ఉదయం వేళలో వెనక్కి నడవడం వల్ల కలిగే ప్రయోజనాల గురించి మీకు తెలుసా ?

సాధారణంగా అన్ని వయస్సుల వారు సులభంగా చేసే వ్యాయామం ఏదైనా ఉందంటే అది నడక అని చెప్పవచ్చు. ముఖ్యంగా వాకింగ్ చేయడం కోసం ఎలాంటి ఖర్చు చేయాల్సిన అవసరం లేదు. హైదరాబాద్ మహానగరంలో కొంత మంది ప్రత్యేకంగా సమయం కేటాయించుకొని వాకింగ్ చేస్తుంటారు. కొందరూ సీనియర్ సిటీజన్లు ఉదయం, సాయంత్రం పార్కుల్లోనే ఎక్కువ సేపు గడుపుతుంటారు. ప్రతి రోజు నడవడం వల్ల పలు ఆరోగ్య ప్రయోజనాలు ఉంటాయి. ప్రతీ ఒక్కరూ చెప్పే విషయమే. అందరూ ముందుకు నడుస్తుంటారు. కానీ అలా కాకుండా వెనక్కి నడవడం గురించి మీరు ఎప్పుడైనా ఆలోచించారా ? అసలు వెనక్కి నడవడం వల్ల కలిగే ప్రయోజనాలు ఏంటో ఇప్పుడు మనం తెలుసుకుందాం. 

సాధారణంగా వెనక్కి నడవడం వల్ల అనేక ఆరోగ్య ప్రయోజనాలున్నాయి. శారీరకంగా, మానసికంగా కూడా ప్రయోజనం చేకూరుతుంది. వెనక్కి నడవడం వల్ల విభిన్న కండరాలకు వ్యాయామం చేసినట్టు అవుతుంది. మనస్సును కేంద్రీకరించడానికి వెనక్కి నడవడం అనేది పని చేస్తుంది. ముందుకు నడవడం అనేది మనం ఎలాంటి స్పృహతో ఆలోచించకుండా ప్రతీరోజూ చేసే పని. వెనక్కీ నడవడం వల్ల శారీరక దృఢత్వంలో మెరుగుదల, పెరుగుదలను ప్రోత్సహిస్తుంది .ముందు వైపు రన్నింగ్ తో పోల్చితే వెనుకవైపు పరుగు ముందు మోకాలి నొప్పిని తగ్గిస్తుంది. ఉదయం వేళలో వెనకకు నడవడం వల్ల చాలా మేలు కలుగుతుంది. 

వెనక్కి నడవడం వల్ల కలిగే ప్రయోజనాలు :

• శరీరం సమన్వయం కదలిక పెరుగుతుంది. 
• వ్యాయామం పట్ల అసలు విసుగు రాదు 
• మానసిక స్థితిని మెరుగు పరుస్తుంది 
• చక్కని నిద్ర పడుతుంది.
• ఆలోచన నైపుణ్యాలకు పదును పెడుతుంది
• తక్కువగా ఉపయోగించే కండరాలలో బలాన్ని పెంచుతుంది.
• మోకాలి గాయాలను పునరుద్ధరించడంలో సహాయపడుతుంది.
• నడక సాంకేతిక రూపాన్ని మెరుగుపరుస్తుంది.
• సమతుల్యతతో సహాయపడుతుంది.
• కేలరీలను బర్న్ చేస్తుంది.
• ఆరోగ్యకరమైన బరువును నిర్వహించవచ్చు.
• జీవక్రియను బలోపేతం చేస్తుంది.