అఖిల్ కెరీర్ లో భారీ నష్టాలను తెచ్చిపెట్టిన సినిమాలు ఇవే…!

టాలీవుడ్ కింగ్ అక్కినేని నాగార్జున వారసుడిగా తెలుగు సినిమా ఇండస్ట్రీలోకి ఎంట్రీ ఇచ్చిన అక్కినేని అఖిల్ గురించి ప్రత్యేకంగా టాలీవుడ్ సినీ ప్రేమికులకు పరిచయం చేయాల్సిన అవసరం లేదు. అఖిల్ … వినాయక్ దర్శకత్వంలో రూపొందిన అఖిల్ మూవీతో హీరోగా ఇండస్ట్రీలోకి ఎంట్రీ ఇచ్చాడు. ఈ మూవీ మంచి అంచనాల నడుమ విడుదల అయ్యి బాక్స్ ఆఫీస్ దగ్గర భారీ ఫ్లాప్ గా నిలిచింది.

ఇది ఇలా ఉంటే ఇప్పటివరకు అఖిల్ చాలా సినిమాల్లో నటించాడు. అందులో మోస్ట్ ఎలిజిబుల్ బ్యాచిలర్ సినిమాను మినహాయిస్తే ఏ మూవీ కూడా బాక్స్ ఆఫీస్ దగ్గర పెద్ద విజయాన్ని అందుకోలేకపోయింది. ఇక అఖిల్ తన కెరియర్లో ఇప్పటివరకు నటించిన మూవీలలో కొన్ని మూవీలపై ప్రేక్షకులు భారీ అంచనాలు పెట్టుకున్న నేపథ్యంలో భారీ ప్రీ రిలీజ్ బిజినెస్లు జరిగి ఆ తర్వాత ఆ సినిమాలకు నెగటివ్ టాక్ రావడంతో భారీ నష్టాలను చవిచూసిన సినిమాలు ఉన్నాయి. అలా అఖిల్ కెరీర్ లో భారీ నష్టాలను చవిచూసిన సినిమాలు ఏవో తెలుసుకుందాం.

అఖిల్ : అఖిల్ హీరోగా ఎంట్రీ ఇచ్చిన ఈ సినిమా భారీ ఫ్రీ రిలీజ్ బిజినెస్ ను జరుపుకుంది. ఈ సినిమా విడుదల అయిన మొదటి రోజే నెగెటివ్ టాక్ ను తెచ్చుకోవడంతో ఈ మూవీకి దాదాపు 26 కోట్ల వరకు నష్టం వచ్చినట్లు తెలుస్తోంది. వి వి వినాయక్ దర్శకత్వం వహించిన ఈ మూవీని నితిన్ నిర్మించాడు.

ఏజెంట్ : అఖిల్ తాజాగా ఏజెంట్ అనే మూవీ లో హీరోగా నటించిన విషయం మన అందరికీ తెలిసిందే. సాక్షా వైద్య హీరోయిన్గా నటించిన ఈ మూవీకి సురేందర్ రెడ్డి దర్శకత్వం వహించగా … మమ్ముట్టి ఈ సినిమాలో ఒక కీలకమైన పాత్రలో నటించాడు. 28 ఏప్రిల్ 2023 వ తేదీన విడుదల అయిన ఈ సినిమా విడుదల అయిన మొదటి రోజే ఘోరమైన నెగిటివ్ టాక్ ను బాక్స్ ఆఫీస్ దగ్గర తెచ్చుకుంది. దానితో ఈ సినిమాకు 30 కోట్ల వరకు నష్టం వచ్చే అవకాశాలు ఉన్నట్లు తెలుస్తుంది