భారత్‌ మాతా కి జై అనడం లేదని కేంద్ర మంత్రి ఫైర్..!

తాను ప్రసంగం చేస్తున్న సభలోని వారు ”భారత్‌ మాతా కీ జై” అనలేదని కేంద్ర మంత్రి మీనాక్షి లేఖి అసహనాన్ని వ్యక్తం చేశారు.  ప్రస్తుతం ఆమె కేరళలో పర్యటిస్తున్నారు. ఆ సమయంలో ఆమె కోజికోడ్‌ లో జరిగిన యువజన సదస్సులో పాల్గొన్నారు. ఆమె యువతను ఉద్దేశించి ప్రసంగించారు.ప్రసంగం మొత్తం ముగిసిన తరువాత సభలోని వారందరూ కూడా ” భారత్‌ మాతా కీ జై” అన అనాలని తెలిపారు.

కానీ ఆమె అనుకున్నట్లు అక్కడ వారు భారత్ మాతా కీ జై అనే స్లోగన్ ఇవ్వలేదు. దీంతో మంత్రి కొంత అసహనానికి గురయ్యారు. దీంతో దేశం పట్ల గౌరవం లేని వారు ఈ సభలో ఉండాల్సిన అవసరం లేదని ఆమె పేర్కొన్నారు. ఈ క్రమంలో ఓ మహిళను ఆమె భారత్‌ మాతా మీ తల్లి కాదా అని ప్రశ్నించగా..? ఆమె ఏమి సమాధానం చెప్పలేదు. దీంతో ఆమెను సభ నుంచి బయటకు వెళ్లిపోమ్మని గట్టిగా అన్నారు. దేశం గురించి గర్వంగా చెప్పుకోలేని వారు ఈ సభలో ఉండాల్సిన అవసరం లేదని మంత్రి  పేర్కొన్నారు.  కేంద్ర మంత్రి అన్న మాటలు ప్రస్తుతం సోషల్‌ మీడియాలో వైరల్ గా మారాయి.  ఆమెకు కొందరు మద్దతు తెలుపుతుంటే.. మరికొంత మంది మాత్రం ఆమెను వ్యతిరేకిస్తున్నారు.