కోలీవుడ్ సూపర్ స్టార్ రజినీకాంత్ తాజాగా నటించిన మూవీ జైలర్. ఈ చిత్రం ఆగస్టు 10వ తేదీ ప్రేక్షకుల ముందుకు రాబోతుంది. అయితే ప్రమోషన్ కార్యక్రమాలను భారీగానే నిర్వహించారు. నెల్సన్ దిలీప్ కుమార్ దర్శకత్వంలో ప్రేక్షకుల ముందుకు రాబోతున్నటువంటి ఈ మూవీపై భారీ అంచనాలు ఏర్పడ్డాయి. ఈ చిత్రం పాన్ ఇండియా స్థాయిలో ప్రేక్షకుల ముందుకు రావడానికి సిద్ధంగా ఉంది. ఈ మూవీ ఆగస్టు 10 న విడుదలవుతున్న నేపథ్యంలో చెన్నై, బెంగళూరు నగరాల్లో పలు కంపెనీలు తమ కార్యాలయాలకు సెలవులను ప్రకటించాయి.
Advertisement
ఈ సినిమా విడుదలైన మొదటి రోజే మూవీ చూసేవిధంగా తమ కంపెనీలకు సెలవు ప్రకటించడం గమనార్హం. మరికొన్ని కంపెనీలు అయితే ఏకంగా తమ ఉద్యోగులకు టికెట్లను కూడా అందజేస్తూ మూవీ చూసేందుకు ప్రోత్సహిస్తున్నట్టు సమాచారం. గురువారం ప్రపంచ వ్యాప్తంగా విడుదల కానున్న ఈ చిత్రం కోసం సూపర్ స్టార్ రజినీకాంత్ అభిమానులు ఎంతో ఆతృతగా ఎదురుచూస్తున్నారు. ఇక ఇప్పటికే అడ్వాన్స్ బుకింగ్స్ కూడా ప్రారంభం కావడంతో టికెట్స్ హాట్ కేకుల్లా అమ్ముడుపోతున్నాయి. దీంతో ఈ మూవీపై అంచనాలు భారీగా పెరిగిపోతున్నాయి.
Advertisement
ఈ చిత్రంలో రజినీకాంత్, రమ్యకృష్ణ జంటగా కనిపించబోతున్నారని అయితే ఈ మూవీలో రజినీకాంత్ ప్రేమకథచిత్రంలో కాకుండా తన వయస్సుకి తగిన పాత్రలో నటిస్తున్నట్టు సమాచారం. ఈ చిత్రంలో తమన్నా కూడా కొన్ని కీలక సన్నివేశాల్లో సందడి చేయబోతున్నారు. తమన్నా నటించిన కావాలయ్యా అనే పాట ఎలాంటి సంచలనాలను సృష్టిస్తుందో తెలిసిందే. ప్రస్తుతం సోషల్ మీడియాలో ఈ పాట ట్రెండింగ్ లో ఉండటమే కాకుండా చాలా మంది ఈ పాటకు రీల్స్ చేస్తూ సందడి చేస్తున్నారు. ఆగస్టు 10నవిడుదల కానున్న ఈ మూవీ ఎలాంటి సక్సెస్ సాధిస్తుందో చూడాలి.
మరికొన్ని ముఖ్యమైన వార్తలు :
బాలకృష్ణ డేట్స్ కోసం ఆ స్టార్ డైరెక్టర్ ఎదురుచూస్తున్నాడా ?
వరుణ్ తేజ్ ‘గాండీవధారి అర్జున’ మూవీ నుంచి సర్ ప్రైజ్ అప్డేట్..!
