అల్లు అర్జున్ హుక్ స్టెప్ ను రీక్రియేట్ చేసిన చిన్నారి వీడియో వైర‌ల్

ఐకాన్ స్టార్ అల్లుఅర్జున్, ర‌ష్మిక మంద‌న్న హీరో, హీరోయిన్లుగా న‌టించిన పుష్ప ది రైజ్ సినిమా బాక్సాఫీస్ వ‌ద్ద సంచ‌ల‌న విజ‌యం సాధించింది. ఈ సినిమాలోని డైలాగ్స్, సాంగ్స్ సామాన్యుల నుంచి సెల‌బ్రిటీలతో స‌హా అంద‌రినీ ఆక‌ట్టుకున్నాయి. తెలుగు వారు మాత్ర‌మే కాదు. దేశ విదేశాల్లోని యూత్ సాంగ్స్‌ను అనుక‌రిస్తూ.. వీడియోలు షేర్ చేస్తున్నారు. చిన్న‌, పెద్ద ఆడ‌, మ‌గ అనే తేడా లేకుండా ఈ సినిమాలోని స‌న్నివేశాల‌ను ఇమిటేట్ చేస్తూ.. ఆ వీడియోల‌ను సోష‌ల్ మీడియాలో షేర్ చేస్తున్నారు.

దీంతో ఈ సినిమాపై ఉన్న క్రైజ్ ఇప్ప‌ట్లో త‌గ్గే అవ‌కాశం లేదంటూ స‌ర‌దాగా కామెంట్ చేస్తున్నారు. ప్ర‌స్తుతం శ్రీ‌వ‌ల్లి ఛాలెంజ్ నెట్టింట్లో హ‌ల్‌చ‌ల్ చేస్తున్న‌ది. ఈ ఛాలెంజ్ చిన్నారుల నుంచి పెద్దల వ‌ర‌కు అంర‌దూ పాల్గొంటారు. ఇప్పుడు శ్రీ‌వ‌ల్లి పాట‌కు అల్లుఅర్జున్ స్టెప్పుల‌ను అనుక‌రిస్తున్న ఓ చిన్నారి వీడియో వైర‌ల్‌గా మారిన‌ది.

ప్ర‌స్తుతం సోష‌ల్ మీడియాలో వైర‌ల్ అవుతున్న ఈ వీడియోలో ఆ చిన్నారి అల్లుఅర్జున్ హుస్టెప్‌ను రీ క్రియేట్ చేస్తున్న‌ది. ఆచిన్నారి అల్లుఅర్జున్ లా సేమ్ గీతల ష‌ర్ట్ అదే రంగు ప్యాంట్‌ను ధ‌రించి ఎల్‌సీడీ టెలివిజ‌న్‌లో ప్లే అవుతున్న శ్రీ‌వ‌ల్లి పాట‌ను అల్లు అర్జున్‌ను అనుక‌రిస్తూ.. డ్యాన్స్ చేసింది. ఆ చిన్నారి డ్యాన్స్ ఫీలింగ్స్ నెటిజ‌న్ల‌ను విప‌రీతంగా ఆక‌ట్టుకుంటున్నాయి.

Also Read :  వెల్లుల్లిని దిండు కింద పెట్టుకుని పడుకుంటే ఏం జరుగుతుందో తెలుసా…!