నాగార్జున నాగచైతన్య హీరోలుగా నటించిన రీసెంట్ సూపర్ హిట్ సినిమా బంగార్రాజు. ఈ సినిమాకు కళ్యాణ్ కృష్ణ దర్శకత్వం వహించారు. సోగ్గాడే చిన్నినాయన సినిమాకు సీక్వెల్ గా ఈ సినిమాను తెరకెక్కించారు. ఈ సినిమాలో నాగార్జునకు జోడీగా రమ్యకృష్ణ నటించగా….చైతూకు జోడీగా హీరోయిన్ గా కృతి శెట్టి నటించింది. ఇక ఈ చిత్రానికి అనూప్ రూబెన్స్ స్వరాలు సమకూర్చిన సంగతి తెలిసిందే. సినిమాలోని పాటలకు కూడా మంచి రెస్పాన్స్ వస్తోంది.
Advertisement
Banggaraju
అయితే తాజాగా ఈ సినిమా నుండి “నువ్వు సిగ్గు పడితే” అనే పాటను చిత్ర యూనిట్ విడుదల చేసింది. థియేటర్లలో శ్రోతలను ఆకట్టుకున్న ఈ పాట ఇప్పుడు యూట్యూబ్ లో కూడా విడుదల అయ్యింది. మరి యూట్యూబ్ ను ఈ పాట ఏ విధంగా షేక్ చేస్తుందో చూడాలి. ఇదిలా ఉంటే ఈ సినిమాను నాగార్జున అన్నపూర్ణ స్టూడియోస్ బ్యానర్ మరియు జీ స్టూడియోస్ బ్యానర్ పై నిర్మించారు. ఈ సినిమా థియేటర్ లో కాసుల వర్షం కురిపిస్తుంది. ఈ నేపథ్యంలో ప్రమోషన్ లో భాగంగా చిత్రం నుండి ఒక్కో పాటను విడుదల చేస్తున్నారు. ఇప్పటికే సినిమాలోని పలు సాంగ్స్ విడుదల చేసిన చిత్ర బృందం తాజాగా నువ్వు సిగ్గు పడితే పాటను కూడా విడుదల చేసింది.
Advertisement
