టాలీవుడ్ లో ఈవారం విడుదలవుతున్న క్రేజీ సినిమాల్లో స్కంద ఒకటి. రామ్ పోతినేని హీరోగా నటిస్తూ.. మాస్ డైరెక్టర్ బోయపాటి శ్రీను దర్శకత్వంలో తెరకెక్కుతున్న ఈ చిత్రంపై అభిమానుల్లో భారీ అంచనాలు నెలకొన్నాయి. అయితే ఈ సినిమా ట్రైలర్స్ సాంగ్స్ చూసిన తర్వాత బోయపాటి పాత సినిమాల స్టైల్ లోనే తెరకెక్కుతోందని తెలిసిపోయింది. అయితే ఈ సినిమా ఫ్రీ రిలీజ్ ఈవెంట్ కూడా జరిగి చాలా రోజులు అయింది. కాబట్టి మూవీ మేకర్స్ తదుపరి ప్రమోషన్ కార్యక్రమాలపై దృష్టి పెట్టడం జరిగింది.
ఇప్పటికే రామ్ పలు హిందీ ఇంటర్వ్యూలలో పాల్గొనగా.. ఇప్పుడు తెలుగు ఇంటర్వ్యూలలో కూడా పాల్గొంటూ తన వంతు ప్రమోషన్లు చేస్తున్నాడు. ఇక ఈ ప్రమోషన్ లో భాగంగా స్కంద గురించి ఇంట్రెస్టింగ్ కామెంట్స్ చేశారు. ముఖ్యంగా స్కంద సబ్జెక్టు చెప్పినప్పుడు డైరెక్టర్ నాకు కథ చెప్పిన దానికన్నా ఆ కథనం నేరేట్ చేసిన విధానం చాలా బాగా నచ్చిందని చెప్పుకొచ్చారు. అందుకే సినిమాను ఓకే చేశానని తెలిపారు. ఇక స్కంద సినిమాలో పాటలన్నీ ఇప్పటికే సూపర్ హిట్ అయ్యాయి. స్కంద సినిమా క్లైమాక్స్ గూస్ బంప్స్ తెప్పించే విధంగా ఉంటుందని తెలిపాడు రామ్.
Advertisement
Advertisement
అయితే స్కంద సినిమాకి బిగ్గెస్ట్ ప్లస్ పాయింట్ క్లైమాక్స్ ఫైట్ అని చెప్పగా.. ఆ క్లైమాక్స్ లో థమన్ అందించిన బ్యాక్ గ్రౌండ్ మ్యూజిక్ మరో ఎత్తు అని చెప్పుకొచ్చాడు. ఆయన అందించిన మ్యూజిక్ వల్ల సినిమా నెక్స్ట్ లెవెల్ లో ఉంటుందని పేర్కొన్నాడు. అయితే థమన్ మ్యూజిక్ విషయంలో నెటిజెన్లకు నమ్మకంగా ఉన్నా.. బోయపాటి డైరెక్షన్ విషయంలోనే కొంచెం డౌట్ వస్తుందని అంటున్నారు నెటిజన్లు. అఖండ మూవీ తరువాత బోయపాటి తెరకెక్కించిన ఈ సినిమా ఎలా ఉందో తెలియాలంటే మాత్రం సెప్టెంబర్ 28 వరకు వేచి చూడాల్సిందే.
మరికొన్ని ముఖ్యమైన వార్తలు :
ప్రొడ్యూసర్ల కొడుకులు అయినా… ఇండస్ట్రీలో ఫెయిల్ అయిన హీరోలు వీళ్ళే..!
