హ‌రిహ‌ర‌వీర‌మ‌ల్లు సినిమాలో అదే హైలెట్ అట‌..! అస‌లు వ‌ర్కౌట్ అవుతుందా…?

పవర్ స్టార్ పవన్ కళ్యాణ్ ఓవైపు రాజకీయాల్లో బిజీగా ఉన్నా.. మరోవైపు సినిమాలను పూర్తి చేస్తున్నారు. ప్రస్తుతం పవన్ కళ్యాణ్ క్రిష్ దర్శకత్వంలో ఓ సినిమా చేస్తున్న‌ సంగతి తెలిసిందే. హరిహర వీరమల్లు అనే టైటిల్ తో ఈ చిత్రం షూటింగ్ జరుపుకుంటుంది. ఈ సినిమాలో నిధి అగ‌ర్వాల్ హీరోయిన్ గా న‌టిస్తోంది. దాదాపుగా ఈ సినిమా షూటింగ్ పూర్తయినట్టు తెలుస్తోంది. మొదటిసారి పవన్ కళ్యాణ్ ఈ సినిమాతో సోషియో ఫాంటసీ సినిమాలో నటిస్తున్నారు.

ఈ సినిమాలో పవన్ కళ్యాణ్ లుక్ సినిమాపై ఆసక్తిని మరింత పెంచుతుంది. ఇప్పటికే ఈ సినిమాపై భారీ అంచనాలు నెలకొన్నాయి. తాజాగా పవన్ కళ్యాణ్ ఈ సినిమా కోసం మార్షల్ ఆర్ట్స్ లో శిక్షణ తీసుకుంటున్నట్టు ఒక ఫోటోను సోషల్ మీడియాలో షేర్ చేశారు. ఈ ఫోటో నెట్టింట వైర‌ల్ అవుతోంది. అంతేకాకుండా ఈ సినిమాలో భారీ యాక్షన్ సన్నివేశాలు ఉండబోతున్నట్టు ప్రచారం జరుగుతోంది.

అయితే తాజాగా ఈ సినిమాకు సంబంధించి మరో ఆసక్తికరమైన విషయం నెట్టింట‌ వైరల్ అవుతుంది. ఈ సినిమాలో ఇంటర్వెల్ బ్లాక్ సినిమాకే హైలెట్ గా నిలుస్తుందని ప్రచారం కూడా జరుగుతోంది. అంతేకాకుండా ఆ సీన్ దాదాపుగా 20 నుండి 22 నిమిషాల పాటు ఉండబోతుంది అంటూ టాక్ వినిపిస్తోంది.

PAWAN KALYAN

ఆ సీన్ కు పవన్ కళ్యాణ్ ఫ్యాన్స్ ప్రేక్షకులు ఫిదా అవుతారట‌. అంతేకాకుండా ఆ సీన్ టాలీవుడ్ లోనే బెస్ట్ యాక్షన్ సీన్ గా నిలుస్తుందని కూడా ప్రచారం జరుగుతుంది. ఇప్ప‌టి వ‌ర‌కూ సినిమాల్లో యాక్ష‌న్ సీన్లు కొత్త కాదు కానీ 20 నిమిషాల యాక్ష‌న్ సీన్ అనేస‌రికి ఆ సీన్ ఎలా ఉండ‌బోతుంది అని సినిమా పై అంచ‌నాలు రెట్టింపు అవుతున్నాయి.