కరీంనగర్ లో తీగ లాగితే విదేశాలలో డొంక కదిలింది.. విస్తుపోయే విషయాలు వెలుగులోకి..!

తెలంగాణ రాష్ట్ర పబ్లిక్ సర్వీస్ కమిషన్ లీకేజీ కేసు రోజుకో మలుపు తిరుగుతోంది. టౌన్ ప్లానింగ్ ఎగ్జామ్స్ పేపర్ మొదలు గ్రూపు 1 వరకు పలు కీలక పరీక్షలకు సంబంధించి ప్రశ్న పత్రాలు లీక్ అయినట్టు గుర్తించారు అధికారులు. దీంతో పలు పరీక్షలను రద్దు చేస్తూ.. టీఎస్పీఎస్సీ నిర్ణయం తీసుకున్న విషయం విధితమే. ఈ కేసును ప్రతిష్టాత్మకంగా తీసుకున్నటువంటి పోలీసులు కేసును విచారిస్తున్నారు. మొత్తం 9 మంది నిందితులను విచారిస్తున్నారు.  

Also Read :  తెలంగాణలో గ్రూపు 1 ప్రిలిమ్స్ పరీక్ష రద్దు..!

సిట్ అధికారుల విచారణలో విస్తుపోయే వాస్తవాలు వెలుగులోకి వస్తున్నాయి. గ్రూపు 1 పేపర్ ని రాజశేఖర్ చాలా మందికి అమ్ముకున్నట్టు సిట్ అనుమానం వ్యక్తం చేసింది. గ్రూపు 1 రాసిన వారిలో విదేశాల నుంచి ఇద్దరూ ఉన్నట్టు అధికారులు గుర్తించారు.  వీరిని కూడా విచారించేందుకు సిట్ సిద్ధమవుతోంది. అక్టోబర్ నుంచే పేపర్ లీక్ అయినట్టు అధికారులు అనుమానం వ్యక్తం చేస్తున్నారు. కరీంనగర్ కి చెందిన ఆరుగురికి రాజశేఖర్ గ్రూపు 1 పేపర్ ఇచ్చినట్టు సమాచారం. నలుగురు ఎన్ఆర్ఐలతో పాటు మరో ఇద్దరు స్థానికులు కూడా గ్రూపు 1 పరీక్షలు రాసినట్టు గుర్తించారు అధికారులు.  

Also Read :   జై చిరంజీవ చైల్డ్ ఆర్టిస్ట్ ఇప్పుడు ఎలా ఉందో తెలుసా…!

గ్రూపు 1 పరీక్షలు రాసేందుకు నలుగురు ఎన్ఆర్ఐలు విదేశాల నుంచి వచ్చారు. పేపర్ అమ్మడం ద్వారా వచ్చినటువంటి డబ్బును రాజశేఖర్ స్నేహితులు, బంధువుల అకౌంట్ లో జమ చేశాడు. దీనిపై పోలీసులు పూర్తిస్థాయిలో విచారణ చేపడుతున్నారు. ఇదిలా ఉండగా.. టీఎస్పీఎస్సీ అక్టోబర్ తరువాత 7 పరీక్షలను నిర్వహించింది. దీంతో ఈ 7 పరీక్షలలో టాప్ మార్క్స్ సాధించిన 500 మంది జాబితాను సిద్ధం చేసింది. వీరిని విచారించనున్నటట్టు తెలుస్తోంది.  

Also  Read :  భార్య కంటే భ‌ర్త వ‌య‌సులో ఎందుకు పెద్ద‌వాడై ఉండాలి..? శాస్త్రం ఏం చెబుతుందంటే..?