ప్రముఖ వ్యాపారవేత్త, రిలయన్స్ ఇండస్ట్రీస్ అధినేత ఇంట్లో పెళ్లి అంటే మామూలు విషయం కాదు. ఓ రేంజ్ లో ఉంటుందని చెప్పడానికి జామ్ నగర్ లో జరుగుతున్న ప్రీ వెడ్డింగ్ ను ఉదాహరణగా చెప్పవచ్చు. పెళ్లికి ముందు ఏర్పాటు చేసిన ప్రీ వెడ్డింగ్ ఈవెంట్ కు భారతదేశంలోని ప్రముఖులే కాకుండా ప్రపంచం నలుమూలల నుంచి అతిథులు జామ్ నగర్ చేరుకున్నారు. శుక్రవారం నుంచి చాలా వైభవంగా ప్రారంభమైన ఈ ఈవెంట్ లో పలువురు తారలు, అంబానీ కుటుంబ సభ్యులు సందడి చేశారు. అయితే అనంత్-రాధిక పెళ్లి తేదీని జూలై 12న ఫిక్స్ చేశారు. జ్యోతిష్యం ప్రకారం హస్తా నక్షత్రంలో అనంత్-రాధిక వివాహం జరగనుంది. వివాహం వంటి శుభ కార్యాలకు ఈ నక్షత్రం చాలా శుభప్రదమని జ్యోతిష్య పండితులు చెబుతున్నారు. అయితే .. ఈ నక్షత్రం ప్రాముఖ్యత ఏంటో ఇప్పుడు తెలసుకుందాం.
Advertisement
Advertisement
చంద్రుడు హస్తా నక్షత్రానికి అధిపతి. ఈ నక్షత్రం సృజనాత్మకత, హస్తకళ నక్షత్రమని పండితులు చెబుతున్నారు. ఈ నక్షత్రంలో వివాహం చేసుకుంటే దాంపత్య జీవితంలో ఎప్పుడూ సుఖ సంతోషాలు ఉంటాయని చెబుతారు. అలాగే జీవితంలో ఆనందానికి, శ్రేయస్సుకు ఎప్పుడూ లోటు ఉండదు. ఈ నక్షత్రం వివాహానికి మాత్రమే కాకుండా ఇతర శుభ కార్యాలకు కూడా శుభప్రదంగా ఉంటుందని పండితులు పేర్కొంటున్నారు. హస్తా నక్షత్రంలో జన్మించిన వ్యక్తులు పదునైన మనస్సు కలిగి ఉంటారు. తన పనిని సమయానికి పూర్తి చేస్తారు. వారు శక్తివంతులు. వారు ఎల్లప్పుడూ తమకు నచ్చిన పనిని చేయడానికి ఇష్టపడతారు.
- చంద్రుడు హస్తా నక్షత్రానికి అధిపతి.
- హస్తా నక్షత్రం గుర్తు తెరిచిన పిడికిలి లేదా చేతితో ఆశీర్వాదం ఇస్తుంది.
- హస్తా నక్షత్ర రాశి.. కన్యరాశి .
- హస్త నక్షత్రం అదృష్ట రాతి ముత్యం. హస్తా నక్షత్రానికి అధిదేవత ఆదిదేవుడు.
- హస్తా నక్షత్ర రాశి లేదా నవాంశ మేషం, వృషభం, మిధునం, కర్కాటకం.
- హస్తా నక్షత్రం శుభ రంగులు ఆకుపచ్చ, తెలుపు.
- హస్తా నక్షత్రం అదృష్ట సంఖ్యలు 9, 5.
- హస్తా నక్షత్రం అదృష్ట అక్షరాలు P, S, N, D.
- హస్తా నక్షత్రానికి గణ దేవుడు.
Also Read : వరలక్ష్మీ నిశ్చితార్థం అయింది.. వరుడు ఎవరో తెలుసా ?
