భారత ప్రధాని నరేంద్ర మోడీ సోషల్ మీడియాలో చేసిన ఓ పోస్ట్ కారణంగా ఇప్పుడు ట్రోల్స్ బారిన పడ్డారు. నిన్న జగ్జీవన్ రామ్ జయంతి సందర్భంగా ప్రధాని నరేంద్ర మోడీ సోషల్ మీడియాలో ఓ ఫోటో షేర్ చేశారు. ఫోటో లో మోడీ బాబు జగ్జీవన్ రామ్ జయంతి సందర్భంగా ఆయనకు నివాళులు అర్పిస్తున్నారు. ఈ ఫోటోకు…. మన దేశం ఆయన చేసిన సేవలను ఎన్నటికీ మర్చిపోదు… స్వాతంత్ర ఉద్యమంలో లో పేదల అభ్యున్నతి కోసం ఆయన చేసిన కృషి అడ్మినిస్ట్రేటివ్ స్కిల్స్ చాలా గొప్పవి అంటూ తన ట్విట్టర్లో పేర్కొన్నారు. అయితే ఇంత వరకూ బాగానే ఉంది. కానీ ప్రధాని షేర్ చేసిన ఫోటోలో ఆయన వెనక దివంగత నేత అరుణ్ జైట్లీ కనిపిస్తున్నారు.
అయితే అరుణ్ జైట్లీ స్వర్గస్తులైన సంగతి తెలిసిందే. దాంతో అరుణ్ జైట్లీ ఆత్మ ప్రధాని వెనకాల జగ్జీవన్ రామ్ కు నివాళులు అర్పించేందుకు వెయిట్ చేస్తుంది అంటూ సోషల్ మీడియాలో ట్రోల్ చేస్తున్నారు. మరికొందరు ఇంత పబ్లిసిటీ స్టంట్ అవసరమా సార్ అంటూ కామెంట్లు పెడుతున్నారు. అయితే నెగిటివ్ కామెంట్లు వచ్చినా కూడా ప్రధాని మాత్రం ఆ ఫోటోను డిలీట్ చేయకపోవడం విశేషం.
