ప్రస్తుతం కార్లు కొనేందుకు జనాలు ఎక్కువ ఇంట్రెస్ట్ చూపిస్తున్నారు. రాబోయే రోజుల్లో మనదేశంలో కూడా ఇంటింటికి కారు ఉండే విధంగా పరిస్థితులు కనిపిస్తున్నాయి. కార్లు పెరిగితే విలాసవంతమైన జీవితం అలవాటు పడుతుంది కానీ ఆ కార్ల వల్ల వచ్చే ప్రమాదం కూడా ఉంది. ఎన్ని కార్లు పెరిగితే అంత పొల్యూషన్ కూడా పెరుగుతుంది. అయితే పొల్యూషన్ పెరగకుండా ఉండేలా ఇప్పుడు మార్కెట్ లోకి ఎలక్ట్రిక్ బైకులు, కార్లు కూడా వస్తున్నాయి. ఈ నేపథ్యంలోనే టోయాటో కూడా సీ +పాడ్ పేరుతో ఎలక్ట్రిక్ కారును మార్కెట్ లోకి లాంచ్ చేసింది.
Toyoto c+pad car
అయితే ఇప్పటికే చాలా కంపెనీలు మార్కెట్ లోకి ఎలక్ట్రిక్ కార్లను లాంచ్ చేశాయి అందులో వింత ఏముంది అనుకోవచ్చు కానీ ఈ ఎలక్ట్రిక్ కారు మిగతా కార్ల కంటే చాలా స్పెషల్. ఎందుకంటే టాటా లాంచ్ చేసిన నానో కార్ కంటే ఈ కార్ చిన్నగా ఉంది. అంతే కాకుండా నానో కార్ లో నాలుగు సీట్లు ఉంటే ఈ కార్ లో రెండు సీట్ కు మాత్రమే ఉన్నాయి.
Advertisement
Advertisement
ఇక నానో కార్ పెట్రోల్ కార్ కాగా ఈ కార్ ఎలక్ట్రికల్ కార్ కావడం విశేషం. ఇక ఈ కారులో ఉండే ప్రత్యేకతల విషయాన్ని వస్తే…..ట్రాఫిక్ మరియు కారు పార్కింగ్ కోసం ఎదురు అయ్యే సమస్యలను దృష్టిలో పెట్టుకొని ఈ కార్ ను డిజైన్ చేశారు. ఒక్కసారి ఛార్జ్ చేస్తే ఈ కారు 150 కిలోమీటర్లు ప్రయాణిస్తుంది. గంటకు 60 కిలోమీటర్ల వేగంతో ప్రయాణిస్తుంది. ఇక కారు బరువును తగ్గించేందుకు బాహ్య ప్యానల్ ను పూర్తిగా ప్లాస్టిక్ తో తయారు చేశారు. టయోటా సీ+పాడ్ ధర రూ.11.75 లక్షలుగా ఉంది.
