నిరుద్యోగులకు శుభవార్త.. టిఎస్పిఎస్సి కీలక నిర్ణయం.. ఏంటంటే..!!

తెలంగాణ రాష్ట్ర ప్రభుత్వం 80 వేలకు పైగా ఉద్యోగాలకు భర్తీ చేస్తామని ప్రకటించిన విషయం అందరికి తెలిసిందే. ఈ నేపథ్యంలో టిఎస్పిఎస్సి వద్ద ఇప్పటికే వన్ టైం రిజిస్ట్రేషన్ చేసుకున్నటువంటి 25 లక్షల మంది నిరుద్యోగులు ఎదుర్కొంటున్న ప్రధాన సమస్య. తాజాగా వచ్చిన రాష్ట్రపతి ఉత్తర్వుల ప్రకారం అభ్యర్థుల స్థానికతను గుర్తించడం కోసం ఉద్యోగాల నోటిఫికేషన్ ముందే టిఎస్పిఎస్సి ప్రక్రియను ప్రారంభించనుంది.

1-7 తరగతుల్లో చివరి నాలుగేళ్లు (4-7 తరగతులు) చదివిన జిల్లానే స్థానికంగా పరిగణలోకి తీసుకుంటారు. గతంలో ఉద్యోగాలకు అప్లై చేసే టైంలో, లోకల్ మరియు నాన్ లోకల్ అని ప్రస్తావించేవారు. ఉద్యోగాలకు ఎంపిక అయిన తర్వాత పత్రాల పరిశీలన ఉండేది. కానీ ఈ సారి పత్రాలను ముందుగానే సమర్పించవలసి రావడం, స్థానికతను గుర్తించేందుకు బోనఫైడ్ సర్టిఫికెట్ లే కొలమానం కావడంతో వీటి కోసం నిరుద్యోగులు చాలా అవస్థలు పడుతున్నారు..

ఈ సందర్భంలో టిఎస్పిఎస్సి కీలకమైన నిర్ణయం తీసుకుంది. వన్ టైం రిజిస్ట్రేషన్ సర్టిఫికెట్ల అప్లోడ్ తప్పనిసరి కాదని టి ఎస్ పి ఎస్ సి తెలియజేసింది. ఓ టి ఆర్ లో చదువుకున్న వివరాలు నమోదు చేస్తే సరిపోతుందని, అట్టి సర్టిఫికెట్లు అప్లోడ్ చేయడం అనేది వారి ఇష్టం అని తెలియజేసింది. అప్లోడ్ చేయకుండా ఓ టి ఆర్ ప్రక్రియ పూర్తవుతుందని తెలియజేసింది. దీంతో నిరుద్యోగులు ఆనందాన్ని వ్యక్తం చేస్తున్నారు. కానీ ఉద్యోగంలో చేరే సమయంలో మాత్రం ఒరిజినల్స్ చూపించాల్సి ఉంటుందని తెలిపింది.