అదిరిపోయిన రామ్ చ‌ర‌ణ్ న్యూలుక్‌.. వీడియో వైర‌ల్‌..!

ఇటీవ‌లే ఆర్ఆర్ఆర్ సినిమాతో భారీ స‌క్సెస్ ఖాతాలో వేసుకున్న మెగాప‌వ‌ర్ స్టార్ ప్ర‌స్తుతం అగ్ర‌దర్శ‌కుడు శంక‌ర్ ద‌ర్శ‌క‌త్వంలో మ‌రొక భారీ సినిమా చేస్తున్న విష‌యం విధిత‌మే. ఈ చిత్రాన్ని నిర్మాత దిల్ రాజు భారీగా నిర్మిస్తున్నారు. చ‌ర‌ణ్ స‌ర‌స‌న అందాల భామ కియారా అద్వాని క‌థానాయిక‌గా న‌టిస్తోంది. శ‌ర‌వేగంగా ఈ చిత్రం షూటింగ్ జ‌రుపుకున్నారు. ఈ చిత్రానికి సంబంధించి ఎప్ప‌టిక‌ప్పుడు అప్‌డేట్స్ బ‌య‌టికి వ‌స్తున్నాయి. తాజాగా ఈ చిత్రం నుంచి మ‌రొక అప్‌డేట్ బ‌య‌టికొచ్చింది.

పొలిటిక‌ల్ థ్రిల్ల‌ర్ మూవీగా తెర‌కెక్కే ఈ సినిమాను ప్రేక్ష‌కుల ముందుకు తీసుకురానున్నారు. రెండు విభిన్న పాత్ర‌ల్లో రామ్‌చ‌ర‌ణ్ క‌నిపించ‌డం ఎంతో ఆస‌క్తిక‌రంగా మారింది. ముఖ్యంగా చ‌ర‌ణ్ లుక్ ఇదివ‌ర‌కు ఎన్న‌డూ చూడ‌ని విధంగా ఉంటుంద‌ని విన్నాం. కానీ తాజాగా చ‌ర‌ణ్‌కు సంబంధించిన ఈ షాకింగ్ లుక్ బ‌య‌టికి వ‌చ్చింది. రామ్‌చ‌ర‌ణ్ కి మేక‌ప్ చేస్తున్న వీడియో క్లిప్ ఇది. ఇందులో చెర్రీ హాఫ్ లుక్ లో క‌నిపించారు. ఈ లుక్ క్ష‌ణాల్లో వైర‌ల్‌గా మారింది. ముఖ్యంగా గుబురు గ‌డ్డం, క‌ళ్ల‌జోడుతో స‌రికొత్త లుక్‌లో ఆక‌ట్టుకున్నారు. ఈ వీడియో క్లిప్ చూసి మెగా అభిమానులు ఫిదా అవుతున్నారు.

For Our Super Duper @AlwaysRamCharan 🔥🔥🔥

Advertisement

A New Vibe, A New Hairstyle, A New Look 🙌#ramcharan #ramcharanteja #rc #indianfilmindustry #tollywood #bollywood #actor #actorslife #aalimhakim #newlook #hairvibe #star #superstar #reels #reelsinstagram #viral #trending pic.twitter.com/jyipJQokGX

— Aalim Hakim (@AalimHakim) July 2, 2022

రామ్‌చ‌ర‌ణ్ లుక్‌పై అంద‌రిలో ఓ ర‌క‌మైన ఆస‌క్తి నెల‌కొన్న‌ది. ఆర్‌సీ15 వ‌ర్కింగ్ టైటిల్‌తో తెర‌కెక్కుతున్న ఈ సినిమాలో తండ్రి.. ఇద్ద‌రు కుమారులుగా చెర్రీ క‌నిపించ‌నున్నార‌ని టాక్ వినిపిస్తోంది. ఈ చిత్రానికి విశ్వంభ‌ర‌, స‌ర్కారోడు, అధికారి లాంటి టైటిల్స్ ప‌రిశీల‌న‌లో పెట్టార‌ని స‌మాచారం. ఎక్క‌డ కాంప్ర‌మైజ్ కాకుండా ఈ చిత్రాన్ని రూపొందిస్తున్న ఈ సినిమాలో ఎల‌క్ష‌న్ క‌మిష‌న‌ర్‌గా రామ్‌చ‌ర‌ణ్ క‌నిపించనున్నారు. మొత్తానికి ఇందులో ద్విపాత్ర‌లో డిఫ‌రెంట్ గా మ‌నం చూడ‌బోతున్నామ‌న్న‌మాట‌. ఇక దిల్ రాజు నిర్మాత‌గా శ్రీ‌వేంక‌టేశ్వ‌ర క్రియేష‌న్స్ బ్యాన‌ర్‌పై రాబోతున్న 50వ సినిమా కావ‌డంతో ఈ చిత్రంపై ఆయ‌న స్పెష‌ల్ కేర్ తీసుకుంటున్నార‌ట. ఇక ఈ చిత్రం విడుద‌ల కోసం మెగా అభిమానులు ఎంతో ఆతృత‌గా ఎదురుచూస్తున్నారు.

Also Read : 

విజ‌య్ దేవ‌ర‌కొండ లైగ‌ర్ సినిమాలో అలా క‌నిపించ‌డానికి కార‌ణం ఏమిటో తెలుసా..?

ప్లాస్టిక్ ఇస్తే ఆ హోట‌ల్‌లో ఏం తిన్నా ఫ్రీ..!