‘స్పై’ నుంచి అఫీషియల్ లీక్ ఇచ్చిన నిఖిల్..!

టాలీవుడ్ యంగ్ సెన్సేషన్ నిఖిల్ గురించి ప్రత్యేకంగా చెప్పాల్సిన అవసరమే లేదు. గత ఏడాది కార్తికేయ 2 చిత్రంతో మంచి విజయాన్ని సొంతం చేసుకున్నాడు. గతంలో తాను నటించిన సూపర్ హిట్ మూవీ కార్తికేయకి ఈ సినిమా సీక్వెల్ గా తెరకెక్కింది. చందు మొండేటి దర్శకత్వం వహించిన ఈ చిత్రం రూ.30 కోట్లతో తెరకెక్కింది. బాక్సాఫీస్ వద్ద దాదాపు రూ.120 కోట్లకి పైగా కలెక్షన్లు వసూలు చేసి అందరినీ ఆశ్చర్యపరిచింది. దేశవ్యాప్తంగా అభిమానుల మన్ననలు అందుకున్నారు హీరో నిఖిల్. ఈ సినిమాతో నిఖిల్ కి పాన్ ఇండియా మార్కెట్ పెరిగింది. దీంతో తన తరువాత సినిమాపై భారీ హైప్ నెలకొంది. 

ముఖ్యంగా టాలెంట్ ఉన్న వ్యక్తులతో పనిచేయడానికి యంగ్ హీరో నిఖిల్ ఎప్పుడూ చాలా ఆసక్తి చూపిస్తుంటాడు. నిఖిల్ కెరీర్ ను ఒకసారి గమనించినట్టయితే.. అతడి సినిమాలతో పరిచయమైన దర్శకులు చాలా మందే ఉన్నారు. నిఖిల్ సూర్య వర్సెస్ సూర్య మూవీతో ప్రముఖ సినిమాటోగ్రాఫర్ కార్తిక్ ఘట్టమనేని దర్శకుడిగా పరిచయమయ్యాడు. అంతేకాదు.. నిఖిల్ తాజా చిత్రం స్పై తో గూఢచారి, ఎవరు, హిట్ వంటి చిత్రాలకు పనిచేసిన ప్రముఖ ఎడిటర్ గ్యారీ బి.హెచ్. దర్శకుడిగా పరిచయమవుతున్నాడు. ఎడ్ ఎంటర్టైన్మెంట్స్ పై చరణ్ తేజ్ ఉప్పలపాటి సిఈఓగా కె.రాజశేఖర్ రెడ్డి ఈ చిత్రాన్ని నిర్మిస్తున్నారు. నిర్మాతనే ఈ చిత్రానికి కథను కూడా ఇవ్వడం విశేషం.

Also Read :  నరేష్ కు హ్యాండ్ ఇచ్చిన పవిత్ర లోకేష్.. అక్కడికి జంప్.. నిజమేనా..?

కార్తికేయ-2 తో పాన్ ఇండియా స్టార్ గా నిఖిల్ గుర్తింపు తెచ్చుకోవడంతో.. స్పై చిత్రాన్ని కూడా తెలుగు, హిందీ, తమిళ, కన్నడ, మలయాళం వంటి భాషల్లో విడుదల చేయబోతున్నారు. దీనికి సంబంధించిన లేటెస్ట్ అప్ డేట్ ను నిఖిల్ సోషల్ మీడియా ద్వారా ఇచ్చేశాడు. ఈ సినిమాను సమ్మర్ లో  ప్రేక్షకుల ముందుకు తీసుకొస్తున్నట్టు అఫీషియల్ లీక్ ద్వారా తెలిపాడు. భారీ బడ్జెట్ ఎంటర్టైనర్ గా తెరకెక్కుతున్న “స్పై” చిత్రానికి అత్యున్నత సాంకేతిక నిపుణులు పనిచేస్తున్నారు. హాలీవుడ్ టెక్నీషియన్ జూలియన్ ఎస్ట్రాడా ఈ చిత్రానికి సినిమాటోగ్రాఫర్ కాగా.. శ్రీచరణ్ పాకాల సంగీతం అందిస్తున్నాడు. ఆర్ట్ డైరెక్టర్ గా అర్జున్ సూరిశెట్టి, ప్రొడక్షన్ డిజైనర్ గా రవి ఆంథోనీ పనిచేస్తున్నారు. ఐశ్వర్య మీనన్ హీరోయిన్ గా నటిస్తున్న ఈ సినిమాలో అభినవ్ గోమటం, సన్యా ఠాకూర్, జిషు సేన్ గుప్తా, నితిన్ మెహతా, రవి శర్మ తదితరులు ఇతర ప్రధాన పాత్రలు పోషిస్తున్నారు.

Also Read :  తమ్ముడు సినిమాలో సెకండ్ హీరోయిన్ మీకు గుర్తుకు ఉందా..? ఇప్పుడు ఎలా మారిందంటే..?