మెగాస్టార్ చిరంజీవి ప్రస్తుతం వరుస సినిమాలను చేస్తున్నారు. ఇటీవలే గాడ్ ఫాదర్, వాల్తేరు వీరయ్య వంటి హిట్ తరువాత భోళాశంకర్ చేస్తున్న విషయం తెలిసిందే. ఈ చిత్రానికి మెహర్ రమేష్ దర్శకత్వం వహిస్తున్నాడు. ఏకే ఎంటర్ టైన్మెంట్స్ బ్యానర్ పై అనిల్ సుంకర భారీ బడ్జెట్ తో నిర్మిస్తున్నారు. ఈ సినిమాలో తమన్నా హీరోయిన్ గా నటిస్తోంది. కీర్తి సురేష్ చిరంజీవి చెల్లెలుగా నటిస్తోంది. మహతి స్వరసాగర్ సంగీతమందిస్తున్నారు. ఆగస్టు 11, 2023న గ్రాండ్ గా విడుదల కాబోతుంది.
Also Read : శాకుంతలం సినిమాలో నటించిన హీరో… సమంత కంటే వయసులో ఇంత చిన్నవాడా?
Advertisement
ఇదిలా ఉండగా.. మెగాస్టార్ మరో సినిమాను కూడా లైన్ లో పెట్టారని గత కొద్ది రోజులుగా వార్తలు వినిపిస్తున్నాయి. యంగ్ డైరెక్టర్ మల్లిడి వశిష్ట దర్శకత్వంలో చిరంజీవి తన తరువాత సినిమాను చేయనున్నారని రూమర్స్ వినిపిస్తున్నాయి. ఈ దర్శకుడు బింబిసార వంటి బ్లాక్ బస్టర్ సినిమాను తెరకెక్కించాడు. గత ఏడాది బింబిసార చిత్రంతో నందమూరి కళ్యాణ్ రామ్ తన కెరీర్ లో బిగ్గెస్ట్ హిట్ అందుకున్నాడు. అలాంటి సూపర్ హిట్ సినిమా తరువాత ఈ దర్శకుడికి బిగ్ ప్రొడక్షన్ హౌస్ లలో భారీ ఆఫర్స్ వస్తున్నాయి. ఈయన తరువాత సినిమాను మాత్రం ఇంకా ప్రకటించలేదు.
Advertisement
ఇదిలా ఉంటే.. గత రెండు రోజులుగా మల్లిడి వశిష్ట తన తరువాత చిత్రాన్ని చిరంజీవితో చేయబోతున్నాడు అంటూ సోషల్ మీడియాలో వార్తలు వైరల్ అవుతున్నాయి. ఈ వార్తలు వాస్తవమో కాదో తెలియదు. కానీ ఈ దర్శకుడితో సినిమా వద్దంటూ వద్దు అంటున్నారు రాంచరణ్ అభిమానులు. రాంచరణ్ ని ట్రోల్ చేసిన ఓ ట్వీట్ ని ఈ దర్శకుడు లైక్ చేసినట్టు అభిమానులు కనుగొన్నారు. దీంతో ఫ్యాన్స్ ఈయన ప్రొఫైల్స్ ను లాక్ చేయడమే కాకుండా ఈయనతో సినిమాకు ఓకే చేయవద్దని చిరును కోరుతున్నారు. దీనిపై ఈ దర్శకుడు ఎలాంటి వివరణ ఇస్తారో వేచి చూడాలి.
Also Read : “బలగం” షూటింగ్ కోసం ఇల్లు ఇస్తే.. వేణు థాంక్స్ కూడా చెప్పలేదంటున్న ఇంటి ఓనర్!
