టాలీవుడ్ సీనియర్ నటుడు అక్కినేని నాగేశ్వరరావు శతజయంతి వేడుకలు తాజాగా ఘనంగా జరిగిన విషయం తెలిసిందే. ఈ వేడుకలకు టాలీవుడ్ కి చెందిన పలువురు సినీ ప్రముఖులు హాజరయ్యారు. ఈ వేడుకలకు కలెక్షన్ కింగ్ మోహన్ బాబు కూడా హాజరయ్యారు. స్టూడియోలో ఏర్పాటు చేసిన ఏఎన్నార్ నిలువెత్తు కాంస్య విగ్రహానికి నివాళులర్పించారు. అనంతరం ఆయన మీడియాతో మాట్లాడారు. నాగేశ్వరరావు గారితో తనకున్న అనుభవాలను జ్ఞాపకాలను పంచుకున్నారు.
Advertisement
ముఖ్యంగా అక్కినేని నాగేశ్వరరావు గురించి మాట్లాడాలంటే.. “నేను ఓ పెద్ద పుస్తకాన్నే రాయొచ్చని తెలిపారు మోహన్ బాబు. మా ఇద్దరికీ ఉన్నటువంటి బంధం అలాంటి మరీ. నేను తిరుపతిలో చదువుకునే సమయంలో నాగేశ్వరరావు గారి సినిమా 100 రోజుల ఫంక్షన్ జరుగుతుందంటే అక్కడికి వెళ్లి ఆయనను చూద్దామని ప్రయత్నించి చొక్కా చించుకొని రూమ్ కి వెళ్లిన వాడిని. మళ్లీ ఆ చొక్కా కుట్టించుకోవడానికి కూడా నా వద్ద డబ్బులు లేవు. అలాంటి నాగేశ్వరరావు గారితో సినిమా పరిశ్రమలో అసిస్టెంట్ డైరెక్టర్ గా పని చేసే అవకాశం నాకు దక్కింది. నాగేశ్వరరావు, ఎస్వీ రంగారావు, పని చేసిన మరపురాని మనిషి సినిమాకు నేను అసోసియేట్ గా పని చేశాను” అని చెప్పుకొచ్చారు.
Advertisement
ప్రధానంగా ఓ సందర్భం గురించి మాట్లాడుతూ.. “అన్నపూర్ణ స్టూడియోలోనే సినిమా చేస్తున్నప్పుడు నా కంటే ముందుగా నాగేశ్వరరావు సెట్ కి వెళ్లి కూర్చున్నారు.నేను లేటుగా వెళ్లాను. నమస్కారం సార్ అన్నాను. ఏంటయ్యా అలా ఉన్నావు అన్నారు. నాకొక కోరిక ఉంది సార్ అన్నాను. దాసరి నారాయణ రావు లోపల ఉన్నారు. మీరేమో బయట ఉన్నారు. ప్రతిసారి మీరు వస్తే నేను లేచి నిలబడాలా? నేను వస్తే మీరు లేచి నిలబడాలని కోరిక కోరుకుంటున్నాను సర్ అన్నాను. అమ్మ లమ్మిడి కొడక నీకు అంత కోరిక ఉందా అన్నారు. మరుసటి రోజు ఇదే ఫస్ట్ ఫ్లోర్ లో నాగేశ్వరరావుగారు, దాసరినారాయణగారు బయట ఉన్నారు. నేను మేకప్ వేసుకొని వెళ్లాను. ఇద్దరూ లేచి నిలబడ్డారు. ఇదేంటి సార్.. ఇద్దరూ లేచి నిలబడ్డారు అని అడిగాను. లేదులే.. నీ కోరిక కదా.. అందుకే మేమిద్దరం లేచి నిలబడ్డాం అన్నారు. అలాంటి చమత్కారాలు నాగేశ్వరరావు గారిలో చాలా ఉన్నాయి” అని మోహన్ బాబు నవ్వుతూ వెల్లడించారు.
మరికొన్ని ముఖ్యమైన వార్తలు :
నారా బ్రాహ్మణి వ్యాఖ్యలపై… శ్రీరెడ్డి ఫైర్.. అప్పుడు ఎందుకు మాట్లాడలేదు అంటూ…!
