రాజ‌మండ్రిలో రామ్ చ‌ర‌ణ్ సినిమా షూటింగ్…!

మెగాప‌వ‌ర్ స్టార్ రామ్ చ‌ర‌ణ్ ప్ర‌స్తుతం ఆర్ఆర్ఆర్ సినిమాలో న‌టించిన సంగ‌తి తెలిసిందే. ఈ సినిమా షూటింగ్ పూర్తికాగా విడుద‌ల‌కు సిద్దంగా ఉంది. ఇదిలా ఉండ‌గానే రామ్ చ‌ర‌ణ్ త‌మిళ స్టార్ డైరెక్ట‌ర్ శంక‌ర్ తో ఓ సినిమా చేసేందుకు గ్రీన్ సిగ్న‌ల్ ఇచ్చిన సంగ‌తి తెలిసిందే. అయితే ఈ సినిమా షూటింగ్ తాజాగా రాజ‌మండ్రిలో ప్రారంభం అయ్యింది. ఈ షెడ్యూల్ లో రామ్ చ‌ర‌ణ్ కియారా అద్వాని మ‌ధ్య కీల‌క స‌న్నివేశాల‌ను తెర‌కెక్కిస్తున్నారు.

ramcharan

పూణే షెడ్యూల్ త‌ర‌వాత రామ్ చ‌ర‌ణ్ కొంత కాలం షూటింగ్ ల‌కు బ్రేక్ తీసుకున్నారు. ఇప్పుడు మ‌ళ్లీ తిరిగి షూటింగ్ లో పాల్గొన్నారు. ఇదిలా ఉండ‌గా ఈ సినిమాకు దిల్ రాజు నిర్మాత‌గా వ్య‌వ‌హ‌రిస్తుండ‌గా సినిమాలో శ్రీకాంత్, న‌వీన్ చంద్ర‌, అంజ‌లి, సునీల్ కీల‌క పాత్ర‌ల్లో న‌టిస్తున్నారు. త‌మ‌న్ ఈ సినిమాకు స్వ‌రాలు స‌మ‌కూరుస్తున్నారు. ఇక ఈ సినిమాను వ‌చ్చే యేడాది సంక్రాంతికి విడుద‌ల చేయనున్నారు.