పుట్టుక ముందు నుంచి మరణించే వరకు.. హిందూ మతంలోని 16 ఆచారాలివే..!

హిందూమతంలో అనేక ఆచారాలకి ప్రాముఖ్యతను ఇస్తాము. వాటిని పాటిస్తూ ఉంటాము. పుట్టినప్పటి నుంచి చనిపోయే వరకు కొన్ని కర్మలని ఫాలో అవుతూ ఉంటాము. ఈ 16 సంస్కారాలని షోడశ సంస్కారం అని అంటారు. 40 ఆచారాలు గురించి గౌతమ శాస్త్రంలో ప్రస్తావించబడింది. కొన్ని చోట్ల 48 ఆచారాలు గురించి కూడా చెప్పబడింది. ప్రస్తుత కాలంలో 16 సంస్కారాలు మాత్రమే ఎక్కువగా ఉన్నాయి. మొదటిది గర్భదానం. బిడ్డ పుట్టాలని ప్రార్ధించడం దీని యొక్క ఉద్దేశం. రెండవది పుంసవన్. 16 సంస్కారాలలో ఒకటి. పుట్టబోయే బిడ్డ ఆరోగ్యం, భద్రత కోసం జరపాలి. మూడవది సీమంతం లేదా శ్రీ మంతం అని పిలుస్తాం. సునాయాసంగా ప్రసవం జరగడానికి ఉద్దేశించి జరుపుతారు.

నాల్గవది జాత కర్మ. ఇది బిడ్డ పుట్టిన వెంటనే నిర్వహించే ఆచారం. ఈ కర్మ శిశువు జన్మించడానికి కొద్ది సమయం ముందు మొదలై శిశువు జన్మించిన తర్వాత అవుతుంది. తర్వాత నామకరణ వేడుక. బిడ్డ పుట్టిన 11వ లేదా 12వ రోజున చేస్తారు. పేరు పెడతారు. ఆరవది నిష్క్రమణం. ప్రకృతికి అలవాటు పడటానికి జరుపుతారు. ఏడవది అన్నప్రాసన. ఆరు నెలల వయసులో దీనిని చేస్తారు ఎనిమిదవది చౌల సంస్కార్. పుట్టినప్పుడు శిశువు తలపై ఉన్న వెంట్రుకలని ఐదవ లేదా ఏడవ సంవత్సరం పూర్తయినప్పుడు తీస్తారు. మూడవ సంవత్సరంలో కూడా చేయొచ్చు. మొదటి సంవత్సరం చివర్లో కూడా చేయొచ్చు.

Also read:

• 40 దాటిన పురుషులు ఈ మార్పులు చేసుకుంటే.. ఆరోగ్యాంగా ఉండొచ్చు..!

తొమ్మిదవది కర్ణ వేద. అంటే చెవులు కుట్టడం. పదోది అక్షరాభ్యాసం. 11 ఉపనయనం. బ్రాహ్మణ క్షత్రియ వైశ్య తరగతులకు సంబంధించినది. 12 కేశాంత. యుక్త వయసులో చేసే ఆచారం ఇది. 13 సంవర్తన లేక స్నాతక సంస్కారం. విద్యని బోధించిన గురువు జరుపుతారు. 14వ తేదీ వివాహం. 15 పదవీ విరమణ. ఆఖరిది చివరి కర్మలు ఇది మరణించిన తర్వాత చేస్తారు.

తెలుగు న్యూస్ కోసం ఇవి చూడండి!