గ్లోబల్ స్టార్ రామ్ చరణ్ హీరోగా తమిళ స్టార్ దర్శకుడు శంకర్ డైరెక్షన్ లో గేమ్ ఛేంజర్ మూవీ తెరకెక్కుతున్న విషయం తెలిసిందే. ఈ చిత్రం ఓ పొలిటికల్ గవర్నమెంట్ బ్యాక్ డ్రాప్ లో తెరకెక్కుతుంది. రామ్ చరణ్ ఇందులో ఓ రాజకీయనాయకుడిగా, అదేవిధంగా ప్రభుత్వ అధికారిగా రెండు షెడ్స్ ఉన్న క్యారెక్టర్స్ పోషిస్తున్నాడు. గత కొద్ది రోజులుగా ఈ మూవీ షూటింగ్ జరుపుకోవడం లేదన్నది తెలిసిందే. రామ్ చరణ్ తన భార్య ఉపాసనకు పుట్టబోయే పాప కోసం విరామం తీసుకోగా.. అటు శంకర్ ఇండియన్ 2 మూవీతో బిజీ అయ్యాడు.
ఇక చరణ్ అభిమానులు కూడా ఈ గ్యాప్ వల్ల మూవీ అసలు షూటింగ్ జరుగుతుందా..? లేదా అనే సందేహంలో ఉన్నారు. సోషల్ మీడియాలో ఈ మూవీ నిర్మాత దిల్ రాజు, దర్శకుడు శంకర్ పై సినిమా అప్డేట్ కోసం చేసినటువంటి రచ్చ గురించి తెలిసిందే. ఈ మూవీ రీసెంట్ గా మళ్లీ షూటింగ్ జరుపుకోవడం ప్రారంభమైంది. తొలుత ఈ సినిమా షూటింగ్ లో దర్శకుడు హీరో ఇద్దరూ పాల్గొనలేదు. ఈ సినిమా హీరో లేకుండా ఈ సినిమాలో నటిస్తున్న ఇతర పాత్రదారులకు సంబంధించిన సీన్లను ప్రముఖ దర్శకుడు శైలేష్ కొలను శంకర్ సలహాతో తెరకెక్కించాడట. ఆ సీన్ లో జూనియర్ ఆర్టిస్టులు రఘుబాబు, రాకేట్ రాఘవ పై కొన్ని సన్నివేశాలను చిత్రీకరించారట.
తాజాగా గేమ్ ఛేంజర్ సెట్స్ లో శంకర్ అధికారికంగా అడుగుపెట్టాడట. ఈ చిత్రానికి సంబంధించి భారీ ఫైట్ సీన్ ని చిత్రీకరిస్తున్నట్టు శంకర్ తన ట్విట్టర్ పేజ్ లో పేర్కొన్నాడు. ఈ ఫైట్ సీన్ ఈ సినిమాలోని హైలెన్ సీన్లలో ఒకటిగా నిలుస్తుందని తెలిపాడు. అయితే ఈ చిత్ర యూనిట్ నుంచి వచ్చిన సమాచారం ప్రకారం.. ఈ ఫైట్ సీన్ ఓ కారు ఛేజింగ్ సీన్ ఉండబోతుందని పేర్కొంటున్నారు. గేమ్ ఛేంజర్ సినిమా షూటింగ్ ఇప్పటికే దాదాపు 80 శాతం వరకు పూర్తికాగా.. మిగతా షూటింగ్ పూర్తి అవ్వడానికి దాదాపు 90 రోజుల వరకు సమయం పట్టే అవకాశముందని సమాచారం.
మరికొన్ని ముఖ్యమైన వార్తలు :
కూతురి విషయంలో చరణ్ స్ట్రాంగ్ డెసిషన్.. ఉపాసన హర్ట్ అయిందా ?
చిరంజీవి వద్దన్న వినకుండా రామ్ చరణ్ నటించిన సినిమా ఏదో తెలుసా…?
