వెంకీ హిట్ సినిమా 'ప్రేమించుకుందాం రా' సినిమా నుంచి ఐశ్వర్య రాయి ని ఎందుకు తప్పించారంటే ?

విక్టరీ వెంకటేష్ కెరీర్ లో వచ్చిన సూపర్ హిట్ సినిమాలలో ప్రేమించుకుందాం రా సినిమా కూడా ఒకటి. ఈ సినిమాకు ముందు వెంకటేష్ కుటుంబ కథా చిత్రాలతో ప్రేక్షకులను అలరిస్తున్నాడు. అయితే వెంకటేష్ వరుసగా కుటుంబ కథా చిత్రాలు చేయడం నిర్మాత డి.సురేష్ బాబుకు బోర్ గా అనిపించింది. దాంతో వెంకటేష్ హీరోగా ఒక మంచి ల‌వ్ స్టోరీ తీయాల‌ని నిర్న‌యించుకున్నాడు.

ఈ నేపథ్యంలోనే దర్శకుడు జయంత్ సి పరాన్జీ తో ఒక మంచి ప్రేమ కథను సిద్ధం చేయాలని చెప్పారు. జయంత్ ప్రేమించుకుందాం రా సినిమా కథను సురేష్ బాబు కి వినిపించారు. ఈ కథ సురేష్ బాబు తో పాటు వెంకటేష్ కు కూడా చాలా భాగా నచ్చింది. రాయలసీమ బ్యాక్ డ్రాప్ లో ఈ రొమాంటిక్ ప్రేమకథా చిత్రం వచ్చింది. ఈ సినిమాకు మహేష్ మహదేవన్ స్వరాలు సమకూర్చారు. సినిమాలోని పాటలు కూడా సూపర్ హిట్ గా నిలిచాయి. సురేష్ ప్రొడక్షన్స్ బ్యానర్ పై సురేష్ బాబు ఈ చిత్రాన్ని నిర్మించారు.

ఇక ఈ సినిమాలో వెంకటేష్ కు జోడీగా అంజలా జవేరి హీరోయిన్ గా నటించింది. వీరిద్ద‌రి పెయిర్ స్క్రీన్ అద్బతంగా క‌నిపించింది. అయితే నిజానికి ఈ సినిమాలో ఐశ్వర్యరాయ్ ని హీరోయిన్ గా అనుకున్నారు. దర్శకుడు జయంత్ కు తన బంధువుల ద్వారా ఐశ్వర్య రాయ్ కి ఉన్న పరిచయంతో ఆమెను సినిమాలో హీరోయిన్ గా తీసుకోవాలని అనుకున్నారు. కానీ ఐశ్వర్య రాయ్ అప్పటికే చేసిన‌ రెండు సినిమాలు వరుసగా ఫ్లాప్ అయ్యాయి.

దాంతో సెంటిమెంట్ గా వ‌ర్కౌట్ అవుతుందో లేదో అనే ఆలోచ‌న‌తో ఐశ్వర్య రాయ్ స్థానంలో అంజలా జవేరి ని హీరోయిన్ గా తీసుకున్నారు. ఇక ఈ సినిమా ఎలాంటి రికార్డులు క్రియేట్ చేసిందో తెలిసిందే. ముఖ్యంగా ఈ ప్రేమ కథా చిత్రానికి యూత్ ఫిదా అయిపోయారు. 1997 మే 9న ఈ సినిమా విడుదల కాగా ఇటీవ‌లే పాతికేళ్లు పూర్తిచేసుకుంది. ఈ సందర్భంగా రీసెంట్ గా ప్రేమించుకుందాం రా టీం సెలబ్రేషన్స్ జరుపుకున్నారు.

ప్రేమించుకుందాం రా సినిమాలో వెంకీతో జ‌త‌క‌ట్టాల్సిన ఐశ్వర్యరాయ్…కానీ అలా జ‌ర‌గ‌టంతో..!

Visitors Are Also Reading