కోలీవుడ్ సెన్సేషనల్ డైరెక్టర్ లోకేష్ కనకరాజు గురించి ప్రత్యేకంగా చెప్పాల్సిన అవసరమే లేదు. సినిమాటిక్ యూనివర్స్ లాంటి హాలీవుడ్ స్టైల్ ని సౌత్ కి పరిచయం చేసి ఖైదీ, విక్రమ్ లాంటి బ్లాక్ బస్టర్స్ అందుకున్నాడు. ప్రస్తుతం లోకేష్ డైరెక్షన్ లో విజయ్ హీరోగా నటించిన లియో సినిమా రిలీజ్ కి సిద్ధంగా ఉంది. అక్టోబర్ 20న రిలీజ్ కానున్న ఈ సినిమా ప్రమోషన్స్ స్టార్ట్ చేసింది సినిమా యూనిట్.
ఇటీవల ఓ ఇంటర్వ్యూలో పాల్గొన్న లోకేష్ తన సినిమాటిక్ యూనివర్స్ లైనప్ గురించి ఆసక్తికర అంశాన్ని వెల్లడించాడు. లోకేష్ సినిమాటిక్ యూనివర్స్ లో పది సినిమాలు ఉంటాయని, ఈ లైనప్ లో లాస్ట్ సినిమా ప్రభాస్ తో ఉంటుందని, అదే తన ఆఖరి సినిమా అని చెప్పాడు లోకేష్. ప్రస్తుతం ఇద్దరు వరుస సినిమాలతో ఫుల్ బిజీగా ఉన్న నేపథ్యంలో ఈ కాంబినేషన్ సెట్స్ మీదకి వెళ్లాలంటే చాలా సమయం పట్టే అవకాశం ఉంది.
Advertisement
Advertisement
ప్రస్తుతం ప్రభాస్ ప్రశాంత్ నీల్ డైరెక్షన్ లో నటించిన సలార్ సినిమా డిసెంబర్ 22న రిలీజ్ కి రెడీ అవుతుండగా, నాగ్ అశ్విన్ డైరెక్షన్ లో కల్కి 2898AD, మారుతి డైరెక్షన్ లో మరో సినిమా షూటింగ్ దశలో ఉన్నాయి. కల్కీ మూవీ కంప్లీట్ అయిన తరువాత.. మారుతితో చిత్రం తెరకెక్కుతుంది. ఇవి పూర్తి అయ్యాక లోకేష్ కనగరాజుతో సినిమా ఉండేటట్టు కనిపిస్తోంది. మరీ లోకేష్, ప్రభాస్ కాంబినేషన్లో సినిమా ఎప్పుడు స్టార్ట్ అవుతుందో ఎప్పుడు రిలీజ్ అవుతుందో చూడాలి.
