సూపర్ స్టార్ మహేష్ బాబు ప్రస్తుతం గుంటూరు కారం అనే సినిమాలో నటిస్తున్నారు. ఈ సినిమాకు త్రివిక్రమ్ శ్రీనివాస్ దర్శకత్వం వహిస్తున్నాడు. ఇక ఈ చిత్రంలో మహేష్ బాబుకు జోడిగా శ్రీ లీల, పూజా హెగ్డే హీరోయిన్లుగా నటిస్తున్నారు. ఇప్పటికే ఈ సినిమా పోస్టర్ ను చిత్ర యూనిట్ రిలీజ్ చేసింది. ఈ పోస్టర్ కు పాజిటివ్ రెస్పాన్స్ వస్తోంది. ఈ పోస్టర్ లో మహేష్ బాబు మాస్ లుక్ లో కనిపిస్తున్నారు. ఇక సంక్రాంతి కానుకగా వచ్చే ఏడాది ఈ సినిమాను విడుదల చేయబోతున్నట్టు చిత్ర యూనిట్ ఇప్పటికే ప్రకటించింది.
Advertisement
ఇదిలా ఉంటే ఈ సినిమా తర్వాత మహేష్ బాబు రాజమౌళి కాంబినేషన్ లో ఓ సినిమా తెరకెక్కబోతున్న సంగతి తెలిసిందే. ఈ సినిమా స్క్రిప్ట్ ఇప్పటికే పూర్తయింది. రాజమౌళి తండ్రి విజయేంద్ర ప్రసాద్ మహేష్ బాబు కోసం పవర్ ఫుల్ కథను రాసినట్టు ప్రచారం జరుగుతోంది. ఆర్ఆర్ఆర్ సినిమా తర్వాత జక్కన్న డైరెక్షన్ లో వస్తున్న సినిమా కావడంతో ఈ సినిమాపై భారీ అంచనాలు ఉన్నాయి. ఈ చిత్రం పాన్ వరల్డ్ లెవెల్ లో విడుదల కాబోతున్నట్టు కూడా వార్తలు వినిపిస్తున్నాయి.
Advertisement
ఇదిలా ఉంటే తాజాగా ఈ సినిమా నుండి మరో అప్డేట్ వచ్చింది. ఈ సినిమాను రాజమౌళి మహేష్ బాబు పుట్టినరోజు సందర్భంగా ఆగస్టు 9న లాంఛనంగా ప్రారంభిస్తున్నట్టు సమాచారం. అంతేకాకుండా ఈ సినిమాకు సంబంధించి ప్రీ విజువలైజేషన్… ప్రీ ప్రొడక్షన్ పనులు కూడా రాజమౌళి మొదలుపెట్టినట్టు తెలుస్తోంది. ఇక వీటితో పాటు ఈ సినిమా షూటింగ్ 2024లో ప్రారంభిస్తారని టాక్ వినిపిస్తోంది. ఇప్పటికే మహేష్ బాబు టాలీవుడ్ లో స్టార్ హీరోగా కొనసాగుతున్న సంగతి తెలిసిందే. ఈ సినిమా గనక సూపర్ హిట్ అయితే మహేష్ బాబు క్రేజ్ పాన్ ఇండియా లెవల్ లో పెరిగిపోతుంది.
