక్షేమ రెసిడెన్షియల్ ఎడ్యుకేషనల్ ఇన్స్టిట్యూషన్స్ సొసైటీలో మరో 141 జూనియర్ అసిస్టెంట్ ఖాళీలను చేర్చింది.
Advertisement
Advertisement
దీనితో కలిపి మొత్తం 430 జూనియర్ అసిస్టెంట్ పోస్టులు భర్తీ కానున్నాయి. దీని ప్రకారం, MJPTBCWREIS లో ఇప్పటికే ఉన్న 289 ఖాళీలకు 141 ఖాళీలను జోడిస్తూ శనివారం గ్రూప్-4 సర్వీసెస్ రిక్రూట్మెంట్ నోటిఫికేషన్ కు కమిషన్ అనుబంధాన్ని జారీ చేసింది. గ్రూప్-4 సర్వీసుల్లో మొత్తం 8,180 వివిధ పోస్టులను భర్తీ చేయనున్నారు.
గ్రూప్-4 నోటిఫికేషన్ కోసం ఇప్పటికే దరఖాస్తు చేసుకున్న అభ్యర్థులను కొత్తగా జోడించిన ఖాళీల కోసం కూడా పరిగణలోకి తీసుకుంటారని కమిషన్ తెలిపింది. శనివారం చివరి కౌంటింగ్ వరకు మొత్తం 7,41,159 మంది అభ్యర్థులు నోటిఫికేషన్ కోసం దరఖాస్తు చేసుకున్నారు. అభ్యర్థులు జనవరి 30 సాయంత్రం 5 వరకు దరఖాస్తు చేసుకోవచ్చు.
READ ALSO : రెబల్, మిరపకాయ్ సినిమాల్లో నటించిన హీరోయిన్ ఇప్పుడు ఎలా ఉందో.. ఏం చేస్తుందో తెలుసా?
