బుల్లితెర ప్రేక్షకులను అలరిస్తున్న అతి పెద్ద సెలబ్రిటీ రియాలిటీ షో బిగ్ బాస్ సక్సెస్ ఫుల్ గా 9 వారాలను పూర్తి చేసుకుంది. పదో వారంలోకి అడుగు పెట్టింది. ఇక బిగ్ బాస్ లో సోమవారం అంటేనే నామినేషన్ హీట్ కచ్చితంగా ఉంటుంది. అలా పదో వారం నామినేషన్స్ కూడా హోరా హోరీగా సాగాయి. హౌజ్ లోని కంటెస్టెంట్స్ ఒకరికినొకరు నామినేట్ చేసుకుంటూ.. రచ్చ రచ్చ చేశారు. పదో వారం నామినేషన్స్ ప్రక్రియ విషయానికి వస్తే.. రాజమాత ప్రజా అనే కాన్సెప్టును తీసుకొచ్చాడు బిగ్ బాస్. ఇందులో ప్రియంక, శోభ, అశ్విని, రతికలు రాజమాతలుగా వ్యవహరిస్తున్నారు. మగ కంటెస్టెంట్లు మగవాళ్ళనే నామినేట్ చేయాలి. ఇందుకు తగిన కారణాలు చెప్పి రాజమాతలను ఒప్పించాల్సి ఉంటుంది.
Advertisement
అలా పదో వారం నామినేషన్స్ లోనూ కంటెస్టెంట్లు ఒకరిపై ఒకరు విరుచుకుపడ్డారు. భోలేషావలి ప్రియాంక జైన్ ల మధ్య మాటల తూటలు పేలాయి. ఈసారి ప్రియాంకకు తోడుగా అమర్ దీప్ చౌదరి, శోభ శెట్టిలు కూడా భోలేతో గొడవలు పెట్టుకున్నారని తెలుస్తోంది. ఇక రాజమాతల మధ్య కూడా వాదనలు జరిగినట్లు తెలుస్తోంది. ప్రతి వారం రెండు రోజుల పాటు సాగే నామినేషన్స్ ప్రక్రియలో సోమవారం కంటెస్టెంట్స్ నామినేట్ అయినట్టు తెలుస్తోంది. ఇందులో రతికా రోజ్, ప్రిన్స్ యావర్, శివాజీ, భోలే షావలి, గౌతమ్ కృష్ణ లు ఉన్నట్లు తెలుస్తోంది. మరికొందరు ఈ లిస్టులోకి రానున్నట్లు తెలుస్తోంది. ప్రస్తుతం ఉన్న సమాచారం ప్రకారం.. అమర్ దీప్ చౌదరి, అంబటి అర్జున్, పల్లవి ప్రశాంత్ కూడా నామినేషన్స్ లోకి వస్తున్నట్లు తెలుస్తోంది.
Advertisement
కాగా బిగ్ బాస్ ఏడో సీజన్ లోకి మొదట 14 మంది సెలబ్రిటీలు కంటెస్టెంట్లుగా వచ్చారు. ఆ తర్వాత ఐదో వారంలో మరో ఐదుగురు కంటెస్టెంట్లుగా హౌజ్ లోకి అడుగుపెట్టారు. ఇక ఎలిమినేషన్స్ విషయానికి వస్తే.. మొదటి వారం కిరణ్ రాథోడ్, రెండో వారంలో షకీలా, మూడో వారం సింగర్ దామిని భట్ల, నాలుగో వారం రతికా రోజ్, ఐదో వారంలో శుభ శ్రీ రాయగురు, ఆరో వారంలో నయని పావని, ఏడో వారంలో పూజా మూర్తి ఎలిమినేట్ అయ్యారు. ఇక ఎనిమిదో వారంలో సందీప్ మాస్టర్ హౌజ్ నుంచి బయటకు వెళ్లిపోయాడు. తద్వారా ఈ సీజన్ లో ఎలిమినేట్ అయిన మొదటి మేల్ కంటెస్టెంట్ గా నిలిచాడు. ఇక తొమ్మిదో వారంలో టేస్టీ తేజా హౌజ్ నుంచి బయటకు వెళ్లిపోయాడు. మరి ఈ వారం కూడా మగ కంటెస్టెంటే ఎలిమినేట్ అవుతాడా ? లేదా ? అన్నది ఆసక్తికరంగా మారింది.
మరిన్ని తెలుగు సినిమా వార్తల కోసం ఇవి చూడండి! తెలుగు న్యూస్ కోసం వీటిని చూడండి!
