ఎన్టీఆర్ మొదటి సినిమా ‘మనదేశం’ పారితోషికం ఎంతో తెలిస్తే ఆశ్చర్యపోవాల్సిందే..!

తెలుగు సినీ పరిశ్రమలో సీనియర్ ఎన్టీఆర్ గురించి ప్రత్యేకంగా చెప్పాల్సిన అవసరమే లేదు. విశ్వవిఖ్యాత నట సార్వభౌముడు, తెలుగు ప్రజల ఆత్మాభిమానాన్ని విశ్వవ్యాప్తం చేసిన మహా నాయకుడు కూడా. నటుడిగా, రాజకీయ నేతగా ఉన్నత శిఖరాలను అధిరోహించిన మహోన్నత వ్యక్తిత్వం ఎన్టీఆర్ సొంతం. ఎన్టీఆర్ సినీ ఎంట్రీ తెలుగు సినిమా చరిత్ర మారిపోయింది. ఆయన పొలిటికల్ ఎంట్రీ తెలుగు నేల గతిని మార్చింది. సినిమా రంగంలో ఆయన చేయని పాత్ర అంటూ లేదు. సమాజ హితం కోసం తన ఇమేజ్ ని పక్కకు పెట్టి.. పాత్రల్లో పరకాయ ప్రవేశం చేసి మెప్పించారు. ఎన్టీఆర్ నటించి తొలిచిత్రం మనదేశం. 1949, నవంబర్ 24న విడుదలైంది. 

ఎల్వీప్రసాద్ దర్శకత్వం వహించిన ఈ సినిమాలో ఎన్టీఆర్ పోలీస్ పాత్ర పోషించారు. ‘విప్రదాస్’ అనే బెంగాలీ నవల ఆధారంగా ఈ చిత్రాన్ని నిర్మించారు. ప్రసిద్ధ నటులు చిత్తూరు నాగయ్య, కృష్ణవేణి, రేలంగి తదితరులు ఇందులో నటించారు. తెలుగువారి ఆరాధ్య దైవంగా మారిన ఎన్టీఆర్ నటించిన ఈ చిత్రం స్వాతంత్య్రం రాక ముందు ప్రారంభమైనా.. స్వాతంత్య్రం వచ్చిన తరువాత విడులైంది.ఇంకో విషయం ఏమిటంటే సంగీత దర్శకుడిగా ఘంటసాల వెంకటేశ్వరరావుకు కూడా ఇదే తొలి చిత్రం కావడం గమనార్హం. ఈ చిత్రం తరువాత బెంగాళి నవలల ఆధారంగా తెలుగు చిత్రాలు రూపుదిద్దుకున్నాయి. దేవదాస్, ఆరాధన వంటి  సినిమాలు కూడా ఇదే పరంపరలోనే వచ్చాయి.

ఎన్టీఆర్ తన తొలి చిత్రం మనదేశంకు అందుకున్న పారితోషికం ఎంతంటే..? అక్షరాలా రూ.250లు. ఎన్టీఆర్ శత జయంతి వేడుకల్లో భాగంగా రూపొందించిన ఎన్టీఆర్ సావనీర్ లో ఈ విషయాన్ని ఆయనే స్వయంగా వెల్లడించారు.  ఒక చిత్రానికి పదులకోట్ల రూపాయల్లో పారితాషికోన్ని నేటి హీరోలు తీసుకుంటున్నారు. అలాంటిది రూ.250ల పారితోషికంతో సినీ కెరీర్ ను ప్రారంభించిన ఎన్టీఆర్ వెండితెరను మకుటం లేని మహరాజుగా ఏలారు. ముఖ్యంగా పౌరాణిక, జానపద చిత్రాల గతిని మార్చగలిగారు. తెలుగు ప్రజల ఆరాధ్య దైవంగా మారారు.  

మరికొన్ని ముఖ్యమైన వార్తలు : 

హ‌రికృష్ణ రెండేళ్ల‌పాటూ ఎన్టీఆర్ తో ఎందుకు మాట్లాడ‌లేదు…? దానికి కార‌ణం ఎవ‌రు…?

సితార కెరీర్ పై మహేష్, నమ్రత… పెద్ద ప్లాన్ ఏ వేసారు.. పక్కా సితార పెద్ద హీరోయిన్ అవుతుంది..!