ప‌రిచ‌యం :
టాలీవుడ్ యంగ్ హీరో కిరణ్ అబ్బ‌వ‌రం తాజా చిత్రం మీట‌ర్. ఈ సినిమాకు ర‌మేష్ క‌దూరి ద‌ర్శ‌క‌త్వం వ‌హించారు. సినిమాలో కిరణ్ కు జోడీగా అతుల్య హీరోయిన్ గా న‌టించగా పోసాని కృష్ణ‌ముర‌ళి, స‌ప్త‌గిరి త‌దిత‌ర న‌టీన‌టులు ముఖ్య‌మైన పాత్ర‌ల‌లో న‌టించారు. అంతేకాకుండా ఈ సినిమాకు సాయికార్తీక్ స్వ‌రాలు స‌మ‌కూర్చాడు. ఇక ఈ సినిమా నేడు విడుద‌లై ప్రేక్ష‌కుల ముందుకు వ‌చ్చింది. మీట‌ర్ టీజ‌ర్ ట్రైలర్ ల‌కు మంచి రెస్పాన్స్ రావ‌డంతో సినిమా పై ప్రేక్ష‌కుల‌లో అంచ‌నాలు నెల‌కొన్నాయి. మ‌రి ఆ అంచ‌నాల‌ను మీట‌ర్ రీచ్ అయ్యిందా లేదా అన్న‌ది ఇప్పుడు చూద్దాం……
Advertisement
ALSO READ : కేజీఎఫ్ స్టోరీ నుంచి సుకుమార్ ఆ లైన్ లేపేసాడా..? పుష్ప కోసమే..!
క‌థ :
ఈ సినిమాలో కిరణ్ అబ్బ‌వ‌రం అర్జున్ క‌ళ్యాణ్ గా న‌టించాడు. ఇక అర్జున్ క‌ళ్యాణ్ తండ్రి ఓ సాధార‌ణ నిజాయితీ గ‌ల కానిస్టేబుల్. అయితే కొడుకును ఎస్సై చేయాల‌నేదే ఆయ‌న క‌ల. కానీ అర్జున్ క‌ళ్యాణ్ కు మాత్రం పోలీస్ అవ్వ‌డం అంటేనే చిరాకు. కానీ తండ్రి ఒత్తిడి వ‌ల్ల ఈవెంట్స్ క్లియ‌ర్ చేసి ఎస్సై ఉద్యోగాన్ని సాధిస్తాడు. ఆ త‌ర‌వాత కూడా ఉద్యోగం నుండి డిస్ మిస్ అవ్వాల‌ని ప్ర‌య‌త్నిస్తుంటాడు. ఇంత‌లోనే అత‌డికి హోం మినిస్ట‌ర్ తో క్లాష్ వ‌స్తుంది. అస‌లు హోం మినిస్ట‌ర్ తో ఎస్సై కి గొడ‌వ ఏంటి..? అర్జున్ ఉద్యోగంలో కొన‌సాగాడా..? ఒక ఎస్సై హోం మినిస్ట‌ర్ ను ఎలా ఎదురుకున్నాడు అన్న‌ది తెలియాలంటే సినిమా చూడాల్సిందే.
Advertisement
రివ్యూ :
ఏ హీరోకైనా మాస్ ఇమేజ్ రావాల‌ని ఉంటుంది. ఇప్పుడు కిరణ్ అబ్బ‌వ‌రం కూడా అదే కోరికతో ఉన్న‌ట్టు క‌నిపిస్తోంది. ఈ సినిమాలో ప‌వ‌ర్ ఫుల్ డైలాగులు ఫైట్ ల‌తో రెచ్చిపోయాడు. అయితే మీట‌ర్ పూర్తి రొటీన్ సినిమా ఎక్క‌డా కూడా కొత్త‌ద‌నం ఉండ‌దు. అప్ప‌ట్లో స్టార్ హీరోలు ఇలాంటి సినిమాలు చేసి అల‌సిపోయారు. ప్ర‌స్తుతం ప్రేక్ష‌కుల ప‌ల్స్ ప‌ట్టుకుని సినిమాలు చేస్తున్నారు.
కానీ యంగ్ హీరో ఇలాంటి రొటిన్ క‌థ‌తో రావ‌డం ప్రేక్షుకుల‌కు బోర్ కొట్టించింది. అంతే కాకుండా అవే జోకులు కూడా ప్రేక్ష‌కుల‌కు విసుగు తెప్పించాయి. ఇక సినిమాకు మ్యూజిక్ కూడా అతిపెద్ద‌మైన‌స్ అయ్యింది. ఇక న‌టీన‌టుల ప‌ర్ఫామెన్స్ విష‌యానికి వ‌స్తే కిరణ్ అబ్బ‌వ‌రం త‌న పాత్ర‌కు న్యాయం చేశాడు. గ‌త సినిమాల కంటే డ‌బుల్ ఎనర్జీతో క‌నిపించాడు. హీరోయిన్ అతుల్య సైతం గ్లామ‌ర్ తో మెప్పించింది. పోసానీ, స‌ప్త‌గితి ప్రేక్ష‌కుల‌ను న‌వ్వించే ప్ర‌య‌త్నం చేశారు. ఇక ఒక్క‌మాట‌లో చెప్పాలంటే మీట‌ర్ సినిమా ఆడియ‌న్స్ ఓపిక‌కు ప‌రీక్ష పెట్టింది.
