అనిల్ రావిపూడి దర్శకత్వంలో బాలయ్య బాబు హీరోగా “భగవంత్ కేసరి” సినిమా తెరకెక్కుతున్న సంగతి తెలిసిందే. ఈ సినిమా షూటింగ్ పనులు శరవేగంగా పూర్తి అవుతున్నాయి. అయితే ఈ సినిమా బడ్జెట్ భారీగానే ఉందని తెలుస్తోంది. ఈ సినిమాలో బాలయ్య బాబుకు జోడిగా కాజల్ అగర్వాల్ నటిస్తుండగా, బాలయ్య బాబు కూతురిగా శ్రీలీలే నటిస్తున్నారు. దసరా కానుకగా ఈ సినిమాను ప్రేక్షకుల ముందుకు తీసుకురావాలని చిత్ర బృందం గట్టిగానే ప్రయత్నిస్తోంది.
Advertisement
ఇప్పటికే ఈ సినిమా నుంచి విడుదల అయిన టీజర్ మంచి ఎఫెక్ట్ చూపిస్తోంది. తెలంగాణ యాసలో మంచి యాక్షన్ సినిమాగా అనిల్ రావిపూడి “భగవంత్ కేసరి” ని తెరకెక్కిస్తున్నారు. తాజాగా.. ఈ సినిమా షూటింగ్ కు సంబంధించి ఓ ఫోటో లీక్ అయ్యింది. ఈ ఫోటో ట్విట్టర్లో తెగ చక్కర్లు కొడుతోంది. మాస్ లుక్ లో ఉన్న బాలయ్య బులెట్ బండిపై రైడ్ చేస్తుండగా ఈ ఫోటో తీశారు.
Advertisement
ఈ స్టిల్ లో బాలయ్య గెటప్ ఊర మాస్ లో ఉంది. దీనితో ఈ సినిమాపై అంచనాలు మరింతగా పెరుగుతున్నాయి. ఈ సినిమాకు తమన్ సంగీతాన్ని అందిస్తున్నారు. మరో వైపు బాలయ్య కూడా ఈ సినిమాను త్వరగా పూర్తి చేసుకుని, బాబీ దర్శకత్వంలో తదుపరి సినిమాను కూడా ఎన్నికల లోపే పూర్తి చేసుకోవాలని భావిస్తున్నారట. ప్రస్తుతం బులెట్ బండిపై ఉన్న బాలయ్య బాబు ఫోటో తెగ వైరల్ అవుతోంది.
మరికొన్ని ముఖ్యమైన వార్తలు :
స్వాతంత్రం అంటే ఎవరో ఇచ్చే కాదు.. లాక్కునేది.. ఆసక్తి రేపుతున్న స్పై మూవీ ట్రైలర్
విజయ్ దేవరకొండ ‘ఖుషి’ ఓటీటీ ఫార్ట్ నర్ లాక్.. అన్ని కోట్లకు అమెజాన్ సొంతం చేసుకుందా ?
