మహాశివరాత్రి పర్వదినం. శివరాత్రిని మాఘమాసంలోని కృష్ణపక్ష చతుర్దశి రోజున ప్రతి ఏడాది జరుపుతారు. వేద జ్యోతిష్య శాస్త్రం ప్రకారం మహా శివరాత్రి ముందు గ్రహాలు తమ రాశి చక్రాలు మార్చుకున్నప్పుడు అది చాలా ముఖ్యమైనదిగా చెప్పబడుతుంది. అయితే, మహాశివడైన ఆ దేవునిపై తెలుగులో చాలా చిత్రాలే వచ్చాయి. చాలా మట్టుకు మన ఆగ్ర హీరోలు మన దేవుని వేషం వేసి మెప్పించారు. అలా తెలుగు తెరపై శివుడిగా మెప్పించిన హీరోలు ఎవరు ఉన్నారో చూద్దాం.
Advertisement
# ఎన్టీఆర్
ఎన్టీఆర్ అంటే ముఖ్యంగా రాముడు, కృష్ణుడు వేషాలు గుర్తుకొస్తాయి. కానీ ఈయన దక్షయజ్ఞం, ఉమా చండీ గౌరీ శంకరుల కథ సినిమాల్లో శివుడి వేషంలో మెప్పించడం విశేషం.
# ఏఎన్ఆర్
అక్కినేని నాగేశ్వరరావు శివుడిగా పౌరాణిక సినిమా చేయకపోయినా, ఆదుర్తి సుబ్బారావు దర్శకత్వంలో తెరకెక్కిన మూగమనసులు సినిమాలోని గౌరమ్మని మొగుడెవరమ్మ పాటలోని రెండు మూడు సన్నివేశాల్లో శివుడిగా కనిపించి మెప్పించారు.
# శోభన్ బాబు
నటభూషణ శోభన్ బాబు కూడా ఎన్టీఆర్ హీరోగా నటించిన పరమానందయ్య శిష్యుల కథ సినిమాలో శివుడి పాత్రలో నటించి మెప్పించారు.
# కృష్ణంరాజు
వినాయక విజయం సినిమాలో రెబల్ స్టార్ కృష్ణంరాజు పరమశివుని వేషంలో మెప్పించారు. ఈ సినిమా ఎప్పుడు వినాయక చవితి వస్తే, ఈ సినిమాను శాటిలైట్ ఛానల్ లో ప్రదర్శిస్తూ ఉంటారు.
Advertisement
# చిరంజీవి
కె.రాఘవేంద్ర దర్శకత్వంలో తెరకెక్కిన శ్రీ మంజునాథలో చిరంజీవి పరమశివుడిని వేషంలో మెప్పించారు. అంతకుముందు చిరంజీవి ఆపద్బాంధవుడు, పార్వతి పరమేశ్వరులు అనే సినిమాలో శివుడిగా కాసేపు మెరిసారు.
# బాలకృష్ణ
నందమూరి బాలకృష్ణ, జంధ్యాల దర్శకత్వంలో తెరకెక్కిన సీతారామ కళ్యాణం సినిమాలో ఎంత నేర్చిన ఎంత చూసిన అనే పాటలో శివుడిగా కాసేపు కనిపించారు. కానీ పూర్తిస్థాయిలో ఈ మహా శివుడి పాత్రలో నటించకపోవడం విశేషం.
# నాగార్జున
నాగార్జున అక్కినేని కూడా భారవి దర్శకత్వంలో తెరకెక్కిన జగద్గురు ఆదిశంకర చిత్రంలో నాగార్జున శివుని పాత్రలో చండాలుడు పాత్రలో కాసేపు కనిపించారు. ఈయన కూడా పూర్తిస్థాయిలో నటించకపోవడం విశేషం.
# సుమన్
సుమన్ కూడా శ్రీ సత్యనారాయణ మహత్యం సినిమాలో సత్యనారాయణ స్వామితో పాటు శివుడిగా, బ్రహ్మగా నటించారు. త్రిమూర్తులైన పరమాత్మ రూపం ఒకటే అని మన వేదాలు ఘోషిస్తున్నాయి. అందుకే చిత్రంలో త్రిమూర్తులుగా సుమన్ వేషం వేయడం విశేషం.
