“ఖుషి” మ్యూజిక్ డైరెక్టర్ కు ఆ స్టార్ హీరోకు మధ్య ఉన్న ఈ రిలేషన్ గురించి తెలుసా?

ఇటు సమంత అభిమానులు, అటు రౌడీ అన్న విజయ దేవరకొండ అభిమానులు ఎంతగానో ఎదురు చూస్తున్న సినిమా “ఖుషి”. ఈ సినిమా ఇవాళ థియేటర్ లో రిలీజ్ అయ్యి పాజిటివ్ టాక్ తో దూసుకెళ్ళిపోతోంది. అక్కడక్కడా కొంత లాగ్ అనిపిస్తున్నప్పటికీ.. సినిమా అంత సరదాగా సాగిపోతుందని టాక్ వినిపిస్తోంది. ఈ సినిమా పాటలు కూడా ఓ రేంజ్ లో హిట్ అయిన సంగతి తెలిసిందే. హేషమ్ అబ్దుల్ వహాబ్ ఈ చిత్రానికి సంగీతం అందించారు.

ఖుషి సినిమా సాంగ్స్ ఇప్పటికే సూపర్ పాపులర్ అవ్వడంతో హేషమ్ అబ్దుల్ వహాబ్ గురించి నెట్టింట్లో చర్చ జరుగుతోంది. హేషమ్ అబ్దుల్ వహాబ్ ఎవరో కాదు. ఓ స్టార్ హీరో కు స్వయానా కజిన్ అవుతారట. ఇంతకీ ఆ స్టార్ హీరో ఎవరంటే.. మలయాళ స్టార్ హీరో ఫాహద్ పాజిల్ కు కజిన్ అవుతారట. ఈ విషయాన్నీ ఆయనే స్వయంగా “ఖుషి” సినిమా ప్రమోషన్స్ సమయంలో చెప్పుకొచ్చారు. వాస్తవానికి హేషమ్ అబ్దుల్ వహాబ్ మలయాళీ సంగీత దర్శకుడు.

తొలిసారిగా హేషమ్ అబ్దుల్ వహాబ్ మాంగో ట్రీకు సంగీతం అందించారు. 2015 లో సినిమా ఇండస్ట్రీకి అడుగు పెట్టిన హేషమ్ అబ్దుల్ వహాబ్ పలు సినిమాలకు మ్యూజిక్ అందించి పాపులర్ అయ్యారు. సింగర్ గా, సంగీత దర్శకుడిగా తనకంటూ ప్రత్యేక గుర్తింపుని తెచ్చుకున్నారు. గత ఏడాది మలయాళంలో విడుదల అయిన హృదయం సినిమాతో సెన్సేషన్ క్రియేట్ చేసారు. టాలీవుడ్ లో తనకు విజయ్, నాని అంటే ఇష్టమని హేషమ్ అబ్దుల్ వహాబ్ చెప్పుకొచ్చారు. వాళ్లతో వర్క్ చేస్తున్నందుకు హ్యాపీ గా ఉందని అన్నారు. ఎన్టీఆర్, చరణ్ తన ఫేవరెట్ తెలుగు హీరోలు అని హేషమ్ అబ్దుల్ వహాబ్ తెలిపారు.