RGV : వ్యూహం సినిమాలో సీఎం కేసీఆర్...అదిరిందయ్యా వర్మ !

టాలీవుడ్ వివాదాస్పద దర్శకుడు రాంగోపాల్ వర్మ గురించి ఎంత చెప్పినా తక్కువే అవుతుంది. రాంగోపాల్ వర్మ ఎప్పుడు ఏదో ఒక పోస్ట్ సోషల్ మీడియాలో పెట్టి… నిత్యం వార్తల్లో నిలుస్తూ ఉంటారు. ఇక ఇప్పటికే రాజకీయాలపై అనేక సినిమాలు చేసిన రాంగోపాల్ వర్మ… ఇప్పుడు ఏపీ రాజకీయాలపై మరో సినిమా చేస్తున్నారు. ఈ సినిమానే వ్యూహం. వైసిపి పార్టీ ఎదుగుదల, ముఖ్యమంత్రిగా సీఎం జగన్మోహన్ రెడ్డి ప్రమాణస్వీకారం, కాంగ్రెస్ మరియు చంద్రబాబు కుట్రలు ఈ సినిమాలో చూపెట్టనున్నారు రాంగోపాల్ వర్మ.

ఇక ఈ సినిమాలో సింపుల్గా జగన్మోహన్ రెడ్డి జీవిత చరిత్ర ఉండనుంది. ఇక సీఎం జగన్ పాత్రను తమిళనాడు నటుడు అజ్మల్, వైయస్ భారతి పాత్రలో మానస రాధాకృష్ణన్ పోషిస్తున్నారు. ప్రస్తుతం ఈ సినిమా షూటింగ్ దశలో ఉంది. ఇప్పటికే ఈ సినిమా నుంచి రిలీజ్ అయిన టీజర్ సంచలనలను సృష్టించిన సంగతి మనందరికీ తెలిసిందే. ఇక లేటెస్ట్ గా ఈ సినిమా షూటింగును విజయవాడ నాగార్జున యూనివర్సిటీ ఎదురుగా ఉన్న బైబిల్ మిషన్ గ్రౌండులో చిత్రీకరించారు.

ఈ సందర్భంగా వైసీపీ అధినేత జగన్.. సీఎంగా ప్రమాణ స్వీకారాన్ని చేసే సన్నివేశాన్ని షూట్ చేశారు. అయితే ఈ కార్యక్రమానికి ఇతర రాష్ట్రాలు అయిన ముఖ్యమంత్రులు అయిన స్టాలిన్ , సీఎం కేసీఆర్ అతిథులుగా వస్తారు. ఇదే విషయాన్ని ఈ సినిమాలో కూడా చూపించేందుకు వర్మ డిసైడ్ అయ్యారు. ఇందులో భాగంగానే సీఎం కేసీఆర్ మరియు స్టాలిన్ పాత్రను కూడా ఇందులో పెట్టారు. దీనికి సంబంధించిన ఫోటో ఇప్పుడు సోషల్ మీడియాలో వైరల్ గా మారింది. ఇందులో కేసీఆర్ పాత్ర పోషించే వ్యక్తి అచ్చం అతని లాగే కనిపించారు.