‘దృశ్యం2’లో మెరిసిన ఈ నటి ఎవరో తెలుసా?

టాలీవుడ్ హీరో విక్టరీ వెంకటేష్, మీనా ప్రధాన పాత్రలో నటించిన చిత్రం దృశ్యం 2. ఈ సినిమా ఈ ఏడాది అమెజాన్ ప్రైమ్ లో విడుదలై ప్రేక్షకులను ఆకట్టుకుంది. దృశ్యం 1 సినిమా కంటిన్యూషన్ మూవీగా ఇది వచ్చింది. మలయాళ సినిమాను అంతే చక్కగా తెలుగులో తీశారు. అయితే, దృశ్యం 2 లో హీరో వెంకటేష్ ఇంటి పక్కన ఇక ఇల్లాలి పాత్రలో, భర్త చేతిలో వేధింపులకు గురయ్యే సరిత పాత్రలో నటించిన నటి అద్భుతమైన పర్ఫామెన్స్ తో అలరించింది.

READ ALSO : Teacher Jobs: ఏపీలో 50,677, తెలంగాణలో 18,588 ఉపాధ్యాయ ఖాళీలు.. త్వరలోనే !

అండర్ కవర్ పోలీస్ గా ఉంటూ ఈ పాత్ర చేసిన నటికీ ప్రత్యేక గుర్తింపు లభించింది. దీంతో ఈమె ఎవరు అనే ఆసక్తి అందరిలోనూ మొదలైంది. సుజా వరుని అసలు పేరు సుజాత. ఆమె తమిళం, కన్నడ, తెలుగు, మలయాళ చిత్రాలలో నటించింది. 2002లో తమిళ్ లో వచ్చిన ప్లస్ 2 చిత్రంతో సిల్వర్ స్క్రీన్ పైకి అడుగు పెట్టింది.ఆ తర్వాత వరుసగా తమిళ్, కన్నడ, మలయాళ భాషల్లో సినిమాలు చేసింది. తెలుగులో వెంకటేష్ హీరోగా వచ్చిన నాగవల్లి సినిమాలో హేమ అనే చిన్న రోల్ చేసింది.

ఆ తర్వాత గుండెల్లో గోదారి, దూసుకెళ్తా, ఆలీబాబా ఒక్కడే దొంగ సినిమాలు చేసింది. కానీ ఇవేవీ ఆమెకి అంతగా పేరును తీసుకురాలేదు. కానీ తాజాగా రిలీజ్ అయిన దృశ్యం 2 ఆమెకి మంచి బ్రేక్ ఇచ్చింది. పక్కింట్లో ఉండే ఇల్లాలుగా అండర్ కవర్ కాప్ గా ఆకట్టుకుంది సుజా వరుని. ఇక తమిళ్ లో కమలహాసన్ హోస్ట్ గా 2017 లో వచ్చిన బిగ్ బాస్ లో ఈమె పాల్గొని 91 రోజులు హౌస్ లో ఉండి ఎలిమినేట్ అయింది. ఇక సుజా వరుని వ్యక్తిగత జీవితానికి వస్తే, నటుడు శివాజీ దేవ్ ను ప్రేమించి వివాహం చేసుకుంది.

READ ALSO : Alia Bhatt: బిడ్డకు పాలు ఇస్తూ అలియా.. ఫోటో వైరల్