కేటీఆర్ న్యూ లుక్.. అర్జున్ రెడ్డి స్టైల్ లో..!

తండ్రి కేసీఆర్ కు తగ్గ తనయుడిగా తెలంగాణ రాష్ట్ర రాజకీయాల్లో తనదైన ముద్ర వేశారు కేటీఆర్. అనర్గళమైన స్పీచ్ లతో తనకు తానే సాటిగా నిలిచారు కేటీఆర్. హైదరాబాద్ కు ఐటీ కంపెనీలను ఆహ్వానించి యువతకు పెద్ద ఎత్తున ఉపాధి కల్పించేలా కృషి చేశారు. ఇదిలా ఉంటే కేటీఆర్ కు సంబంధించిన ఫొటో ఒకటి సోషల్ మీడియాలో వైరల్ గా మారింది. సినిమా హీరో లెవెల్ లో ఉన్న ఈ ఫొటో ఇప్పుడు ఆకట్టుకుంటోంది.

తెలంగాణ మాజీ ఐటీ మినిస్టర్ కల్లకుంట్ల తారక రామా రావు కొత్త లుక్ లో అదరగొడుతున్నారు. ఎప్పుడూ కూడా చాలా సింపుల్ లుక్ లో దర్శనమిచ్చే కేటీఆర్ ఇది వరకు ఎప్పుడూ కూడా చూడని లుక్ లో కనిపించారు. ఈ కొత్త లుక్ కు సంబంధించిన ఫొటోను స్వయంగా కేటీఆర్ తన వ్యక్తిగత ఖాతా ఎక్స్ (ట్విట్టర్) లో నెటిజన్స్ తో పంచుకున్నారు. అయితే ఆ పిక్ ఒరిజినల్ అనుకుంటే మాత్రం పొరపాటే. అది కేటీఆర్ వీరాభిమాని ఎడిట్ చేసిన పిక్. కానీ ఆ పిక్ చూస్తుంటే మాత్రం స్టార్ హీరోలకు మించి ఉండడంతో కేటీఆర్ అభిమానులు, పార్టీ శ్రేణులు గ్రేట్ లుకింగ్, లుకింగ్ లైక్ అర్జున్ రెడ్డి అంటూ కామెంట్ చేస్తున్నారు.

కేటీఆర్‌ హెయిర్ స్టయిల్‌ ఎప్పుడూ సింపుల్‌గా ఉంటుంది. కానీ ఇప్పుడు ఆయన కొత్త స్టయిల్‌లో దర్శనమిచ్చారు. జుట్టు, గడ్డం పెంచుకుని కొత్త లుక్‌లో స్టార్ హీరోలా కనిపిస్తున్నారు. బీఆర్‌ఎస్‌ పార్టీకి చెందిన ఓ వీరాభిమాని కేటీఆర్‌ ఫొటోను పొడవాటి జుట్టు, గడ్డంతో ఎడిట్‌ చేసి ఆయనకే పంపించాడట. ఆ ఫొటో బాగా నచ్చడంతో.. ‘బీఆర్‌ఎస్‌ పార్టీని అమితంగా ఆరాదించే ఓ వీరాభిమాని ఎడిట్‌ చేసి పంపిన నా ఫొటోను ట్వీట్‌ చేస్తున్నా’ అనే క్యాప్షన్‌ ఇస్తూ కేటీఆర్‌ ఆ ఫొటోను పోస్ట్ చేశారు.