అయ్య బాబోయ్… ఈ రోగం వస్తే ఆవులా మారిపోతారట !!

మనుషులకు వచ్చే రోగాలు చిత్రవిచిత్రాలుగా ఉంటాయన్న విషయం తెలిసిందే. మనం ఎప్పుడు కనివినీ ఎరుగని రోగాలు కూడా అప్పుడప్పుడు ప్రపంచంలో ఎక్కడో ఒక మూల బయటపడుతూ ఉంటాయి. ఇది కూడా అలాంటిదే. ఈ వ్యాధి కనక వచ్చిందంటే మనుషులు ఆవుల్లా ప్రవర్తిస్తారట. అంతేకాదు గడ్డి మేయడం, గేదెలా బిహేవ్ చేయడం, పచ్చిక బయళ్ళలో తిరగడం వంటి వింత వింత ప్రవర్తన కనబరుస్తుంటారు అట. అంతే ఈ రోగం వచ్చింది అంటే మనుషులము అన్న సంగతి మర్చిపోయి జంతువులా బిహేవ్ చేస్తారట. మనుషుల్ని మనుషుల్లా తట్టుకోవడం కష్టం. మరి జంతువులు గా మారితే పరిస్థితి ఏమిటి?

ఇది ఒక రకమైన వ్యాధి, దీని కేసులు చాలా అరుదుగా కనిపిస్తాయి. ఈ మానసిక రుగ్మత పేరు బోనాంత్రోపీ, ఇది ఒక రకమైన జెనాంత్రోపీ వ్యాధి. ఈ సమస్యతో ఎవరైనా బాధపడితే వారు ఆవులా ప్రవర్తిస్తున్నట్లు అతనికి అనిపించదని అంటున్నారు. ఈ వింత మానసిక రోగం మానసిక సమస్యలు, కలలు వంటి వాటి వల్ల వస్తుందని చాలా పరిశోధనల్లో తేలింది. అయినప్పటికీ చాలా మంది ప్రజలు ఈ వ్యాధికి కారణం బ్లాక్‌ మ్యాజిక్, చేతబడి అంటారు. కానీ అది నిజం కాదని వాదిస్తున్నారు వైద్యులు. నియో బాబిలోనియన్ రాజుగా ఉన్న రాజు నెబుచాడ్నెజార్ ఈ వ్యాధి బాధితుడని, ఆయన 605 BC నుండి 562 BC వరకు పాలించాడని ఓ నివేదిక ఇచ్చిన సమాచారం.