రంజీ ట్రోపీ 2024 సీజన్ లో టీమిండియా యువ సంచలనం.. హైదరాబాద్ కెప్టెన్ తిలక్ వర్మ తన అద్భుతమైన ఫామ్ ను కొనసాగిస్తున్నాడు. ప్లేట్ గ్రూప్ లో భాగంగా సిక్కింతో జరిగిన మ్యాచ్ లో తిలక్ వర్మ మెరుపు సెంచరీతో చెలరేగాడు. తొలి ఇన్నింగ్స్ లో 111 బంతులు ఎదుర్కొన్న వర్మ 8 ఫోర్లు.. 4 సిక్స్ లతో 103 పరుగులు చేసి అజేయంగా నిలిచారు. ఈ ఏడాది సీజన్ లో ఇప్పటి వరకు ఆడిన రెండు మ్యాచ్ ల్లోనూ సెంచరీలతో అదురగొట్టాడు తిలక్ వర్మ.
Advertisement
Advertisement
మ్యాచ్ విషయానికి వస్తే.. సిక్కింపై ఇన్నింగ్స్ 198 పరుగుల తేడాతో హైదరాబాద్ ఘన విజయం సాధించింది. టాస్ గెలిచి తొలుత బ్యాటింగ్ చేసిన సిక్కిం.. హైదరాబాద్ బౌలర్ల దాటికి తొలి ఇన్నింగ్స్ లో 79 పరుగులకే కుప్ప కూలింది. హైదరాబాద్ బౌలర్లలో త్యాగరాజన్ 6 వికెట్లతో సిక్కిం పతనాన్ని శాసించగా.. మిలాండ్ 4 వికెట్లతో చెలరేగాడు. అనంతరం హైదరాబాద్ తమ తొలి ఇన్నింగ్స్ ను 463/4 భారీ స్కోరు వద్ద డిక్లేర్ చేసింది. తిలక్ తో పాటు ఓపెనర్ తన్మయ్ అగర్వాల్ (137) కూడా సెంచరీతో సత్తా చాటాడు. అనంతరం 384 పరుగుల వెనుకంజతో రెండో ఇన్నింగ్స్ ను ప్రారంభించిన సిక్కిం 186 పరుగులకు ఆలౌట్ అయింది. దీంతో హైదరాబాద్ ఈ ఏడాది రంజీ సీజన్ లో మూడో విజయాన్ని తమ ఖాతాలో వేసుకుంది.
