రంజిత‌మే పాట‌లో ర‌ష్మిక‌నే బీట్ చేసిన ఈ ముద్దుగుమ్మ ఎవ‌రో తెలుసా..?

త‌మిళ స్టార్ హీరో విజ‌య్ న‌టించిన వారసుడు సినిమా ఈ ఏడాది సంక్రాంతికి విడుద‌లై నెగిటివ్ టాక్ ను సొంతం చేసుకుంది. ఈ సినిమాకు వంశీపైడిప‌ల్లి ద‌ర్శ‌క‌త్వం వ‌హించగా దిల్ రాజు ఈ సినిమాను నిర్మించారు. భారీ బ‌డ్జెట్ తో ఈ సినిమాను తెర‌కెక్కించారు. ఇక ఈ సినిమాకు థ‌మ‌న్ స్వ‌రాలు స‌మ‌కూర్చిన సంగ‌తి తెలిసిందే. ఈ సినిమాలోని పాట‌లు అన్ని సూప‌ర్ హిట్ అయ్యాయి. ఆ సాంగ్స్ లో రంజిత‌మే పాట కూడా ఒక‌టి.

ఈ పాట‌లో ర‌ష్మిక డ్యాన్స్ ఇర‌గ‌దీసింది. విజ‌య్ కి పోటీ ఇస్తూ మాస్ స్టెప్పుల‌తో అద‌ర‌గొట్టింది. ప్ర‌స్తుతం ఈ పాట యూట్యూబ్ ను షేక్ చేస్తోంది. ఇదిలా ఉంటే సోష‌ల్ మీడియా ప్ర‌భావం పెరిగిన త‌ర‌వాత కొంత‌మంది ఓవ‌ర్ నైట్ పాపలారీటీని సంపాదించుకుంటున్నారు. రంజిత‌మే పాట ద్వారా కూడా అలాంటిదే జ‌రిగింది. ఈ పాట‌లో ర‌ష్మిక‌, విజ‌య్ ల కంటే ఓ అమ్మాయి త‌న డ్యాన్స్ తో అద‌ర‌గొట్టింది.

అమ్మాయి అందానికి ఆమె డ్యాన్స్ గ్రేస్ కు కుర్రాళ్లు ర‌ష్మిక‌ను ప‌క్క‌న‌న‌పెట్టేసి ఆ అమ్మాయినే చూస్తున్నారు. అంతే కాకుండా అ ముద్దుగుమ్మ ఎవ‌రని ఆ పాట‌కు స్టెప్పులు వేసిన సైడ్ డ్యాన్సర్స్ అంద‌రి లిస్ట్ ను సెర్చ్ చేశారు. కాగా ఆ ముద్దుగుమ్మ పేరు అంబికా కోహ్లీ అని తెలుస్తోంది. అంబికా కోహ్లీ సోష‌ల్ మీడియా ఖాతా పేరు పాటాకా అని ఉండ‌గా ఆమెకు ల‌క్ష‌ల్లో అభిమానులు ఉన్నారు. కేవ‌లం సినిమాల్లోనే కాకుండా ప్రైవేట్ ఆల్బ‌మ్స్ లో డ్యాన్స్ చేస్తూ అంబిక అభిమానుల‌ను సంపాదించుకుంది. ఇక సోష‌ల్ మీడియాలో కూడా త‌న డ్యాన్స్ వీడియోల‌ను షేర్ చేస్తూ ఆక‌ట్టుకుంటోంది. రంజిత‌మే పాట త‌ర‌వాత అంబిక క్రేజ్ డ‌బుల్ అవ్వ‌డంతో పాటూ సోష‌ల్ మీడియా ఫాలోవ‌ర్ ల సంఖ్య కూడా డ‌బుల్ అయ్యింది.

ALSO READ :శంకరాభరణం హిట్ అయినా… ఆ నటి జీవితం సర్వనాశనం!